Vikan - 20.10.1983, Blaðsíða 9

Nú, þegar tjöldin rísa að nýju hjá
íslensku óperunni eftir sumarhlé, er
tilhlökkun óperuunnenda mikil því
að á sviðinu í Gamla bíói verður að
þessu sinni ein glæsilegasta og
vinsælasta ópera allra tíma, óperan
LA TRAVIATA eftir Verdi. — Það
er ekki einasta að ópera þessi sé
fastur liður á verkefnaskrá allra
helstu óperuhúsa í heimi heldur
vakti kvikmyndin La Traviata undir
leikstjórn Franco Zeffirelli mikla
athygli er hún var frumsýnd í fyrra.
Búningahönnuður kvikmynd-
arinnar, Piero Tosi, var útnefndur til
óskarsverðlauna fyrir búningana.
LA TRAVIATA er byggð á sögu
Alexandre Dumas, Kamelíufrúnni.
Árið 1936 var gerð kvikmynd eftir
sögunni og gerði Greta Garbo Viol-
ettu ódauðlega með dramatískri
túlkun sinni. Gaman er að minnast
þess að kvikmyndin var einmitt sýnd
í Gamla bíói á sínum tíma.
Margir þekktir óperusöngvarar
hafa spreytt sig á þessari óperu.
Meðal annarra hafa Maria Callas,
Melba, Albenese og V. Zeani sungið
hlutverk Violettu og Placido Dom-
ingo og Pavarotti hlutverk Alfredos.
Þegar við heimsóttum íslensku
óperuna á dögunum bárust kröftugir
tónar kórs óperunnar alla leið út á
götu. Skýringin á því var nú að hluta
til sú að kórinn sat í anddyrinu á
þeirri æflngu, þar sem smiðir voru
að vinna á sviðinu! — Aðstaða
íslensku óperunnar er því harla léleg
ef miðað er við óperuhús úti í heimi,
eins og til dæmis Metropolitan óper-
una í New York þar sem 4 minni
svið mynda eitt stór svið, þegar það
þykir henta, og má þá miða stærð
þess við meðalstóran fótboltavöll!
Metropolitan óperan hefur líka 2000
manns á launaskrá en starfsmenn
Islensku óperunnar eru um 12. Það
hlýtur því oft að vera erfitt að standa
undir strangri gagnrýni kröfuharðra
áhorfenda sem eru vanir því besta
utan úr heimi!
42. tbl. Vikan 9