Fréttablaðið - 26.06.2009, Page 8
8 26. júní 2009 FÖSTUDAGUR
1. Hvað heitir fjölþrautarkonan
úr Ármanni sem á miðvikudag
bætti Íslandsmet í sjöþraut?
2. Hver er nýr bæjarstjóri á
Seltjarnarnesi?
3. Hvar hafa Árni Johnsen og
félagar hans komið upp sjö
kalkúnum?
SVÖRIN ERU Á SÍÐU 42
BÓKMENNTIR „Við vonumst til að
þetta uppátæki okkar lyfti brún-
um á brúnaþungri þjóð, og við-
skiptavinirnir fari léttir í skapi
inn í helgina,“ segir Bryndís Lofts-
dóttir, vörustjóri hjá Eymundsson.
Í dag byrjar Eymundsson að taka
á móti öllum vasabrotsbókum, inn-
lendum og erlendum, sem gefnar
hafa verið út árið 2007 eða síðar,
og greiða fólki 200 krónur fyrir
stykkið í formi inneignar. Inn-
eignina er svo hægt að nota upp í
nýjar eða notaðar bækur eða aðrar
vörur sem fáanlegar eru í verslun-
um fyrirtækisins.
Bryndís segir hugmyndina hafa
komið frá bóksala innan fyrir-
tækisins. „Þetta tíðkast víða, er
til dæmis mjög vinsælt í Noregi,
og svo byggjast vefsíður eins og
Amazon og fleiri mikið á þessari
hugmynd. Skiptimarkaður með
námsbækur hefur fest sig ræki-
lega í sessi hér á landi og okkur
fannst upplagt að færa hugmynd-
ina yfir á vasabrotsbækur.“
Bryndís trúir því að átakið muni
vekja stormandi lukku. „Þessi
endur vinnslupæling er mjög í takt
við stemninguna í þjóðfélaginu.
Það er um að gera að nýta allt sem
við eigum til hins ýtrasta.“
Að sögn Bryndísar þurfa bæk-
urnar að vera í söluhæfu ástandi.
Þær verða svo seldar aftur á 400
krónur stykkið, en jafnframt verð-
ur þriðja bókin boðin í kaupbæti.
Átakið stendur út júlímánuð. - kg
Eymundsson tekur við nýlegum vasabrotsbókum í endurvinnsluátaki:
Borga fyrir vasabrotsbækur
EYMUNDSSON Skiptimarkaðir með vasa-
brotsbækur tíðkast víða erlendis.
FRÉTTABLAÐIÐ/STEFÁN
ÖRYGGISMÁL Fingraför verða í
örgjörvum allra nýrra vega-
bréfa sem koma út eftir 28.
júní. Þetta er gert í samræmi
við samþykktir Schengen-ríkja
á vettvangi ESB. Eldri vega-
bréf halda gildi sínu út gildis-
tímann, að sögn Þorvarðar Kára
Ólafssonar, skilríkja- og öryggis-
sérfræðings hjá Þjóðskrá.
Þorvarður segir þau lönd sem
þegar hafi tekið þetta upp nota
fingraförin til að flýta fyrir
afgreiðslu á landamærastöðv-
um. Þegar farið verði að nota
þetta á Íslandi verði fingrales-
arar á staðnum og sú mynd sem
tekin er af lesurunum er borin
saman við vegabréfin, að sögn
Þorvarðar.
Tilgangur fingrafaravega-
bréfa er að fullnægja kröfum
um öryggi vegabréfa sem gerð-
ar eru báðum megin Atlants-
hafsins. - vsp
Öryggi vegabréfa bætt:
Fingraför í öll
vegabréf
BRUNI Starfsfólk OR og Vátrygg-
ingafélags Íslands fór í gær að
rústum Dalasels, gönguskála
Orkuveitu Reykjavíkur í Reykja-
dal, sem eyðilagðist í bruna um
helgina. Farið var til að meta
aðstæður og koma í veg fyrir að
rusl fyki úr brunarústunum.
