Fréttablaðið - 17.08.2009, Síða 30

18 17. ágúst 2009 MÁNUDAGUR
Leikarinn Brad Pitt hefur hleg-
ið að þeirri hugmynd að hann
bjóði sig fram sem borgarstjóra
í heimabæ sínum New Orleans í
Louisiana-fylki. Pitt hefur lagt
mikinn pening í enduruppbygg-
ingu á svæði í borginni þar sem
fellibylurinn Katrín olli hvað
mestri eyðileggingu árið 2005.
Undanfarið hafa stuðningsmenn
hans dreift stuttermabolum þar
sem hann er hvattur til að bjóða
sig fram. Pitt segir að stefnu-
mál sín yrðu alltof umdeild ef
hann myndi bjóða sig fram, þar
á meðal afstaða hans til hjóna-
banda samkynhneigðra og lög-
leiðingar marijúana. „Ég á
ekki möguleika í þetta. Þetta
er ekki ein af mínum sterku
hliðum,“ sagði hann.
folk@frettabladid.is
Ofurgrúppan Them
Crooked Vultures sem er
skipuð liðsmönnum Queens
of the Stone Age, Foo
Fighters og Led Zeppelin
er að undirbúa sína fyrstu
plötu. Fetar hún í fótspor
fjölmargra annarra ofur-
sveita sem hafa gert garð-
inn frægan í gegnum tíðina.
Them Crooked Vultures er skip-
uð þeim Josh Homme úr Queens
of the Stone Age, Dave Grohl úr
Foo Fighters og John Paul Jones
úr Led Zeppelin, sem hætti reynd-
ar störfum árið 1980. Fyrstu tón-
leikar sveitarinnar voru haldnir í
Chicago um síðustu helgi og bíða
margir með mikilli eftirvæntingu
eftir nýju plötunni.
Hugtakið Ofurgrúppa á rætur
sínar að rekja til sjöunda áratug-
arins þegar þekktir tónlistarmenn
tóku sig saman og sameinuðust í
nýrri hljómsveit. Slíkar sveitir telj-
ast oftast til hliðarverkefna og eru
undantekningalítið heldur skamm-
lífar, með eina til tvær plötur á
ferilsskránni. Má þar nefna Blind
Faith með Eric Clapton, Ginger
Baker og Steve Winwood í farar-
broddi, Power Station með Robert
Palmer og John og Andy Taylor úr
Duran Duran og Temple of the Dog
sem var skipuð meðlimum Sound-
garden og Pearl Jam.
Á meðal annarra þekktra ofur-
sveita má nefna Velvet Revol-
ver með rokkurunum úr Stone
Temple Pilots og Guns N´ Roses,
Audioslave, samsuðu úr
Soundgarden og Rage
Against the Machine, og
hina nýstofnuðu Dead
Weather með meðlim-
um The White Stripes,
The Racounteurs,
The Kills og Queens
of The Stone Age.
Breska hljóm-
sveitin Cream er af
mörgum talin ein
besta ofurgrúppa
allra tíma og jafn-
framt var hún ein
sú fyrsta til að ná
almennum vinsæld-
um. Hún var skipuð
Eric Clapton úr The
Yardbirds og þeim
Ginger Baker og Jack Bruce úr
The Graham Bond Organisation.
Sveitin gaf út fjórar plötur á sjö-
unda áratugnum og á meðal vin-
sælustu laga hennar voru Sunshine
of Your Love, Crossroads og White
Room. Alls hefur Cream selt 35
milljónir platna víðs vegar um
heiminn.
Önnur ofurgrúppa frá sjöunda
áratugnum, Crosby, Stills, Nash &
Young, var skipuð David Crosby,
fyrrum liðsmanni The Byrds, Step-
hen Stills úr Buffalo Springfield,
Graham Nash úr The Hollies og
Neil Young. Sveitin, sem er reynd-
ar ennþá starfandi, hefur á ferli
sínum gefið út þrjár hljóðversplöt-
ur. Einnig hefur hún komið fram
og gefið út undir nafninu Crosby,
Stills & Nash þegar Young hefur
verið upptekinn við sólóferilinn.
Sú ofurgrúppa sem hefur líklega
verið prýdd frægustu meðlimunum
var Traveling Wilburys með Bob
Dylan, Bítilnum George Harri-
son, Roy Orbison, Tom Petty og
Jeff Lynne úr Electric Light
Orchestra.
Sveit in tók
u p p s í n a
fyrstu plötu 1988
við miklar vinsældir
en skömmu eftir útgáfu
hennar lést Orbison. Tveim-
ur árum síðar kom út síðari
plata sveitarinnar, sem fékk held-
ur dræmari viðtökur en sú fyrri.
Fáar íslenskar ofurgrúppur hafa
litið dagsins ljós. Helsta má þar
telja Trúbrot sem var stofnuð 1969
af meðlimum Hljóma og Flowers.
