Sjómannablaðið Víkingur - 01.08.1952, Blaðsíða 5

nesi, sem er bær á Reykjaströndinni. Formað-
ur á skipinu var Bjarni Jónasson, mesti efnis-
maður og ágætur formaður. Veður var þannig
um morguninn, að glaða sólskin var og hiti og
svolítill andvari af norðri, svo segl aðeins stóðu.
Morgun þennan voru menn almennt að fara
í land frá Drangey. Ég var rétt á undan Bjarna
heitnum, og lenti í Hólakotsvör, og er Hólakot
næsti bær fyrir utan Fagranes. Þegar Bjarni
kom á móts við Hólakotsvör, sem ég lenti í, sá
ég að seglin dustuðust máttlaus, því nálega var
engin gola. Menn voru oft syfjaðir í landferð-
unum, eftir vökur við eyjuna. Bjarni átti veik-
an háseta á Reykjum, svo hann lenti þar til
þess að flytja hann inn á Sauðárkrók. Ég sá
svo til Bjarna áleiðis inn eftir, en fór svo heim
til mín að Hólakoti. Ég veitti því eftirtekt, að
þeir höfðu ekki úti árar til þess að róa undir,
sem vanalega var svo kallað á sjómannamáli,
og virtist mér sumir liggja út af. Ég vil nú í
fáum orðum skýra frá tildrögum þeim, sem ollu
sjóslysi þessu: Þegar Bjarni var kominn lang-
leiðina á móts við Fagranes, segir hann við
háseta sína: „Vill nú enginn ykkar taka við
Og stýra; mig syfjar svo ákaflega mikið?“ Jón
nokkur Nikulásson tók við af Bjarna að stýra.
En þegar komið er að norðan, verður að stefna
djúpt fyrir framan svokallaða Skarfasteina,
sem eru fram af nesinu, er kallast Fagranes,
og dregur bærinn Fagranes nafn af því; en sé
stefnt of grunnt fyrir nesið, þá er Kirkjuflösin
rétt í leiðinni, hættulegt blindsker, nema um
háfjöru. Segir svo ekki af siglingunni fyrr en
skipinu hvolfir á skerinu, því Jón sofnaði og
allir hásetar Bjarna. Stutt er í land, svo allir
hefðu getað bjargað sér, ef þeir hefðu kunnað
að fleyta sér á sundi. Sá maður, sem Bjarni
tók í skipið með sér frá Reykjum, hét Jón og
var Árnason. Honum sagðist svo frá, að Bjarni
hefði hjálpað sér á kjöl, því honum mundi verða
bjargað. Bjarni komst á kjöl og hafði hreyft
þeim orðum: „Aumt er nú að vera ekki syndur“.
Jón sá svo Bjarna taka til stýrisins, sem hék,r.
í efri lykkjunni á stefninu, en í sömu andrá
sukku þeir báðir. Aldrei sást Bjama skjóta
upp aftur. En bæði Jón og Jóhannes sáust koma
einu sinni upp úr sjónum og haldast í hendur.
Þeir drukknuðu þarna fjórir, Bjarni , Jón, Jó-
hannes og Benedikt. Mennirnir þrír, sem héngu
á kjölnum, Jón Árnason, Stefán og Guðmundur,
fóru að hrópa á hjálp eins og þeir höfðu hljóð-
magn til; en svo stóð á, að tveir menn voru
að taka upp mó í nesinu og heyrðu hljóðin í
þeim. Þeir brugðu undir eins við og þutu út í
Fagraneslendinguna, og gátu með miklum erfið-
ismunum sett á flot sexæring er þar stóð uppi,
VÍKINGUR
FRÁ HAFI TIL HAFNAR
Hinn 14. maí s. 1. hafði Erík Olsen skipstjóri á
Kronsprins Olav, sem gengur á milli Kaupmanna-
hafnar og Osló, farið 1000 ferðir milli þessara
staða. Vegalengdin, sem hann hefur siglt, er um
560 þúsund sjómílur og svarar til að hann hafi farið
26% sinnum kringum jörðina. Farþegafjöldinn í
þessum ferðum mun vera um % milljón.
*
Samkvæmt skýrslum Lloyd’s er verzlunarfloti
Vestur-Þýzkalands nú 1 millj. brt. og er 14. í röð-
inni. Þýzki verzlunarflotinn var fyrir stríð 4,2 millj.
brt. en 1948 aðeins 250 þús. brt. Á árinu 1951 jókst
brt. flotans um 570 þús. brt., sem er meiri aukning
en hjá nokkurri annarri þjóð á einu ári. Vestui’-
Þjóðverjar eiga aðeins eitt skip, sem er yfir 10
þús. brt. og 57 skip þeirra eru milli 5 og 10 þús.
stærð flotans um 570 þús. brt., sem er meiri aukning
1724 milli 50 og 3000 brt. a'lls 622.513 brt., en það
er yfir helmingur af tonnafjölda þeirra. Eru þeir
því illa settir í alþjóðasamkeppni á höfunum, og eru
takmarkaðir við siglingar á Englandi, Norðursjó,
Eystrasalt og Miðjarðarhafið.
*
Á árinu 1951 björguðu brezkir bjöi’gunarbátar
406 mannslífum. Af þeim voru 116 útlendingar frá
13 þjóðum.
*
Japönsk yfirvöld hafa samið 6 ára áætlun um
skipabyggingar. Ætla Japanar að smíða á þeim
tíma 1000 skip, um 3 millj. smál. alls. Eiga þau að
geta flutt að minnsta kosti helming þess varnings,
sem fluttur er til og frá landinu.
*
Skipstjórinn á gríska olíuskipinu Polytimi An-
dreadis var sektaður í Plymouth um 1800 stp. fyrir
að hafa yfirhlaðið skip sitt um 1122 tonn, sem gaf
skipseigendum 7573 stp. ágóða.
*
Frá stríðslokum hefur P & O skipafélagið lagt
um það bil 40Y2 millj. stp. í smíði nýrra skipa.
*
Nýja Sjáland flytur nú helmingi meira magn af
kjöti til Bretlands en Argentína og Ástralía til
samans. 98% af öllum útflutningi Nýja Sjálands
fer til Bretlands.
*
Innflutningur Breta á timbri 1951 var nákvæm-
lega sá sami og fyrir stríð, en verðið var átta sinn-
um hærra.
og tókst þeim svo að bjarga mönnunum af
kjölnum. Eftir að mennirnir höfðu fengið góða
aðhlynningu, hresstust þeir fljótt.
Ég hef skrifað frásögn þessa eftir því, sem
Jón Árnason sagði mér hana.
1B3