Fréttablaðið - 11.07.2009, Síða 46

22 11. júlí 2009 LAUGARDAGUR
MERKISATBURÐIR
1809 Önnur auglýsing Jörundar
hundadagakonungs birt-
ist þar sem hann tilkynnir
að hann hafi tekið að sér
stjórn landsins.
1911 Konungur staðfestir lög
um jafnan rétt kvenna á
við karla til menntunar og
embætta. Frumvarpið flyt-
ur Hannes Hafstein.
1923 Í Reykjavík verða fjölda-
slagsmál á milli sjómanna
og útgerðarmanna vegna
launadeilu.
1972 Skákeinvígi á milli Boris
Spasskí, þáverandi heims-
meistara í skák, og áskor-
andans Bobbys Fischer
hefst í Reykjavík.
1993 Björk verður fyrst ís-
lenskra listamanna til að
komast á topp tíu listann
í Bretlandi er plata hennar
Debut fer beint í 3. sæti.
1998 Hvalfjarðargöngin opnuð.
JÓN ÓLAFSSON RITSTJÓRI AND-
AÐIST ÞENNAN DAG ÁRIÐ 1916.
„Sest ryk á sannleikann ef
sópana vantar“.
Jón var skeleggur blaðamað-
ur og ritstjóri, alþingismaður,
skáld og þýðandi.
„Það voru merk tímamót fyrir mig,
stráklinginn, að vera allt í einu kom-
inn í band með landsliðinu,“ segir
Reynir Sigurðsson víbrafónleikari
um þá jákvæðu reynslu að komast í
hljómsveit Andrésar Ingólfssonar
árið 1959, þá aðeins tvítugur að aldri.
Andrés var í hópi bestu djassleikara
landsins og náði þetta sama ár efsta
sæti í alþjóðlegri tónlistarkeppni.
Sigurlaunin voru skólavist í Berklee-
skóla í Boston, sem þá var frægasti
djassskóli heimsins, og þangað fór
hann um haustið til náms. Heimkom-
inn átti hann farsælan feril í hljóm-
sveitum Ingimars Eydal, Ólafs Gauks
og Ragnars Bjarnasonar en lést fyrir
aldur fram árið 1979.
Reynir hefur fengið til liðs við
sig valinkunna djassara og ætlar að
minnast merkisársins 1959 bæði í sínu
lífi og Andrésar með tónleikum í Frí-
kirkjunni annað kvöld, sunnudag, og
á Kaffi Rosenberg á mánudagskvöld.
Þar tekur Haukur Gröndal hlutverk
Andrésar og leikur á saxófón, Ás-
geir Ásgeirsson spilar á gítar, Gunn-
ar Hrafnsson á bassa og Erik Qvick
á trommur.
Reynir kveðst hafa byrjað í dans-
tónlist sautján ára og djassi um tví-
tugt. „Djassinn var eiginlega dans-
tónlist á þessum tíma. Það var tjúttað
eftir svinglögunum og mörg dægur-
lögin voru með djassbíti,“ minnist
hann. Hann segir hljómsveit Andrésar
Ingólfssonar hafa leikið í Þórskaffi,
Vetrar garðinum, Selfossbíói og Kross-
inum í Keflavík. Einnig á Hótel KEA á
Akureyri. „Það var mikil upplifun og
upphefð að spila í þeirri hljómsveit.
Við vorum með söngvara með okkur,
Sigurð Johnny, sem sá um vinsælda-
lögin eins og Blueberry Hill með
Louis Armstrong-stælingu.“ Sjálfur
hefur Reynir spilað alla sína tíð eftir
að hann komst á bragðið og hélt áfram
í djass- og dansmúsík til 24 ára aldurs,
með hljómsveitum Gunnars Ormslev,
Jóns Páls og Svavars Gests auk þess
sem hann sjálfur stýrði hljómsveit í
Leikhúskjallaranum. Eftir nám í tón-
listarskóla hóf hann að kenna og gekk
til liðs við Sinfóníuhljómsveitina, þar
sem hann lék frá þrítugsaldri fram
yfir sextugt. Hann kveðst þó alltaf
hafa gripið í djassinn með félögum
sínum af og til.
