Vikan - 31.12.1959, Síða 2

• Kynning laga i útvarpinu
0 Léttari morguntónlist
# Illt í efni
% Bréfasamband við blóð-
heita
Kynning laga í útvarpinu.
Kæra Vika.
Þakka þér fyrir allt gott. Viltu nú koma því
á framfæri fyrir inig við þá í útvarpinu, að oft
kæmi sér vei, að þulurinn segði nafn lagsins
líka þegar það hefur verið leikið, ekki hvað
sízt þegar um dægurlög, að minnsta kosti ný
eða nýleg, er að ræða.
Það kemur nefnilega oft fyrir, þegar maður
hlustar á útvarpið með öðru e-yranu, að lag,
sem verið er að leika, vekur allt i einu athygli
manns, og mann langar til að vita hvað það
heitir, en þá er það um seinan, ef lögin eru
kynnt bara áður en þau eru leikin. Þetta kem-
ur síður að sök við klassisk- lög, annaðhvort
lilustar maður á þau eða ekki, og mörg þeirra
kannast maður við, því að þau eru oft leikin.
Dægurlög koma hins vegar og fara, og aldrei
að vita hvenær eitthvert slíkt lag er leikið
næst, þvl að það eru ekki alltaf þessi svoköll-
uðu vinsælu lög, sem „grípa mann“.
Með fyrirfram þakklæti.
Irma.
Þessari beiðni er hér með komið á fram-
færi við hlutaðeigendur, og auk þess styð ég
hana, því að mér hefur oft komið einmitt
sama í hug. Það var til dæmis um daginn,
að ég sat við ritvélina og hlustaði á dægur-
lagaflutning útvarpsins „með öðru eyranu“,
eins og Irma kemst að orði; heyrði þar þá
allt í einu hressilegt dægurlag, franskt, ljóm-
andi vel með farið, og vildi ég gjarna eign-
ast þá plötu. En því rniður hafði ég ekki
veitt kynningunni neina athygli — enda
höfðu víst fjögur lög verið kynnt í einu —
og ekki hef ég heldur heyrt þetta latr flutt
síðan, enda er það ekki oft, sem ég hlusta
á dægurlagaflutning, ekki einu sinni með
öðru eyranu.
Léttari morguntónlist.
Kæra Vika.
Að undanförnu hefur útvarpið fengið að heyra
ýmislegt vegna morguntónlistarinnar, og með
réttu, eða svo finnst mér að minnsta kosti, því
ið lnin er allt of þunglamaleg, að minnsta kosti
með köflum. Ég er þó ekki að biðja um jass
eða dægurlög — þó mér finnist að.ýms klassisk
jasslög ætlu þarna fullan rétt á sér — heldur
skemmtileg þjóðlög frá ýmsum löndum, þjóð-
dansalög, alþýðutónlist, kunn lög úr léttum
söngleikjum, til dæmis bandarísku söngleikjun-
um, og annað þessháttar. sem ég veit að útvarpið
á mikið af á plötum. Get ég ekki skilið. að nein
um þyki það ósanngjarnt eða óeðlilega beðið.
Morgunsyfjaður.
Einnig þessari tillögu er komið á fram-
færi — og einnig hún er studd.
Illt í efni.
Kæra Vika.
Ég sný hér til þín í öngum minum. Svo er