Fréttablaðið - 29.07.2009, Side 22

29. JÚLÍ 2009 MIÐVIKUDAGUR6 ● fréttablaðið ● verslunarmannahelgin
Þeir sem kjósa að dvelja í
miðborg Reykjavíkur um
verslunarmannahelgina hafa
úr þéttri tónleikadagskrá að
velja en Innipúkinn og Jack
Live Musicfestival eru á meðal
helstu viðburða.
„Innipúkinn er hátíð sem hefur
flakkað svolítið um höfuðborgina
og farið víða síðan hún var fyrst
haldin árið 2002,“ segir Eldar Ást-
þórsson, einn af skipuleggjendum
hátíðarinnar, en í ár verður hún
í fyrsta skipti haldin á tveimur
stöðum sem standa hlið við hlið í
Tryggvagötunni.
„Þetta eru staðirnir Sódóma og
Batteríið sem báðir henta vel til
tónleikahalds. Batteríið er reynd-
ar gamalt heimili Innipúkans því
hann var haldinn á staðnum, sem
þá hét Organ, fyrir tveimur árum
og eru menn sammála um að það
hafi verið einhver skemmtilegasta
Innipúkahátíð sem haldin hefur
verið. Það ríkir því mikil ánægja
með að vera komin þangað aftur,“
segir Eldar.
Portið á milli staðanna verður
einnig nýtt en þar verður útipartý
milli 17 og 20 á laugardag og jafn-
vel oftar ef veður leyfir. „Þar
verður grill, „pub-quiz“ og fleira
skemmtilegt og ef það fer að rigna
erum við búin að græja okkur upp
með tjaldi. Það gæti því skapast
örlítil útihátíðarstemning en þó
verða öll þægindi innan handar.“
Fjöldi listamanna og hljómsveita
mun troða upp og verður eitthvað
á boðstólum fyrir alla. „Við verð-
um með allt frá Megasi og Gylfa
Ægissyni yfir í rokk og teknó,“
segir Eldar.
Útihátíðin Jack Live Summer-
festival er haldin í annað skipti
í garðinum fyrir aftan Dillon á
Laugavegi en þar munu átján
hljómsveitir og listamenn troða
upp. Við verðum með tónleika,
grill, lukkuhjól og fleira skemmti-
legt, allt á einum stað og er ekki
veikur hlekkur í dagskránni,“
segir Vilhjálmur Sanne, annar
eigandi Dillons, en hljómsveitir
á borð við Dr. Spock, Agent Fres-
co, Brain Police og Deep pur-
ple (coverband) með Eyþóri Inga
Gunnlaugsson í fararbroddi munu
stíga á svið.
Verði á báðar hátíðarnar er
stillt í hóf en armbandið á Inni-
púkann kostar 2.900 krónur og
2.500 á Jack Live Summerfesti-
val en auk þess er hægt að kaupa
miða á einstaka viðburði. Nánari
upplýsingar er að finna á www.
midi.is. - ve
Þétt dagskrá í borginni
Vilhjálmur Sanne og Markús Hauksson, eigendur Dillons, standa nú fyrir tónlistarhá-
tíð aðra verslunarmannahelgina í röð. FRÉTTABLAÐIÐ/VALLI
Þau Eldar Ástþórsson, Diljá Ámundadóttir og Björn Kristjánsson skipuleggja Innipúkahátíðina í ár. FRÉTTABLAÐIÐ/VILHELM
Þátttaka í Evrópumeistaramótinu í mýrarbolta er
helmingi meiri heldur en hún var í fyrra. Mótið,
sem fer fram í Tungudal á Ísafirði, er nú hald-
ið í sjötta sinn. Á hádegi í gær höfuð sex hundruð
manns skráð sig til leiks en í fyrra tóku tæplega 300
manns þátt.
Mótshaldarinn Jóhann Bæring Gunnarsson, sem
hefur hlotið nafnbótina drullusokkur ársins 2009,
segir skýringuna þá að þeir sem komi einu sinni
komi ávallt aftur og að margir hafi náð að safna í
lið á milli ára. „Fólki finnst þetta bara svo gaman.“
Nú þegar eru um fimmtíu lið skráð til leiks, þrjátíu
karlalið og tæplega tuttugu kvennalið en hámarks-
fjöldi í liði eru fimmtán manns. Eitt lið er eingöngu
skipað erlendum leikmönnum sem eru meðal annars
frá Suður-Kóreu, Bandaríkjunum og Frakklandi. „Þá
erum við með Kanadamenn í einu liði og Pólverja
í öðru.“ Meðal nýjunga í ár eru svo sápubandý og
konuburðarkeppni en í henni er keppendum gert að
komast yfir drullusvað með konu á bakinu. „Það er
alveg nógu erfitt að hlaupa einn síns liðs í drullunni
svo þetta verður fróðlegt að sjá,“ segir Jóhann. - ve
Metfjöldi í mýrarboltanum
Um sex hundruð manns eru nú þegar skráðir í mýrarboltamót-
ið á Ísafirði en auk þess er von á nokkur þúsund áhorfendum.
M
YN
D
/B
IR
G
IR
Ö
RN
Verslunarmenn hófu árið 1881 að gera sér glaðan dag eitt kvöld
á ári að vetri til en 1894 fékk Verzlunarmannafélag Reykjavík-
ur sinn fyrsta almenna frídag og efndi þá til útiskemmtunar 13.
september.
Árið 1897 hvatti Stúdentafélagið í Reykjavík öll félög í bænum
til að gangast saman fyrir hátíð 2. ágúst. Hún var haldin á Rauð-
arártúni og tók Verzlunamannafélagið þátt í henni. Tímasetn-
inguna má rekja til þess að 2. ágúst 1874 var haldin þjóðhátíð til
að minnast þúsund ára afmælis þjóðarinnar og fram til 1909 var
þjóðhátíð Reykvíkinga yfirleitt haldin þann dag. Árið 1902 drógu
verslunarmenn sig út úr henni, ástæðan var sú að bindindismenn
höfðu komist þar í meirihluta og vildu engar vínveitingar á há-
tíðinni.
Fyrstu árin á eftir héldu verslunarmenn sumarskemmtan-
ir í nágrenni Reykjavíkur hina ýmsu daga. Árið 1918 héldu þeir
hana í Vatnaskógi 2. ágúst enda var sá dagur úr sögunni hjá
öðrum. Veturinn 1933-4 var ákveðið að frídagur verslunarmanna
skyldi vera fyrsti mánudagur í ágúst. Þannig hefur það verið
síðan og af þeim degi dregur verslunarmannahelgin nafn. - gun
Heimild: Saga daganna
Vildu ekki bindindi
Frídagur verslunarmanna hefur verið fyrsti mánudagur í ágúst frá 1934.
M
YN
D
/Ú
R
SA
FN
I