Hugsanlegt er að notast verði
við þyrlu við hreinsun skálans.
Þyrla var notuð til að flytja efni-
við þegar skálinn var byggður
árið 1994 því erfitt er að komast
að honum á ökutækjum. Skál-
inn stóð ofarlega í Reykjadal á
Hengilssvæði milli Hveragerðis
og Ölkelduháls, þar sem langt er í
næsta bílveg. - hds
Gönguskáli Orkuveitunnar:
Rústirnar þrifn-
ar með þyrlu
Sex teknir af lífi
Sex manns voru teknir af lífi í Kína í gær
fyrir eiturlyfjaframleiðslu og dreifingu.
Ekki hefur verið greint nánar frá brotum
fólksins. Í gær var alþjóðlegur dagur
gegn eiturlyfjamisnotkun og ólöglegri
dreifingu. Dagurinn er venjulega notað-
ur til aftakna á eiturlyfjasölum í Kína.
KÍNA
BRASILÍA, AP Borin hafa verið
kennsl á ellefu af þeim fimmtíu
líkum sem hafa fundist eftir flug-
slys í Atlantshafi hinn 31. maí.
Meðal annarra hafa verið borin
kennsl á flugstjóra vélarinnar og
einn flugþjón, að því er fram kom
í tilkynningu frá flugfélaginu Air
France. Stéttarfélag flugmanns-
ins hefur sagt frá því að hann
hafi heitið Marc Dubois og verið
franskur.
Enn er leitað að svörtu kössum
vélarinnar til þess að hægt verði
að komast að því hvað gerðist við
hrap vélarinnar. Kassarnir gefa
frá sér hljóð í um 30 daga og því
eru aðeins nokkrir dagar þar til
þeir þagna. - þeb
Flugslysið í Atlantshafinu:
Kennsl borin á
flugstjóra vélar
LÖGREGLUMÁL Lögreglan í Reykja-
vík kom upp um kannabisræktun
í tveimur heimahúsum í miðborg-
inni á þriðjudag.
Í öðru húsinu var maður hand-
tekinn eftir að munir sem tald-
ir eru þýfi fundust. Við húsleit
í hinu húsinu fannst einnig eitt-
hvað af amfetamíni og maríjúana
og var maður á þrítugsaldri yfir-
heyrður vegna málsins.
Lögreglan fann amfetamín og
maríjúana í húsi í austurborginni.
Í kjölfarið var maður um fimm-
tugt handtekinn. Þá voru höfð
afskipti af tveimur mönnum sem
höfðu fíkniefni í fórum sínum og
var annar þeirra handtekinn. - hds
Handtaka og húsleit:
Kannabisrækt í
tveimur húsum
VIÐ LEIT Nokkurt magn braks hefur verið
veitt úr hafinu eftir Airbus-þotuna sem
hrapaði í maílok. FRÉTTABLAÐIÐ/AFP
ALÞINGI Pétur H. Blöndal alþingis-
maður sagði á Alþingi á mánudag
að brýnt væri að lífeyrissjóðs-
félagar geti sjálfir kosið sér
stjórn. Þannig yrði lýðræði aukið.
Ögmundur Jónasson heilbrigð-
is ráðherra vísaði orðum Péturs
á bug og varaði við því að gera
sjóðina tortryggilega. „Engar
fjármálastofnanir lúta eins miklu
lýðræðislegu aðhaldi og lífeyris-
sjóðir,“ sagði Ögmundur.
Guðlaugur Þ. Þórðarson alþing-
ismaður sagði að gaman hefði
verið að orðum Ögmundar þar
sem að hann hefði verið formað-
ur stjórnar Lífeyrissjóðs starfs-
manna ríkisins. - vsp
Rifist um lífeyrissjóði á þingi:
Sjóðirnir verði
lýðræðislegri
– Lifið heil Lægra
verð
í Lyfju
www.lyfja.is
Gildir út júní 2009
15% afsláttur
VOLTAREN 11,6 mg/g Gel, 50 g.
