Fálkinn - 20.07.1964, Blaðsíða 15

Carlsen ásamt mynduin sínum í Blóm & Ávextir,
Carlsen minkabani á ýmislegt fleira í vopnabúri sínu en
byssur og hnífa. Hamar og meitill virðast leika í höndum
hans engu síður en þau tól sem hann notar til að koma
minkum fyrir kattarnef. Þegar hann var að alast upp í heima-
bæ sínum, Farum, sem er í næsta nágrenni við Kaupmanna-
höfn, kom þangað tíðum í heimsókn koparsmiður einn úr
borginni og hafði oft meðferðis ýmislegt, sem hann hafði búið
til. Þar kenndi margra grasa, pottar, pönnur, kolur og margt
annað hafði hann í farangri sínum. Hann gerði einnig
lágmyndir úr eir og þessar myndir vöktu athygli hins unga
sveins. Flestar sýndu myndirnar inn í danskan skóg, trén voru
á: nakin og vetrarleg, það sást djúpt inn í skóginn.
Fyrir Carlsen lá þó annað en feta í fótspor þessa góða gests
og voru þó koparsmiðir fjölmenn iðnstétt á þeim tímum í
| Danmörku, þó nú hafi þeir týnt tölunni.
i Hann lagði land undir fót, fór til sjós að frændaráði og
siðan lá leiðin til íslands þar var hann í kaupavinnu og reri
frá Grindavík og átti börn og buru.
Síðan tók við það starf sem Carlsen hefur hlotið hvað mesta
viðurkenning'u fyrir, útrýming minka. Og svo vel hefur hann
| gengið fram í starfi sínu að hann þekkist ekki undir öðru
nafni en Carlsen minkabani.
Undanfarin ár hefur Carlsen hafst við ásamt sextíu hundum
| fyrir innan bæ, á ótilteknum stað í Mosfellssveit og er nú
einbúi. Sakir lasleika hefur hann lítið getað stundað veiðar
á eigin spýtur að undanförnu enda hefur nú töluverður
flokkur manna þjálfast undir handarjaðri hans við minkadráp.
Þýí hefur Carlsen haft hægt um sig, lagt allt kapp á að þiálfa
hundana til veiðanna og ala þá. Veiðimenn ganga í smiðju
til hans með góð ráð og leiðbeiningar og fá hunda hjá honum
eftir þörfum.
Á löngum kvöldum hefur Carlsen fundið sér ýmislegt til
dundurs og nú kom sér vel að hann er maður hagur og laginn,
hvort heldur á járn eða tré. Hann hefur smiðað ýmsa smá-
hluti og teglt úr tré, á vinnuborðinu sjáum við hjá honum
kýrhorn sem hann hefur slípað og spengt eirþynnum í
drekamynstrum. Þetta eru tóbakspontur.
Og nú hefur hann einnig tekið til við að gera lágmyndir
úr eir. Tvær þessara mynda eru nú til sölu og sýnis í
verzluninni Blóm & Ávextir í Nausti og þar er einnig hagan-
lega gerð kola sem Carlsen hefur smíðað að fornri fyrirmynd.
Önnur myndin kallast „Frídagur í Paradís" og sýnir hún
höggorminn í hvíldarstellingunum og eplið hjá og einhvers-
staðar er á sveimi eitt lítið laufblað. Hin myndin er öll
beinskreyttari hún sýnir okkur inn í skóg og kannski er þar
komin minning frá æskuárunum, koparsmiðurinn gamli
hefur haft einhver áhrif á hann. En það eru þó ekki kalviðirnir
sem eru aðalatriði þessarar myndar heldur höggstokkur og
exi, gálgi og gapastokkur. Og heitið á myndinni skýrir
betur merkingu þessara tóla: myndin heitir semsé Almanna-
rómur.
Því Carlsen á ýmislegt sökótt við almannaróm og með
þessu vill hann sýna hverju sá andvaragestur getur til
leiðar komið og hver áh-;r hefur á líf manna, þeirra,
sem fyrir honum verða.
FALKINN
15