Vikan - 29.12.1975, Side 15
ÓRIB1975?
það upp á frábæra franynistöðu Inúkhópsins.
Þá talaði völvan um dauðsföll nokkurra af
ágætustu sonum þjóðarinnar, sem kvaddir
yrðu með viðhöfn og virðuleika, og koma þá
fyrst í hugann lát merkismannanna Þórbergs
Þórðarsonar og Gunnars Gunnarssonar.
Ætti þessi upptalning að nægja því til sönn-
unar, að völvan okkar reyndist sannspá eins og
fyrri daginn, því flest það, sem hún sagði
um innanlandsmálefni, kom á daginn. Hins
vegar gekk henni öllu verr með alþjóðamálin,
enda hefur hún sagt það fyrr, að henni gangi
því verr að ráða í atburði, sem þeir séu fjær sér.
En nú er árið 1975 senn ,,á fljúgandi
ferð liðið hjá", og þótt sjálfsagt sé og oft
skemmtilegt að líta til baka, þá erum við nú
ekki síður með hugann við framtíðina, hvað
hún muni bera í skauti sér.
Hvers er spurt á þessum tímamótum?
Flestum koma eflaust fyrst í hug stórmál eins
og landhelgismálið og efnahagur þjóðarinnar.
Verður um einhverja lausn að ræða i deilu
okkar við breta? Tekst okkur að leysa efna-
hagsvandann að einhverju marki? Verður frið-
vænlegt á vinnumarkaðinum? Eða á stjórn-
málasviðinu? Hvernig verður árið til lands og
sjávar? Færir það okkur hagsæld eða vesöld?
Gott eða vont veður? Mikinn eða lítinn afla?
Verðum við fyrir einhverjum áföllum, stórslys-
um, náttúruhamförum?
Við kunnum engin svör við slíkum spurn-
ingum, flest okkar. En við leitum svara
hjá völvu Vikunnar. Hvernig verður árið 1976?
*
íhugunar, hvort sem það verður nú að mestu
á bak við tjöldin eða opinberlega. Ef opinbera
leiðin verður valin, þá hefur það mjög harkaleg
áhrif.
— Það verður mikið um innbyrðis átök í
stjórnmálaflokkunum, einkum þó einum þeirra
líklega þeim stærsta. Flokkurinn skiptist í þrjár
fylkingar, sem berjast hatrammlega um völdin,
og mun sú deila leiða til einhverra manna-
skipta í valdastöðum, en ekki verður þessi
deila til lykta leidd á árinu. Minni flokkar
gera tilraunir til þess að efla starfsemi sína,
sameining verður rædd af fullri alvöru hjá
þeim minnstu. Einn minnsti stjórnmálaflokk-
urinn lendir í miklum fjárhagsörðugleikum, og
búast má við, að við verðum einu dagblaði
fátækari á árinu. Nýr stjórnmálaflokkur verður
stofnaður.
— Einhver breyting á sér stað í rikisstjórn-
inni, ég hef trú á því, að við fáum aö sjá
að minnsta kosti einn nýjan mann í ráðherra-
stóli, jafnvel fleiri. Og á árinu kemur glöggt í
Ijós, hver er sterki maðurinn í ríkisstjórninni.
— Einhvers konar árekstur verður á milli
landans og hersins á Keflavíkurflugvelli. Ekki
get ég skýrt það nánar, en vera má, að það
sé eitthvað í sambandi við deilu íslendinga og
breta.
— En hvað um atvinnumál okkar og vinnu-
þeilur? Verður ófriður á vinnumarkaðinum?
Það verða átök á vinnumarkaðinum, en ég
er ekki viss um, að þáð verði verkföll, að
minnsta kosti ekki víðtæk verkföll, og ef svo
færi, að allsherjarverkfall skylli á, þá verður það
alla vega mjög skammvinnt. En það verða ein-
hver tiltölulega fámenn félög, sem eiga í lang-
vinnum deilum.
Á næsta ári fer að gæta afleiðinga af
samdrætti íbyggingariðnaði. Húsnæðisskortur
verður áberandi, og yerður mikið um það rætt.
Lánamál námsmanna verða áfram til umræðu,
og á ég ekki von á því, að þeirra mál leysist á
viðunandi hátt.
— Mikið verður rætt um opinberan rekstur
á árinu. Verða deilur í sambandi við yfirmanna-
skipti í einni opinberri stofnun og talsvert sögu-
legt í kringum það. Ein opinber stofnun verður
hreinlega lögð niður. Og.enn ein stofnun verð-
ur bendluð við fjármálahneyksli.
