Vikan - 24.05.1956, Síða 2

Fyrir Massa H., Jóhann, V.S. og
Eygló birtum við ,,Til unnustunnar",
sem Björn R. Einarsson og Gunnar
Egilsson syngja við lagið ,,I said my
pajamas“. Isl. textinn er eftir Guðm.
Sigurðsson. Hann er svona:
1 fyrsta sinn er fékk ég
að faðma og kyssa þig,
ég alveg varð frá af ást
og utan við mig.
Er ást nær að hertaka hug manns
og sál,
ó, hamingjan góða, þá skortir
oss mál,
og andagift mín öll sömul út í
sandinn rann,
er enn á vör mér kossinn þinn brann.
Ég tók mér á herðar öll veraldleg
völd
og vígði mig sjálfan til biskups
það kvöld,
sem árflaumur blóðið um æðar
mínar rann,
ei' enn á vör mér kossinn þinn brann.
Ég kom til mín sjálfs um kvöldið.
Þú kysstir mig á ný.
Og sagan endurtók sig
síðan með kurt og pí.
Ég stakk mér í sængina og syngjandi
var
og synti víst tvö hundruð metrana
þar,
og allskonar þrautir ég öruggur
þá vann
er enn á vór mér kossinn þinn brann.
Ég hoppaði í loft upp og heimsmet
öll sló,
ég hrein og ég æpti, ég grét og
ég hló,
ég umgekkst mig sjálfan sem
ókunnugan mann,
er enn á vör mér kossinn þinn brann.
Ég kom til mín sjálfs um kvöldið;
þú kysstir mig á ný.
Og sagan endurtók sig
síðan með kurt og pí.
Ég allskonar ferlegar sýnir þá sá,
svanvængjað kvenfólk, er flaug um
loftin blá.
Á ástanna snældu ég æviþráð minn
spann,
er enn á vör mér kossinn þinn brann.
Ég heyrði’ eins og Tómas,
i símstaurum söng,
og sá á boi-ðum Templara
áfeng drykkjarföng,
en alltaf í geymnum ég ilm
þíns vanga fann,
er enn á vör mér kossinn þinn brann.
Hvert á maöur að snúa sér til afí
fá vinnu í Noregi? Hvað er hægt að
fá miklu af ísl. peningum skift í
FORSÍÐUMYNDfNA
tók Ólafur Magnússon.
norska peninga? Hvcnœr er bezt afí
panta vinnu í Noregi fymr næsta
vetur?
SVAR: Eins og við höfum oft
sagt áður, þá er öruggast að spyrj-
ast fyrir um vinnumöguleika í hin-
um ýmsu löndum hjá sendiráði við-
komandi lands hér á landi, og fá þar
nöfn á ráðningarstofum, sem síðan
er hægt að skrifa. Þú skalt því snúa
þér til norska sendiráðsins. Þú get-
ur ekki skipt neinum ísl. peningum
í norska, nema fá leyfi hjá gjald-
eyrisnefnd, sem metur það eftir um-
sókn þinni, hve miklu þú þarft á að
halda, eða hvort þú þarft yfirleitt
á norskum peningum að halda. Hvað
því líður, hvenær þú eigir að sækja
um, er bezt að byrja undirbúning-
inn sem fyrst, þar sem allt slíkt tek-
ur tíma.
Einhvers staðar las ég, ég man
bara ekki hvar eða hvenær, að vitað
vœri um 300 staði, þar sem jarðeld-
ur hefði verið uppi á Islandi. Hvar
er liœgt að fá nöfnin á þessum 300
stöðum til gamans og fróðleiks.
SVAR: Ekkí höfum við heyrt að
eldstöðvarnar hafi verið taldar svo
nákvæmlega eða gerð skrá yfir þær,
en það getur þó vel verið fyrir það.
1 Landafræði Bjarna Sæmundssonar,
sem kennd er í gagnfræðaskólanum,
er vitnað í ummæli Thoroddsens um
þetta efni. Hann segir: „óvíða á
jörðunni eru jafnmörg eldfjöll á
jafnlitlu svæði, eins og á Islandi;
menn þekkja nú hér á Iandi 109 eld-
fjöll eða eldstöðvar, 6 strýtumynduð
eldfjöll, 16 hraunbungur (dyngjur)
og 87 stórvaxnar eldgígaraðir. Eld-
borgirnar eru yfir 200 að tölu“. 1
bókinni eru taldir upp um 20 staðir,
þar sem uppi hefur verið eldur.
Við getum því miður ekki gefið
þér nákvæmara svar við þessari
spurningu. Hinum hluta bréfs þíns
munum við svara við hentugleika.
Viltu segja mér eitthvað um kvik-
myndaleikarann Bob Stark, hvort
hann er giftur og þá hverri? Viltu
lika birta mynd af lionum, ef þú
getur.
