Vikan - 26.10.1978, Blaðsíða 27
HELDUR SPILVERKIÐ
TITLUM SÍNUM í
NÆSTA VINSÆLDAVALI?
Og hver á að taka á móti verðlaununum?
Spilverk þjóðanna hefur allt frá
stofnun verið, líkt og Eimskipafélagið og
Flugleiðir, óskabarn þjóðarinnar. Hvað
sem það hefur tekið sér fyrir hendur,
hefur fallið í góðan jarðveg. Því er allt
leyfilegt.
Með hljómplötunni ísland verða
þáttaskil hjá þessum vinsæla hópi.
Leiðir hafa skilist um lengri eða
skemmri tíma. Fyrstur hvarf á braut
Egill Ólafsson og stofnaði Þursa-
flokkinn. Kjaftasögur komust á faralds-
fót og gengu staflaust í lengri tíma. Um
síðir lægði þó umtalið, mest vegna
varkárni Spilverkshópsins. Af þeim
sökum er enn spurningarmerki við
skyndilega brottför Egils, þó að allt sé
nú fallið í ljúfa löð.
Er upptöku íslands lauk, tilkynnti
Valgeir Guðjónsson, að hann væri á
förum til náms í Noregi, og um sama
leyti spurðist, að Sigrún Hjálmtýsdóttir
hygði á söngnám í London. Staðan er
því svipuð og í kvæðinu um negra-
strákana, að nú er eftir einn. Engin
formleg tilkynning hefur verið birt um,
að Spilverkið sé hætt störfum frekar en
þegar Stuðmenn liðu undir lok á sínum
tíma. Allt getur enn gerst.
Á ferli sínum hefur Spilverk þjóðanna
sent frá sér fimm hljómplötur. Sú fyrsta
kom út i október 1975. Skömmu áður
var Spilverk þjóðanna beðið um að skil-
greina tónlist sína á poppsiðu
Dagblaðsins. Rétt er að rifja það svar
upp nú, — það er Valgeir sem svarar:
„. . . Annars hefur tónlistin okkar
verið skilgreind þannig, að hún standi
miðja vega milli rokks og alþýðu-
tónlistar. Þar að auki erum við undir
sterkum áhrifum frá klassískri tónlist frá
þvi fyrir 1750, lúðrasveitatónlist og
blönduðum kórum.”
Frá því er þessi orð voru fest á pappír,
hefur tónlist Spilverksins stöðugt færst
yfir á rokkhliðina. Er hljómplatan
Sturla var tekin upp, var Sigurður Bjóla
Garðarsson meira að segja búinn að
festa kaup í trommusetti. Tímar nútíma
kammertónlistar voru liðnir.
Hylli sú, sem Spilverk þjóðanna hefur
notið hjá almenningi, kom berlega í ljós
í vinsældavali Vikunnar og Dagblaðsins
um ármótin í fyrra. Hljómsveitin var
ótvíræður sigurvegari þess vals og það
að verðleikum. Ómögulegt er um að spá,
hver á eftir að fylla það skarð í
framtíðinni, ef Spilverkið leggur nú upp
laupana. Næsta vinsældaval er nú
framundan, og fyrir plötuna ísland
ætti hópurinn að geta haldið titlum
sínum. Stóra spurningin er bara sú, hver
á að mæta og taka á móti
verðlaununum? . _
43. TBL. VIKAN27