Samvinnan - 01.03.1958, Blaðsíða 31

sem getur valdið villu — jafnvel um
bjartan dag.
Islenzkar þjóðsögur eru ríkar af lík-
ingum. Þar eru nátttröll og foiynjur,
sem í allra kvikinda líki reyna að villa
ferðamanni sýn. Þar heyrist ýlfur í út-
burðum. Þar eru harðsporar manna,
sem skeyttu ekkert um vörður. fóru
með lítilli fyrirhyggju og villtust í ó-
færur. Og þar reika magnaðir reim-
leikar, sem bregða vanbúnum göngu-
manni, svo að hann hlýtur byltur og
brákar bein.
En ef þú, glókollur, varðveitir sól-
argeislann í sjálfum þér, þarftu ekki
að óttast brattar brekkur eða kvíða
kynnum við ljósfælna svartálfa. Þá
nýturðu fulltingis góðra vætta og
samstarfs frjálsra manna. Og þið
skiljið, að sannleikurinn gerir ykkur
frjálsa.
Þú verður bráðum göngubúinn, gló-
kollur. Mig langar til að leggja í mal-
inn þinn nokkurt veganesti — þetta
heilræði: að þú gætir þess að hlynna
að gömlum leiðarmerkjum og safna
steinvölum í nýjar vörður. Það er lífs-
hamingja að eiga samleið með mönn-
unum, sem brjóta klakakuflana af
vörðunum, svo að sá, sem næst fer um
fjallveginn, haldi áttum, þó að syrti í
álinn og bláfjall og almannaskarð
hverfi í hríðarbakka. Þannig verður
bilið rnilli áratuga bezt brúað; — og
framtíðin rís í fögrum fyrirheitum.
I dag stígur þú, glókollur, fyrstu
sporin, reikull og hikandi, en með eft-
irvæntingu í björtum augum.
Á morgun kallar SAMVINNU-
STEFNAN þig til dáðríkrar þátttöku
í manndómsstörfum.
Sementsverksmiðjan
(Framh. af bls■ 17)
fengin er í Hvalfirði. Eru fram-
kvæmdir hafnar fyrir nokkru við
mölunarverksmiðju í Hvalfirði, en
þaðan verður líparitmylsnan flutt á
bílum til Akraness. Auk þessara höf-
uðefna eru ýms fleiri, ekki sízt gibs,
sem er innflutt, en það verður aðeins
3—4%, svo magnið er tiltölulega lítið.
Til að framleiða 75.000 lestir af
sementi þarf um 120.000 lestir af
skeljasandi, en jafnframt sementi
verður framleitt í verksmiðjunni á-
burðarkalk, allt að 20.000 lestir, ef
markaður fæst. Verða því notaðar um
140.000 lestir skeljasands alls á ári
hverju.
Enda þótt framleiðsla sements sé
sýnd á mjög einfaldan hátt á teikn-
ingu á bls. 16—17, til þess að gera að-
alatriðin auðskilin leikmönnum, er
efnafræðileg samsetning sementsins
mjög margbrotin, og sama má segja
um þær efnabreytingar, sem verða við
framleiðsluna, til dæmis brennsluna.
Þarf því ýmis konar ráðstafanir í
verksmiðjunni til að tryggja rétt
kalkinnihald, kísilsýruinnihald o. fl.
o. fl., sem ekki er kostur að rekja í
stuttu viðtali.
Helgi Þorsteinsson segir að lokum,
að í Sementsverksmiðjunni verði
þær fullkomnustu vélar og tæki, sem
völ sé á. Pökkunin, seinasta stigið,
verður að sjálfsögðu algerlega vélræn,
og sama má segja um flutning
sementsins frá pökkunarvélinni. Verð-
ur allt eins sjálfvirkt og verða má,
en það er einmitt sú braut tækninnar,
þar sem hvað mest hefur gerzt á síð-
ustu árum.
SLIPPFÉLAGIÐ í REYKJAVÍK H.F.
STOFNSETT 1902 — S í IVI I 10123
Timburverzlun
Fura, eik, oregonpine, þil-
plötur o. fl.
Verzlunin
Útgerðarvörur, verkfæri o. fl.
Málningarverksmiðja
Hempel's skipamálning
Vélasalur
Fullkomnar trésmíðavélar
SAMVINNAN 31