Náttúrufræðingurinn - 1963, Blaðsíða 10

152
NÁTTÚRUFRÆÐINGURINN
því um hann segir í B.I.: „Grimmia (Rhacomitrium) elliptica is
recorded in older Jists as found in Iceland by Mörch. The speci-
mens in the collections belong to R. fasciculare.“ I>essa tegund hef
ég fundið á tveim stöðum í grennd við Reykjavík, árið 1959 skammt
frá Kolviðarhóli og síðan 1960 við Kaldársel.
18. R. aciculare (Hedw.) Brid. er allalgengur í ám og lækjum.
19. R. fasciculare (Hedw.) Brid. er nokkuð algengur.
20. R. microcarpon (Hedw.) Brid. er í B.I. getið frá einum stað
við Eyjafjörð og mun það enn eini fundarstaður þessarar tegundar
hérlendis. Þessi fundur er varðveittur í safninu hér.
21. R. lanuginosum (Hedw.) Brid. (R. hypnoides í B.I.) er hinn
alþekkti grámosi eða gamburmosi og ein allra algengasta mosa-
tegund landsins.
22. R. canescens (Hedw.) Brid. er einnig mjög algeng tegund.
FUNARIALES.
Islenzkar tegundir af þessum ættbálk tilheyra tveim ættum, þrjár
þær fyrstu ættinni Funariaceae, en hinar fjórar ættinni Splachna-
ceae. Tvær fyrstu tegundirnar vaxa hér í jarðhita, sú þriðja á ber-
um moldar- eða sandjarðvegi, hin fjórða í raka, en þrjár þær síð-
ustu á gamalli kúamykju, hrossataði o. þ. h. Tegundir, sem tilheyra
þessum ættbálk eru í Botany of Iceland númer 109—114.
1. (?) Entosthodon obtusus (Hedw.) Lindb. (E. ericetorum í B.I.)
hef ég hvorki fundið hér né séð héðan, en hennar er í B.I. getið
frá tveim stöðum í jarðhita á Vesturlandi.
2. E. fascicularis (Hedw.) C. Múll. er ekki talin fullgild íslenzk
tegund í B.I., en um hana er þar sagt: „Entosthodon fascicularis
is said to have been found by Hornemann near Reykjavík, but no
specimens of it can be found in the collections, and the occur-
rence of this species in Iceland is not probable.“ Ekkert skal um
það sagt, hvort Hornemann hefur haft rétt fyrir sér eða ekki, og
rétt er það, að ólíklegt mætti teljast að hún yxi hér, enda kom
fundur hennar mér nokkuð á óvart. Þegar vaxtarstaðurinn er hafð-
ur í huga, er þetta þó ekki eins ólíklegt og ætla mætti, því þannig
er um fleiri jarðhitamosa, sem hér finnast. Þessa tegund fékk ég
1961 frá Klúku í Bjarnarfirði í Strandasýslu (Dóra Guðjohnsen)
og óx hún þar í jarðhita.