Vikan - 03.03.1960, Blaðsíða 14

||lP|lÉpf
mmm
■
Allt frá því er Skúli Magnússon byrjaði hina merki-
legu starfsemi sína í Innréttingunum forðum daga, hef-
ur íslenzkum iðnaði verið heldur lágt lof haldið í sam-
anburði við tilsvarandi útlendan varning. Frumstæð skil-
yrði og féleysi urðu til þess að koma þessu orðspori
á í fyrstu, og það er ekki fyrr en á allra síðustu árum,
að nokkrar greinar iðnaðarins hafa hlotið almennings-
hylli og hagstæðan samanhurð við sambærilegan út-
lendan iðnað. Við trúum því varla, að unnt sé að fram-
leiða góða vöru í þessu landi, og það er ekki sízt fyrir
þá erfiðleika, sem hafa verið á útvegun erlendrar vöru.
Slikir erfiðleikar gera hlutina jafnan eftirsóknarverð-
ari, jafnvel þótt þeir séu engu betri.
Gólfteppagerð er ein af yngstu greinum íslenzks iðn-
aðar, en hún hefur tekizt þann veg, að
menn leggja sérstaka áherzlu á orðið „ís-
lenzkt“, þegar þeir tala um slík teppi á
lieimilum sínum. Það hefur orðið fram-
leiðendum hér til framdráttar, að sökum
austantjaldsviðskipta hafa flutzt hingað
gólfeppi, sem hafa fengið heldur misjafnt
orð, enda að miklu leyti úr baðmull. Is-
lenzku teppin eru hins vegar úr hreinni is-
lenzkri ull, og það er óvenjulegt. Má geta
þess, að Bretar, sem taldir eru framleiða
ein beztu gólfteppi í heimi, blanda fíher-
þræði i ullina til þess að drýgja hana. Is-
lenzka ullin er heldur grófari en gerist um
ýmsar útlendar tegundir af ull, en hún er mjög sterk og
ákjósanleg fyrir þennan iðnað.
—O—
Við erum komnir í heimsókn til Axminster við
Grensásveg, — það er ein þriggja verksmiðja, sem fram-
leiða gólftepparenninga úr ullinni okkar. Nafnið er ein-
ungis kennt við gerð vefnaðarins. Segja iná, að Axminst-
er og Wilton séu þekktustu gerðir vefnaðar á gólftepp-
um. I Englandi eru þessar gerðir fáanlegar í mörgum
gæðaflokkum, og fer það eftir þéttleika vefnaðarins.
Sá gæðaflokkur, sem Axminster framleiðir hér, er ein-
um þéttari en algengasti gæðaflokkurinn í Englandi,
það er að segja 6x7 þræðir á fertommu. Saint sem áður
er sá flokkur allmiklu ódýrari en samsvarandi gerð af
útlendum teppum, sem hingað hafa verið flutt að und-
anförnu.
Framhald & bls. 29.
Á Laugavegi 45B eru sýnishorn af framleiðslunnl, og þar geta
menn pantað sér teppi.