Iðnneminn - 01.09.1967, Blaðsíða 14
UÆTT VIÐ
KJUIJI AXDERSEN
formann Faglig Ungdom í Kaupmannaböfn
A þingi Iðnnemasambands íslands, sem baldið var um síðustu
belgi var einn útlendingur gestur, Kjeld Andersen, formaður
Faglig Ungdom í Kaupmannahöfn, en það eru einu samtökin
í Danmörku sem eru nokkurnveginn hliðstœð Iðnnemasamband-
inu bér, en þó talsvert ólíkt skipulögð, eins og Kjeld lýsir í eftir-
farandi viotali við Þjóðviljann.
— í Faglig Ungdom eru ekki aðeins iðnnemar, heldur einn-
ig nemar í öðrum greinum, eins og skrifstofunemar, afgreiðslu-
nemar og fleiri, sem mér skilst að sé ekki til hér, en í Danmörku
er þetta þriggja ára nám að meðaltali, líkt og iðnnám að því
leyti að fólkið lærir það verklega á vinnustað og er ekki fullgilt
starfsfólk fyrr en það hefur lokið þessu námi. Þá höfum við
einnig innan samtakanna ófaglærða unga verkamenn í ýmsum
greinum og ennfremur geta þeir sem orðnir eru sveinar haldið
áfram að vera meðlimir þar til þeir eru 23—25 ára, aldurinn
fer dálítið eftir iðngreinum. Ég er t.d. sjálfur útlærður sjúkra-
samlagsstarfsmaður, til þeirra starfa er krafizt sérstaks náms sem
er nokkuð frábrugðið almennu skrifstofunámi og þess vegna
hafa lærlingar í þessari grein sérstakt fagfélag.
— Eru samtökin Faglig Ungdom landssamtök eins og Iðn-
nemasambandið hér?
— Nei, en í öllum stærstu borgum Danmerkur hafa nema-
félögin í hinum ýmsu greinum stofnað til samtaka sem nefnast
Faglig Ungdom. Hins vegar liöfum við nú fullan hug á að
stofna til landssamtaka, sem fengju þá aðild að alþýðusamband-
inu danska og ættu fulltrúa á þingi þess. Það er líka nokkurt
pólitískt réttlætismál að breyta skipulaginu því að eins og er
fara fulltrúar ungra sósíaldemókrata með umboð okkar á alþýðu-
sambandsþingum og eiga einn fulltrúa í stjórn Faglig Ungdom,
sem að vísu hefur aðeins tillögu- og ekki atkvæðisrétt, en innan
Faglig ungdom eru að sjálfsögðu menn með ólíkustu stjórnmála-
skoðanir og margir bundnir öðrum pólitískum flokkum en jafn-
aðarmönnum.
í Faglig Ungdom í Kaupmannahöfn eru 27 félög með um
Kjeld Andersen
13000 meðlimi alls. 17 manns eru í stjórninni: níu nemar, þrír
sveinar, þrír varamenn, einn fulltrúi verkalýðssamtaka borgar-
innar og fulltrúi ungra sósíaldemókrata, en tveir þeir síðasttöldu
hafa ekki atkvæðisrétt.
— Hvenær hófust samskipti ykkar við íslcnzka iðnnema?
— Við ákváðum í fyrra að reyna að koma á auknu samstarfi
við sambærileg félög í öðrum löndum og þá fyrst og fremst á
Norðurlöndum, en slík samskiþti ættu að geta orðið báðum að-
ilum til gagns og ánægju. í Norcgi og Svíþjóð reyndust engin
lík samtök vera til og við vissum ekki hvernig þetta væri hér,
en skrifuðum ASÍ, sem vísaði svo á INSÍ. Iðnnemasambandið
liafði strax áhuga á samvinnu og sl. sumar kom 15 manna hópur
frá Faglig Ungdom í kynnisferð til íslands á vegum INSÍ, en
hópur íslenzkra iðnnema mun svo endurgjalda heimsóknina og
koma til okkar næsta sumar. Auk gagnkvæmra heimsókna ætla
samböndin svo í framtíðinni að skiptast á alls konar gögnum
og upplýsingum.
Ég tel svona samvinnu mjög mikilvæga og var ákaflega á-
nægður yfir að fá að sitja þing INSÍ, þar sem ég hafði tækifæri
til að kynna mér betur skipulag þess og þau vandamál sem
iðnnemar hér eiga við að etja.
— Eru vandamál iðnnema hér og í Danmörku lík?
— Já, hjá okkur eru það líka kjara- og fræðslumálin sem eru
efst á baugi. Við berjumst fyrir hærri launum iðnnema og er
það lágmarkskrafa okkar að launin fyrir 44 stunda vinnuviku
nægi til að lifa af þeim, en það á enn talsvert langt í land, einnig
gerum við fleiri kröfur, viljum t.d. fá borgaða veikindadaga, full
laun meðan nemar eru í skólanum, 4 vikna sumarfrí og fleira.
Iðnfræðsluna teljum við einnig úrelta, en hjá okkur lærir
neminn eins og hér hið verklega hjá meistara, en við viljum
fá verkstæði í skólana og láta verklegt og bóklegt nám fylgjast
að á sama stað, aðeins með því fyrirkomulagi teljum við tryggt
að iðnneminn njóti fullkominnar kennslu og að hann sé ekki
misnotaður á vinnustað. Mér virðist iðnnemar hér stefna að hinu
sama.
14
IÐNNEMINN