Fálkinn


Fálkinn - 20.04.1956, Blaðsíða 4

Fálkinn - 20.04.1956, Blaðsíða 4
FÁLKINN DAGINN eftir að ég hafði hitt Grace Kelly í fyrsta sinn, símaði prinsinn til mín og spurði hvernig mér litist á hana. Og ég svaraði: — Hún er ein- mitt manneskja eins og þjóðin þín vill hafa sem furstafrú í Monaco. Rainier prins hefir árum saman ver- ið eftirsóttasti piparsveinninn í Ey- rópu, og margar hafa verið nefndar sem konuefni hans. Elstu og göfugustu fjölskyldurnar i Monaco hafa otað fram dætrum sínum, og líka hafa verið lilnefndar stássmeyjar með hlátt blóð í æðum. Prinsinn er alls ekki skyldur til að giftast stúlku af aðalsætt. Og fólkið í Monaco metur mest að fursta- frúin sé liyggin og hjartagóð, og geti fætt prinsinum erfingja. í Monaco borgar fólkið ekki skatta né gegnir herskyldu. En ef Grimaldi-ættin, sem nú hefir ríkt i 600 ár, deyr út, verður Monaco innlimað i Frakkland og Monegassar verða franskir borgarar. Þess vegna var það, sem prinsinum var ekki leyft að kaupa þyrilfluguna, sem hann varð svo hrifinn af á sýn- ingu í París í fyrra. Honum er ekki leyft að fljúga sjálfur. Prinsinn hefir alltaf skágengið ungu stúlkurnar, sem verið var að ota að honum. Og fólk var farið að óttast að hann ætlaði að pipra. Hann er ekk- ert upp á kvenhöndina og lítið til í sögunum um hann og ýmsar stúlkur. Þau fimm ár sem við hófum verið kunningjar, hefir aðeins ein stúlka verið honum hjartfólgin. Það er franska leikkonan Giséle Pascal. Enda var hún líka eldfjörug og töfrandi. En fólk lét sér fátt um finnast. Það vildi ekki fá franska leikkonu sem furstafrú. Það var sár ákvörðun, sem prinsinn varð að taka 1952, og sama daginn sagði hann við mig: „Ef ein- hver meðal þjóðar minnar segir að ég elski þjóðina — viltu þá segja þeim sama hve mikið það hafi kostað mig að afneita þessari stúlku." Eftir þetta var lengi hljótt um kvonfang og erfingja, en svo fór stjórnin að leita hófanna við hann. Það hefir ekki verið auðvelt að standa í sporum Rainiers. Hann var oft ein- mana og eftir þvi sem fleiri vinir hans kvæntust, hafði hann æ meiri áhyggj- ur af því, hvað fólkið mundi hugsa um hann. ÁST VIÐ FYRSTU SÝN. Rainier prins og Grace Kelly hitt- ust fyrst í mars í fyrra, er hún kom til Monaco í sambandi við kvikmynda- hátíðina í Cannes. Ég held að þau hafi Rainer prins og Grace Kelly. Myndin er tekin í U.S.A. skömmu eftir trúlofunina. Moifftcofurstinif 09 * kvikmyndadísin * orðið ástfangin gagnkvæmt þá, en prinsinn var hræddur um að hann mundi fá hryggbrot. Víst var um það, að vel féll á með þeim. Prinsinn er sjálfur svo ameriskur i hugarfari og framgöngu, sem nokkur getur verið sem ekki er amerískur sjálfur. í stríðinu starfaði hann sem franskur sambandsforingi í 36. fótgönguliðs- sveitinni frá Texas. Hann er m. a. iirifinn af amerískum mat og hefir náð sér i margar matreiðslubækur- vestan um haf. Og þegar hann langar í eitthvað sérstakt þýðir hann ame- rísku uppskriftina fyrir franska bryt- ann sinn. Monacofurstinn er mikill iþrótta- maður og hefir mörg áhugamál. Þjóð- inni hefir stundum ofboðið hve mik- inn áhuga hann hefir á bifreiðum. Hann tekur þátt i fifldjörfum aksturs- keppnum. Vitanlega aldrei undir nafni og alltaf utan iandamæra Monacos. Hann á núna 11 sportbifreiðar, og er mest hrifinn af Lanciabíl sem hann á. Hann fer jafnan á allar meiri háttar bílasýningar og kemur jafnan þaðan með nýjan bíl. Hann er líka duglegur á skíðum. Hann fer á hverju ári í skíðakofann sinn í frönsku Alpafjöllunum og býð- ur þá með sér 4—5 kunningjum sin- um. Hann hefir ekki rúm fyrir fleiri. Fyrir nokkru seldi Onassis gríski Rainier prins skemmtisnekkju. Hún er 150 feta löng og heitir „Deo Juvante II" (með guðs hjálp — en þetta hafa verið einkunnarorð Grimaldiættarinn- ar i meira en 600 ar). Prinsinn unir sér vel á sjónum. I byrjun júlimánað- ar leggur hann jafnan í Miðjarðarhafs- siglingu, og i fyrra til Vestur-Afriku. Skipið hefir 9 manna áhöfn, auk fylgdaiiiðs prinsins. Skipið er mjög fullkomið og hefir tvo hraðskreiða vélbáta og tvo björgunarbáta. Og allt- af er bifreið með i ferðinni. Rainier er sundmaður góður og hef- ir gaman af að kafa. í fyrra tók hann ágætar kvikmyndir á hafsbotni við Vestur-Afríku. En aldrei hefir hann orðið fyrir slysi, hvorki á sjó eða landi. Hann er hjátrúarfullur og ber alltaf verndargrip í festi um hálsinn. Og þegar hann tekur þátt i kappakstri er sérstakur verndargripur i bilnum. Hann segir að það sé nauðsynlegt hverjum manni að styrkja sig með því að leggja i tvisýnu við og við. Garðyrkja er líka uppáhaldsiðja Úr hásætissalnum í Monaco. Þar eru efst í veggjunum myndir úr sögu Grimaldi-ættarinnar. Hjónaband Rainiers fursta hefir vakið þjóðarfögnuð í Monaco, og enn meiri verður fögnuðurinn þegar Grace Kelly eignast fyrsta barnið sitt. Því að Monaco verður að eignast ríkiserfingja, annars gleypa Frakkar það. Eftir- farandi grein um Rainier og Grace og kynni þeirra, hefir J. Francis Tucker skrifað, en hann er vinur furstans og ráðunautur.

x

Fálkinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fálkinn
https://timarit.is/publication/351

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.