Stúdentablaðið - 15.05.1928, Side 4
2
STtJDENTABLAÐ
1928
Geir T. Zoéga
rektor.
Á þessu ári hafa margir mætir menn hnig-
ið í valinn, meðal þeirra rektorar æðstu
mentastofnana vorra báðir, þeir Haraldur
próf. Níelsson og Geir T. Zoéga.
Geir T. Zoéga rektor, er andaðist 15. apríl.
síðastl., mun vafalaust standa lengst fyrir
hugskotssj ónum okkar lærisveina hans aí
öllum kennurum okkar í skóla, ekki einasta
sökum þess, að hann var rektor skólans,
heldur og sökum mannkosta hans, en þar
gætti mest mannúðar og mildi.
Sem kennari var Geir r'ektor bæði ná-
kvæmur og skýr, sjerstaklega að því er
snerti málfræði og framburð tungumála.
Auk kenslustarfa gegndi hann miklu og
mikilvægu orðabókarstarfi og var með
fremstu forystumönnum vorum á því sviði.
Geir rektor var lengur kennari en flestir
aðrir núlifandi íslendingar. Lærisveinar hans
skifta hundruðum. Minningin um hinn aldur-
hnigna rektor mun lifa lengi með þjóð vorrí,
því það er ekki lítið æfistarf, að hafa haft
áhrif á hugi mentamanna þjóðarinnar um
nærfelt tveggja mannsaldra skeið.
Norrænt stúdentamót.
hjer á landi 1930.
í dag fara íslensku stúdentamir utan, þeir
sem ætla að sækja norræna stúdentamótið í
Stokkhólmi, er byrjar 1. n. m.
Það hlýtur að rifjast upp fyrir þeim stúd-
entum, sem heima sitja, er þeir sjá fulltrúa
sína fara til mótsins, að á undanfömum ár-
um hefur hvað eftir annað verið um það
talað, að þriðja norræna stúdentamótið
verði haldið hjer á landi og þá helst árið
1930.
1 vetur hefur þessu máli enn verið hreyft,
m. a. á fundi í „Stúdentafjelagi Reykjavík-
ur“ og var þá skipuð nefnd til þess, að at-
huga möguleikana fyrir því, hvort mótið
yrði haldið. Er óhætt að segja, að áhuginn
fyrir þessu máli sje að smáglæðast meðal
stúdenta og innan stúdentafjelaganna.
En það nægir ekki að einstaka menn ben
þetta mál fyrir brjósti, og það nægir ekki,
að eitt fjelag beiti sjer fyrir mótinu — allir
íslenskir stúdentar og öll íslensk stúdenta-
fjelög verða að vera samhuga í þessu máli
Eitt fjelag getur þó vel tekið forystuna, til
þess að koma samvinnunni á laggimar, og
væri þess þá vænta, að elsta stúdentafjelag
landsins beitti sjer fyrir því.
Rjetta aðferðin til þess að hrinda málinu
í framkvæmd, er því sú, að stúdentafjelögin
(Stúdentafjelag Reykjavíkur, Stúdentafje-
lag Iláskólans, Stúdentaráðið, Stúdentafje-
lag Akureyrar og Fjelag ísl. stúdenta í
Ilöfn) myndi með sjer samband eða banda-
lag og síðan komi tillögur um mótið, fjár-
hagsáætlanir og styrkumsóknir frá sjálfri
stjórn sambandsins eða nefnd, sem sje þar
til skipuð.
Ef allir stúdentar eru samtaka um þetta
mál, þá verður öllum örðugleikum rutt úr
vegi. Og það verður að hefjast handa þegar
í stað. Á næsta hausti verður „Samband ís-
lenskra stúdentaf j elaga“ að vera myndað.
L. S.
o