SVAR: Robert Stark er 36 ára
gamall og svo til nýkvæntur Rose-
mary Brow, fegurðardís úr ein-
hverri samkeppni. Myndina höfum
við því miður ekki.
Viltu gefa mér utanáskrift kvik-
myndáleikkvennanna Ritu Hayworth,
Susan Hayward og Jane Wyman.
SVAR: Jane Wyman: Warner
Brothers, Burbank, California, Susan
Hayward: Metro-Goldwyn-Mayer
Studios, Culver City, Calif., Rita
Hayworth er um þessar mundir alltaf
á flækingi á meginlandi Evrópu, og
ekki bundin hjá neinu kvikmyndafé-
lagi, svo við vitum ekki hvar hún
hefur fast heimiJisfang.
Um daginn birtuð þið dœgurlaga-
textann „Þú ert mér kœr“, en ég
þykist kunna annan texta með þessu
heiti. Getur það ekki verið.
SVAR: Jú, við könnumst við ann-
an slíkan texta við lag úr kvikmynd-
inni ,,Dægulagaskáldið“, eftir Val-
gerði Ólafsdóttur. Og hann er svona:
Ó, þú mín æskudrauma dís,
úr djúpi hugans mynd þín rís,
og birtir mér þín bros og tár
og bernzkuleiki horfin ár.
1 minum tónaheimi, einn,
aleinn ég undi
en nú ert þú mitt hjartans ljúfa lag.
Ég syng um þig við sólaryl.
Um sumarkvöld minn gleðibrag.
Svar til Hermanns:
Þessi bók, sem þú nefnir mun vera
amerísk. Það hafa komið út nokkur
hefti af henni, og þau hafa komið
hér í bókabúðir, en fást sennilega
ekki núna. Þú getur vafalaust beðið
bóksalann þinn um að panta hana
fyrir þig.
Geturðu útvegað mér upplýsingar
um eftirfarandi: Hvað margar stúlk-
ur útskrifast úr Bœndaskóla hér á
landi? Standa þœr sig nokkuð ver
en karlmenn á þvi sviði?
Hver er ibúatála á Húsavík og er
hún ekki búin að fá kaupstaðarétt-
indi ?
SVAR: Það hefur ein stúlka út-
skrifast frá Bændaskólanum á
Hvanneyri og tvær frá Hólum, eftir
því sem við bezt vitum. Annars mun
það vera talsverðum erfiðleikum
bundið fyrir kvenfólk að fá inngöngu
í bændaskólana, m. a. af því að þar
eru ekki nemendaherbergi fyrir einn.
Á Húsavík voru árið 1954 1349
manns. Staðurinn hefur kaupstaða-
réttindi.
Mig langar mjög mikið til að kom-
ast í siglingar, en ég hef heyrt að það
sé vont að komast á íslenzk skip.
Er það satt? Við hvern á ég að tala
t. d. hjá Eimskip eða öðrum skipa-
félögum hér.
SVAR: Það mun vera rétt áð mikil
samkeppni sé um skipsrúmin á milli-
landaskipunum. T. d. mun nú þegar
vera kominn langur listi af umsókn-
um um skipsrúm á olíuskipinu nýja,
sem á að koma í haust. En þú kemst.
aldrei neitt áfram í lífinu, ef þú
reynir ekki. Gaktu bara inn í skrif-
stofu Eimskipafélagsins eða skipa-
deildar Sambands ísl samvinnufé-
laga, og spurði hver hafi með ráðn-
ingar í skipsrúm að gera. Það er
svona einfalt.
MUNIÐ
NDRA MAGA5IN
BRÉFASAMBÖND
Birting: á nafni, aldri og heimilisfangi
kostar 5 krönnr.
Margrét Ulfarsdóttir (við pilt eða
stúlku 16—17 ára) Austurveg 44,
Seyðisfirði. —- Þórhildur Halldórs-
dóttir (við pilta eða stúlkur 16—19
ára), Tangagötu 4, Isafirði. — Hjör-
leifur Ingólfsson (við pilta og stúlk-
ur 14—15 ára), Vöglum, Vatnsdal,
A.-Hún. — Ámi Traustason (við
dreng 11—12 ára), Aðalstræti 99,
Patreksfirði.
Sextán ríki voru fyrir skemmstu tekin í samtök Samein-
uðu þjóðanna. Myndin er tekin er fánar þeirra blakta í
fyrsta skipti fyrir framan aðalstöðvarnar í New York, en
fyrir voru þjóðfánar 60 landa. Nýju meðlimaríkin em: Al-
banía, Jórdanía, Irland, Portúgal, Ungverjaland, ltalía, Aust-
urríki, Rúmenia, Búlgaria, Finnland, Ceylon, Nepal, Uíbýa,
Cambodia, Laos og Spánn.
Útgefandi VIKAN H.F.. Reykjavík. — Ritstjóri og ibyrgóarmaður: Gísli J. Ástþórsson, Tjamargötu 4, sími 5004, pósthélf 365.