Sveitina skipuðu þau Shady Owens,
Gunnar Þórðarson, Karl Sighvats-
son, Rúnar Júlíusson, Gunnar Jök-
ull Hákonarson, Magnús Kjartans-
son og Ólafur Garðarsson. Trúbrot
lagði upp laupana árið 1973 en á
meðal vinsælustu laga hennar eru
Án þín, Ég veit að þú kemur og To
Be Grateful. freyr@frettabladid.is
Ofurgrúppur koma og fara
> HRÆDD VIÐ KÖNGULÆR
Leona Lewis varð vægast sagt skelkuð
þegar tarantúluköngulær hlupu yfir
í myndatökusett hennar. Leona var
í myndatöku í Malibu fyrir væntan-
lega plötu sína þegar eitthvað trufl-
aði holu þar sem köngulær höfðu
hreiðrað um sig með þeim afleið-
ingum að þær hlupu af stað. Þrátt
fyrir að vera mikill dýraunnandi
og grænmetisæta af þeim sökum
varð söngkonan dauðhrædd og
fresta varð myndatökunni um tvær
klukkustundir.
CREAM Ein besta ofurgrúppa allra tíma var skipuð Eric Clapton, Ginger Baker og Jack
Bruce. NORDIPHOTOS/GETTY
DAVE GROHL Dave Grohl hefur
stofnað ofursveitina Them Crooked
Vultures ásamt Josh Homme og John
Paul Jones. NORDICPHOTOS/GETTY
TRÚBROT Líklega þekktasta íslenska
ofurgrúppan.
Leikkonunni Charlize Theron
líður stundum eins og hún hafi
notað kókaín. Hún segist oft sjá
eftir einhverju sem hún hefur
sagt og líkir tilfinningunni við
þá sem kókaínnotendur hafa lýst.
„Fólk segir að mér að því líði
eins og ofurmenni og segi allt
sem því dettur í hug eftir að hafa
notað kókaín. Síðan þegar það
kemur til jarðar úr vímunni fær
það sektarkennd. Ég fæ þessa til-
finningu án þess að nota kóka-
ín,“ sagði Theron. Í viðtali við
tímaritið Vogue segir hún einnig
að almenningur haldi að það sé
lítið spunnið í hana vegna útlits
hennar og að hún vilji stofna fjöl-
skyldu með kærasta sínum Stuart
Townsend.
Líður eins og
kókaínfíkli
CHARLIZE THERON Leikkonunni líður
stundum eins og hún hafi notað kókaín.
Bono, söngvari U2, segir að
eitthvað undarlegt gerist í
hvert skipti sem hann gengur
inn í herbergi ásamt félög-
um sínum í hljómsveitinni,
þeim Adam Clayton, Larry
Mullen Jr. og The Edge.
„Það gerist eitthvað
þegar við fjórir löbbum
saman inn í byggingu. Ég
er frekar frægur þannig
að ég er vanur því að ganga
inn í herbergi og allir líta
upp. En þegar við erum fjórir
saman rísa hárin í hnökkunum
á fólkinu,“ sagði Bono. „Það
sem fólkið veit ekki er að þetta
kemur líka fyrir okkur, sem ég
átta mig ekki ennþá á.“
Félagarnir í U2 hafa verið
starfandi í rúma þrjá áratugi
en þrátt fyrir það segir Bono
að þeir séu bara nýlega farnir
að venjast frægðinni. „Mér
hefur aldrei liðið eins eðlilega
sem meðlimur í U2. Við erum
komnir út úr storminum.
Þrumurnar og eldingarnar
sem fylgja frægðinni þegar þú
ert tvítugur verða á endanum
bara blíðviðri sem er ekki þess
virði að fela sig fyrir innan-
dyra,“ sagði hann. „Þú áttar
þig á því að lífið þarf ekkert
að snúast á hvolf. Þú getur
eignast fjölskyldu og þú þarft
ekki að enda í meðferð. Það
er hægt að fá mun áhugaverð-
ari vírus en kvef sem nefnist
sjálfsvitund.“
U2 rétt að venjast frægðinni
U2 Hljómsveitin U2 hefur átt erfitt með að venjast frægðinni í
gegnum árin.
BRANGELINA Pitt hefur
engan áhuga á að bjóða
sig fram sem borgar-
stjóra New Orleans.
Brad Pitt ekki á leið í pólitík
10. HVER
VINNUR!
Vinningar afhentir í ELKO Lindum.99 kr/skeytið.
Með því að taka þátt ertu kominn í SMS klúbb. Leik lýkur 28.08.09
Aukavinningar eru: GSM Sími · DVD myndir · Bíómiðar
Tölvuleikir · Pepsi · Geisladiskar og margt fleira.
SENDU SMS ELKO MAC
Á NÚMERIÐ 1900 OG SVARAÐU SPURNINGU!
Þú gætir unnið MacBook tölvu!
Aðalvinningurer MacBook
FARTÖLVU DAGAR ELKO