Nú eru það gömlu, góðu lögin sem
verða rifjuð upp á tónleikunum næstu
daga. Reynir nefnir Flying Home og
Samba De Orfeo þar sem kenna má
brasilískra áhrifa. „Ég er bara að
rifja upp þennan skemmtilega tíma
árið 1959,“ segir hann og kveðst þó
taka fram að það verði djasshliðin á
hljómsveit Andrésar Ingólfssonar
sem verði ofan á. gun@frettabladid.is
REYNIR SIGURÐSSON: MINNIST ÁRSINS 1959 MEÐ TÓNLEIKUM
Djassinn var dansmúsík þá
HLJÓMSVEIT ANDRÉSAR INGÓLFSSONAR Leiðtoginn situr efstur. Aðrir eru Þórir Roff, Jón Páll
Bjarnason, Reynir Sigurðsson, Árni Egilsson og Ólafur Stephensen. MYND/ÚR EINKASAFNI
ÞEIR FETA Í FÓTSPORIN Erik Qvick, Ásgeir Ásgeirsson, Reynir sjálfur, Gunnar Hrafnsson og Haukur Gröndal. MYND/ÚR EINKASAFNI
Beint útvarp úr Matthildi hét þáttur sem hóf
göngu sína þennan dag árið 1971. Um var að
ræða grínþátt í Ríkisútvarpinu undir stjórn Dav-
íðs Oddssonar, Hrafns Gunnlaugssonar og Þór-
arins Eldjárns, skólafélaga úr Menntaskólanum í
Reykjavík. Þátturinn náði fljótt miklum vinsæld-
um landsmanna enda ekki sérlega mikið um grín
og glens í útvarpinu á þessum tíma og allra síst á
sumrin. Þeir Matthildingar höfðu auðugt ímynd-
unarafl, litu á málefni líðandi stundar í spéspegli
og fóru oft á kostum í umfjöllun sinni.
Sem dæmi um brandara þeirra má nefna einn
um að til stæði að flytja Reykjavíkurtjörn upp
á Árbæjarsafn en áður þyrfti að fylla hana af
stíf elsi. Einnig má geta viðtals við formann ung-
mennafélaganna sem nefndur var Elliði Karlsson
og sagði helsta áhyggjuefni ungmennafélaganna
vera manninn með ljáinn.
Matthildi var útvarpað um Ríkisútvarp-
ið sumarið 1971, í desember 1971 og sumar-
ið 1972. Hún var fimmtán þœttir alls, hátt í fimm
klukkustundir samanlagt. Brot af því besta var
gefið út á plötum.
ÞETTA GERÐIST: 11. JÚLÍ 1971
Matthildingar í loftið
timamot@frettabladid.is
MOSAIK
Miðaldamarkaður hefur verið opnaður að Laugarbakka
í Miðfirði í Húnaþingi. Söluvarningurinn er úr hérað-
inu, handverk á borð við krúsir sem líkjast fornminjum,
trésverð, jurtalitað band og skikkjur. Einnig ýmislegt
matarkyns svo sem sultur og brauð. „Þetta er fyrsta
skrefið í verkefninu Laugarbakki – sagnasetur sem
okkur dreymir um að koma á fót. Draumurinn er að
bjóða í framtíðinni upp á gistingu og veitingar í sögu-
aldarstíl,” segir Valgerður H. Bjarnadóttir, sem er í for-
svari fyrir verkefnið.
Gestir og íbúar Húnaþings hafa tekið markaðinum
vel að sögn Valgerðar. Hann verður opinn alla laug-
ardaga og sunnudaga í sumar frá klukkan 13 til 19.
Klukkan 17 hvorn dag er farið með fornar sagnir og
söngva í svokölluðum Grettishring fyrir gesti sem þar
sitja og ylja sér við langeldinn.
Markaður í miðaldastíl
GRASATE Í FORNALDARKRÚSUM „Þetta er fyrsta skrefið í verkefn-
inu Laugarbakki – sagnasetur,“ segir Valgerður H. Bjarnadóttir.
AFMÆLI
GRÉTAR
ÖRVARS-
SON tónlist-
armaður er
fimmtugur í
dag.
HERMANN
HREIÐARS-
SON knatt-
spyrnumað-
ur er 35 ára
í dag.
GIORGIO
ARMANI
tískuhönn-
uður er 75
ára í dag.
LIL‘ KIM
rappari er
35 ára í dag.