— Árið 1975 var nefnt kvennaár, og bíða
víst margir þess með óþreyju, að sljákki eitt-
hvað í kvenfólkinu. Áttu von á því, að það
dragi sig í hlé árið 1976?
— Ekki aldeilis. Konan er bara rétt að
vakna. Jafnrétti kynjanna verður ekki stað-
reynd á einu ári, og konur þurfa miklu lengri
tíma til að ná fótfestu í heimi karlmann-
anna. Þetta ár, sem nú er að kveðja, hefur
orðið konum mikil hvatning, og þær láta til
sín taka á næsta ári. Að minnsta kosti einn
sögulegur fundur verður haldinn, þar sem
konur verða einráðar, eða að minnsta kosti
mikils ráðandi.
— Hvað geturðu sagt okkur um veðurfar
og náttúruhamfarir?
— Veðurfar verður ekki ólíkt og á síð-
asta ári, nema sunnlendingar þurfa ekki að
kvíða jafnmiklum óþurrkum. Og við fáum að
vita af náttúruhamförum. Ég þori nú varla
að nefna eldgos í því sambandi, en ekki
kæmi mér á óvart, þótt jörðin opnaðist. En
ég vil hvorki spá nánar um náttúruhamfarir
né slysfarir, fólk getur misskilið hlutina eða
fyllst skelfingu, og hverju erum við bættari
með því.
— Við skulum heldur tala um menningar-
lífið, sem verður afar biómlegt árið 1976, og
það á flestum sviðum. I deilunni um mynd-
listarhúsið á Miklatúni verður knúin fram
lausn, sem aðilar geta sæmilega sætt sig við,
og að minnsta kosti ein myndlistarsýning
verður til sérstakra tíðinda talin. Tónlistar-
líf verður mjög blómlegt, og munu íslenskir
tónlistarmenn bera hróður landsins víða.
— Islenskir íþróttamenn geta einnig litið
björtum augum til næsta árs, þeir koma til
með að standa sig vel hér heima og erlendis,
þótt þar beri að vísu skugga á. Þeir verða
nefnilega að sætta sig við að minnsta kosti
eitt smánarlegt tap ég segi ekki í
hvaða grein — Ég hef trú á því, að kven-
fólkið láti meira til sín taka í íþróttum á
næsta ári en verið hefur, og þar skýtur ein
stjarna upp kollinum, sennilega í sundi.
— Friðrik Ólafsson og Guðmundur Sigur-
jónsson standa sig báðir vel í skákinni, og
annar þeirra nær fyrsta sæti í skákmóti á
erlendri grund.
— Mér hefur nú ekki alltaf tekist jafnvel að
spá um erlendan viðburði, en ég er sann-
færð um það, að við fáum stórfréttir frá
Kína á árinu, sennilega kveður Maó for-
maður þennan heim, og einhver átök verða
um eftirmann hans. Þá verður Indland einnig
mikið í fréttunum, og kæmi mér ekki á óvart,
þótt Indira Gandhi ætti í vök að verjast, jafn-
vel ekki útilokað, að hún fái reisupassann.
Spánn verður mikið í fréttunum, en sennilega
tekst hinum nýja konungi að halda þannig
á málum, að ekki skapist vandræðaástand.
í árslok fáum við slæmar fréttir frá Júgó-
slavíu. Og það verður afskaplega heitt í kol-
unum í löndunum fyrir botni Miðjarðarhafs,
vonandi þó ekki stríð.
— Bandaríkin verða náttúrlega mikið í
fréttunum vegna forsetakosninganna. Nýr
maður skýtur upp kollinum, sem reynist Ford
skeinuhættur, eri ég spái þó Ford sigri í
þessum kosningum. Ég hef ekki trú á því, að
Edvard Kennedy gefi kost á sér, en Kennedy-
fjölskyldan verður talsvert í sviðsljósinu.
Jackie Kennedy Onassis giftist í þriðja sinn á
árinu.
— Konunglegt brúðkaup á sér stab í
Bretlandi, sennilega er það sjálfur ríkisarfinn,
sem loksins festir ráð sitt. Það verður mikið
um dýrðir. Ég spáði víst brúðkaupi svía-
(jonungs á þessu ári, sem ekki hefur ræst
epn. Hann hlýtur þá að drífa í því árið
1976.
— Ég held ég láti hér með staðar numið,
þótt margt sé ótalið, en vil að lokum láta
í Ijósi það álit, að árið 1976 verði til
blessunar og hagsældar, þegar það verður
síðar meir skoðað í Ijósi sögunnar.