Fálkinn - 25.04.1962, Blaðsíða 25

Bled, frægur og fagur ferðamannastaður í Slóveníu.
einu stærsta kvikmyndaiðjuveri lands-
ins. Ekki má heldur gleyma óperunni,
sem er meðal hinna beztu í Evrópu.
Þar er árlega haldin tónlistarhátíð og
er þá úr mörgu að velja, því heimsfræg-
ir listamenn koma þar. — Þá er verzl-
unar- og iðnsýning Zagrebborgar mjög
vinsæl, en hún er haldin tvisvar á ári
á svæði sunnan Sövu. — íbúar Zagreb
er yfirleitt glaðlynt fólk og kátt, vel
klætt og fallegt. Þeir sitja mikið á
kaffihúsum, sem eru fjölmörg, við glas
af víni og ræða landsins gagn og nauð-
synjar, syngja og spila á spil.
í Zagreb er fjöldinn allur af kirkjum,
flestum rómversk-katólskum, sem yfir-
leitt eru vel sóttar. Einnig eru þar mörg
klaustur, en prestar og nunnur þeysa
um borgina á mótorhjólum. Stepinac,
erkibiskupinn af Zagreb, sem andaðist
1960, varð mjög frægur fyrir mótstöðu
sína gegn ríkisstjórn Júgóslavíu. Hann
er enn mjög dáður af eldri löndum
sínum.
Um 140 km. suður af Zagreb er mjög
vinsæll ferðamannastaður — Plitvice-
vötn. Vötnin eru 7 samliggjandi og
fögur, innan um skuggsæla skóga, þar
sem enn hafast við birnir og úlfar.
Plitvice er stolt Króata, og segja þeir,
að staðurinn sé ætíð jafnheillandi, „á
vorin, þegar náttúran vaknar af værum
vetrarblundi og hylur sig ferskum,
grænum klæðum, á sumrin þegar lífið
blómgast af krafti og þrótti, á haustin,
þegar vötnin endurspegla litasinfóníu
og á veturna, þegar hin hreina hvíta
hula töfrar fram ævintýraland.“
Lengra til suðurs liggur leiðin til
Opatija (áður Abbazia) og Rijeka
(áður Fiume) við norðurhluta Adría-
hafs. Opatija er einn glæsilegastur bað-
staða við norðurhluta strandarinnar og
stendur á gömlum merg. Þar má flest
það finna, sem prýðir nýtízkulegustu
baðstaði Evrópu. Rijeka er næststærsta
hafnarborg Júgóslavíu og ein hin
stærsta við Adríahaf, með 87.000 íbúum.
Niður eftir Dalmatíuströnd er enda-
laus röð af baðstöðum, en þó má enn
finna ró og kyrrð í litlum fiskimanna-
þorpum eða á hinum fjölmörgu eyjum
Adríahafs.
Split, stærsta hafnarborg Júgóslavíu,
er á Dalmatíuströnd. Borgin er að mestu
reist innan múra hallar Díókletíanusar
Slavneskur dans.
keisara á hæðum og hólum og er mjög
falleg. Auk þess að vera hafnarborg er
Split mjög skemmtilegur baðstaður.
Ef haldið er áfram niður strönd
Dalmatíu, framhjá Maraskaga, er komið
til Dubrovnik, Cannes og Nissa Júgó-
slavíu.
Dubrovnik er gömul virkisborg um
1000 km suður af Zagreb. Hún var áður
frjálst borgríki með blómlegu verzl-
unar- og menningarlífi. Frakkar her-
tóku borgina 1806, en síðar komst hún
undir yfirráð Austurríkis, unz ríkið
Júgóslavía var stofnað 1918. Nú er
Dubrovnik þekktasti baðstaður Júgó-
slavíu. Um það bil 2 mánuði hvert
sumar er þar listahátíð mikil, bæði tón-
listar- og leiklistarhátíð. Þangað koma
menn eins og Sir John Barbirolli,
Benjamin Britten, Peter Pears o. fl.
Landslagið er fagurt, endalaust blátt
Adríahafið teygir sig framan við borg-
ina, en í baksýn eru há og hrikaleg
fjöll. Veðrið er næstum alltaf gott, en
þó vill hitinn stundum verða nokkuð
mikill.
Frá Zagreb er ekið á bílabraut til
Belgrad, höfuðborgar Serbíu, sem um
leið er höfuðborg ríkisins alls. í Belgrad
hefur Tito og ríkisstjórn hans aðsetur
sitt, og þar eru sendiráð hinna ýmsu
ríkja heims. í borginni, sem stendur á
mótum Dónár og Sövu, búa nú um
542.000 manns.
Belgrad nútímans er stórfengleg og
glæsileg borg og mjög nýtízkuleg.
Breiðar götur hafa verið lagðar og há-
hýsi hafa verið reist, gamli tíminn er
þar óðum að hverfa. Belgrad galt mikið
afhroð í heimsstyrjöldinni seinni, heilu
borgarhlutarnir voru þurrkaðir út. En
mikið hefur verið gert og mikið á sig
lagt til að gera höfuðborgina sem falleg-
asta.
Eins og fyrr var sagt stendur Belgrad
á mótum Dónár og Sövu, þar hefur
verið gerður mikill og fallegur lysti-
garður í kringum gamalt tyrkneskt
virki, enda ber garðurinn tyrkneskt
nafn og heitir Kalemegdan. Frá einu
horni garðsins er fallegt útsýni yfir árn-
ar tvær, þar sem hið gráhvíta vatn
Sövu rennur í dökkt vatn Dónár. —
Margt gefur að líta í Belgrad, svo sem
þinghúsin tvö, hið gamla og nýja, óper-
una og hin ýmsu listasöfn. — Belgrad
var í heimsfréttunum fyrir skemmstu,
þegar „þriðja blökkin" eða „hinir blökk-
lausu“ héldu þar samkundu um Berlin-
arvandamálið.
f Serbíu býr sérstaklega gestrisin
þjóð. Þar þykir það heiður, ef gestur
er á heimilinu. Er þá allt tínt til í mat
Framhald á bls. 36.
Höfundur þessarar greinar,
Sigrún Sveinsson, hefur undan-
farin ár starfað sem flugfreyja
bæði hjá Flugfélagi fslands og
Loftleiðum. Hún giftist fyrir
skömmu júgóslavneskum manni
og er nú búsett í Júgóslavíu.
25
FALKINN