15% afsláttur
NICOTINELL munnsogstöflur.
ÍS
L
E
N
S
K
A
S
IA
.I
S
L
Y
F
4
64
75
0
6
/0
9
VESTURBAKKINN, AP Ísraelskar her-
sveitir munu minnka viðveru sína
og fækka hermönnum í borgun-
um Kalkíla, Ramallah, Betlehem
og Jeríkó á Vesturbakkanum. Pal-
estínskar öryggissveitir munu
taka við stjórninni. Greint var
frá þessu í gær.
Bandaríkin hafa þjálfað þús-
undir hermanna á Vesturbakkan-
um til að undirbúa stofnun palest-
ínsks ríkis. Geta Palestínumanna
til að halda uppi lögum og reglu
er mikilvægur þáttur í friðar-
viðræðum, því Ísraelar vilja vera
þess fullvissir að palestínskt ríki
muni ekki ógna öryggi Ísraels.
Talið er að Ísraelar hafi fall-
ist á þetta vegna þrýstings frá
Bandaríkjunum. Degi fyrr
hafði fundi Benjamins Netan-
yahu, forsætisráðherra Ísraels,
og George Mitchell, erindreka
Bandaríkjanna, sem átti að fara
fram í París, verið aflýst. Barack
Obama Bandaríkjaforseti hefur
krafist þess að Ísraelar hætti
að byggja á landtökusvæðum á
Vestur bakkanum og í austur hluta
Jerúsalem, en Netanyahu hefur
sagst vilja halda áfram „eðli-
legri uppbyggingu“ á svæðunum.
Annað merki um árangur þrýst-
ings frá Bandaríkjunum er að
nýlega voru hundruð ísraelskra
vegatálma tekin niður.
Khaled Meshaal, pólitísk-
ur leiðtogi Hamas-samtakanna,
kallaði eftir því í gær að Banda-
ríkin spiluðu stærra hlutverk í
friðarviðræðum fyrir botni Mið-
jarðarhafs. Hann sagði Obama
hafa tekið fyrsta skrefið í rétta
átt en nauðsynlegt væri að Ísra-
elar afhentu landtökusvæðin sem
fyrst, ef Palestína ætti að styðja
við friðarsamning. Meshaal er í
útlegð í Sýrlandi.
Í gær voru þrjú ár liðin frá því
að palestínskir skæruliðar tengdir
Hamas-samtökunum rændu nítján
ára gömlum ísraelskum hermanni
á Gasasvæðinu. Hermaðurinn
Gilad Schalit hefur ekki sést síðan
og Rauða krossinum hefur verið
meinað að hitta hann. Hamas-
samtökin hafa á þremur árum
sýnt tvær myndbandsupptökur af
honum og borið bréf á milli hans
og fjölskyldu hans. Fjölskyldan
segir þó að ekkert hafi heyrst frá
honum síðasta árið. Samninga-
viðræður milli Ísraels og Hamas
vegna hermannsins hafa runnið út
í sandinn, en Hamas-liðar krefj-
ast þess að hundruð palestínskra
fanga verði látin laus í skiptum
fyrir hermanninn.
thorunn@frettabladid.is
Palestína fær aukna
stjórn á Vesturbakka
Ísraelsk og palestínsk stjórnvöld tilkynntu í gær að Palestínumenn myndu taka
yfir öryggisgæslu í fjórum borgum á Vesturbakkanum. Ákvörðunin er talin
hafa verið tekin vegna aukins þrýstings frá bandarískum stjórnvöldum.
VIÐ MÚRINN Ungur drengur seldi flugdreka við aðskilnaðarmúr Ísraela á milli Ramallah og Jerúsalem í gær, á sama tíma og til-
kynnt var að palestínskar öryggissveitir myndu taka yfir öryggisgæslu í borgunum og tveimur öðrum borgum á Vesturbakkanum.
FRÉTTABLAÐIÐ/AP
VEISTU SVARIÐ?