Vikan - 30.10.1986, Qupperneq 50

D R A U
A R
á
HRINGAROG
GALLABUXUR
Kæri draumráðandi!
Mig langar að fá ráðningu á
tveimur draumum sem mig
dreymdi með viku millibili. Ég man
þá ekki alla en fyrri draumurinn
var um fjóra gullhringa. i raun-
veruleikanum á ég einn af þessum
fjórum hringum. Sá er með þremur
bláum steinum sem mynda ská-
línu hver upp af öðrum. Tvo
þessara hringa hef ég aldrei séð
áður. Annar var með einum bláum
steini og var lítill og nettur, hinn
var með þremur bláum steinum,
eins og voru í hinum tveimur nema
í þessum hring voru steinarnir í
beinni röð, þversum. Fjórði hring-
urinn var eins og næla sem ég á
í raunveruleikanum. Ég er löngu
hætt að nota hana og hef ekki
tekið hana upp úr skúffu í nokkuð
mörg ár. Nælan er hjartalaga með
steini sem er vínrauður með gulri
rós í. Mér fannst ég vera með alla
þessa fjóra hringa en skyndilega
henti ég hjartahringnum og einum
bláa hringnum.
Seinni draumurinn er um galla-
buxur. Mér fannst ég eiga þrennar
gallabuxur sem ég fór með út I
búð og vildi selja. I búðinni sá ég
einar góðar gallabuxur sem kost-
uðu aðeins 283 krónur svo ég
keypti þær. Þar sem enginn hafði
keypt hinar meðan ég var I búð-
inni tók ég þær aftur með mér
heim. Þegar ég var að setja þær I
poka I búðinni fannst mér eins og
ég hefði keypt eitt par af skóm líka,
en þá sá ég ekki. Þeir voru handa
mér en ég hafði verið að skoða
appelsínugula barnaskó inni I
búðinni. Meira man ég ekki af
þessum tveimur draumum en ég
vona að þú getir sagt mér hvort
það er eitthvert samband milli
þessara fernra buxna og fjögurra
gullhringa.
Með fyrirfram þökk.
Kópavogsbúi.
Það er nú kannski ekki svo frá-
leitt að tengja þessa tvo drauma.
Það vantar talsvert upp á að hægt
sé að fá heillega mynd afefni fyrra
draumsins en óneitanlega læðist
að manni grunur um að draumarn-
ir fjalli báðir um ástamál. Það er
að vísu nokkuð undir því komið
hvort þú ert I föstu sambandi eða
ekki hvernig þessi draumar leggj-
ast. Ef þú ert laus eru þeir fyrst
og fremst vísbending um fjögur
sambönd við karlmenn, tvo þeirra
þannig að þú hafnir þeim. En
buxnadraumurinn bendir til að
einhver vandræði verði i kringum
þessi ástarsambönd þin.
Ráðningin getur verið sú sama
hvort sem þú ert á lausu eða föstu
en til viðbótar má nefna þann
möguleika að um daðurssambönd
sé að ræða, en ekkert alvarlegra,
þvi ef þú ert á föstu getur daður
verið nákvæmlega jafnáhrifarikt I
draumi og annars konar ástamál.
Það eru afleiðingarnar, eitthvert
meiri háttar vandræðastand I
buxnadraumnum, sem skipta
mestu. En I draumtáknunum er
jafnframt lif og fjör og leiftrandi
lífsgleði svo þú skalt ekki hafa
áhyggjur af þvi þó eitthvað bjáti
á, lífið hefur sinn gang og ekkert
af þessu mun rista djúpt. Minn-
ingarnar um að minnsta kosti tvo
(kærasta/gullhringi) verða skemmti-
legar og varanlegar, siður minning-
arnar um hina.
KYSSIR MIG
Kæri draumráðandi.
I nótt dreymdi mig draum sem
ég ætla að biðja þig að ráða fyrir
mig. Það var þannig að mig
dreymdi að ég væri að labba eftir
langri götu með mömmu minni
og vinkonu. Svo stoppuðum við
allt I einu fyrir utan bíó og þá kom
strákur til mín (sem ég hef tvisvar
verið með) og hann heilsaði mér
og ætlaði að taka utan um mig
og kyssa mig. Þegar ég ætla að
kyssa hann á móti hörfar hann og
er stórhneykslaður á því að ég
ætli að kyssa hann, en svo brosir
hann bara, tekur utan um mig og
kyssir mig. Ég skammaðist mín
svo fyrir að hann skyldi gera þetta
því að mamma og vinkona mín
voru þarna. Allt I einu var hann
svo horfinn án þess að ég tæki
eftir því og þá fattaði ég að ég
þurfti að fara I húðhreinsun (en
ég þarf ekkert á svoleiðis að
halda). Ég labba upp þröngan
stiga og kem upp I mjög óþrifalegt
herbergi. Þar sitja mamma, vin-
konan, strákurinn, vinur hans og
snyrtifræðingurinn sem ég átti að
fara til og þau voru öll að horfa á
sjónvarpið. Þau buðu mér sæti I
svörtum, djúpum taustól og þegar
ég ætlaði að setjast þurfti ég að
byrja á því að þrífa hann og taka
eitthvert drasl úr honumn, en svo
var ég vakin.
Með fyrirfram þökk fyrir birting-
una og ég vona að þú getir lesið
eitthvað út úr þessum draumi.
Bæjó.
L.B.
Þessi draumur er fyrir ágætri
velgengni á einhverju sviði og
þægilegu fjölskyldulifi. Það er
mjög hæpið að hann tengist
stráknum sem fram kemur I
draumnum og líklegra að hann sé
veraldlegs eðlis, jafnvel fyrir ein-
hverju þokkalegu fjármálahappi.
Það er eins og þú finnir upp á ein-
hverju sem skilar þér góðum
árangri en þú sért I vafa um ein-
stök atriði þvi viðkomandi.
ÓRALANGUR
DRAUMUR
Kæri draumráðandi.
Mig dreymdi I nótt draum sem
er að vefjast óskaplega fyrir mér.
Mér finnst hann hálft I hvoru allt
of ruglingslegur til að leggja hann
fyrir en samt veit ég ekki hvað ég
á að halda. Mig dreymir venjulega
ekkert merkilegt svo ég ætla alla-
vega að biðja þig að líta á þennan
draum.
Mér fannst ég vera I einhverju
mjög merkilegu verkefni. Mér
fannst ég vera á stað sem ég þekki
ekki en samt fannst mér ég vera á
kunnuglegum slóðum. Ég var með
fólki sem ég þekki sumt og það
var allt mjög bjart, eins og veðrið
væri hrikalega gott.
Mér fannst ég vera með manni,
ekki manninum mínum, ekkert
sérlega sætum en mjög spennandi
týpu og ég var verulega hrifin af
honum. Ég var að vinna en mér
fannst eins og við værum að gista
þarna vegna vinnunnar. Svo voru
þarna ýmsir aðrir og allt I einu
fannst mér ég vera komin I stórt
herbergi og ég þyrfti að fara á kló-
settið. Þarna var einhver maður
að sýsla eitthvað og klósettið var
I horninu. Ég settist á það en
fannst eins og ég þyrfti að afsaka
það við manninn svo ég sagði
bara: Hafðu ekki áhyggjur, þú
getur bara snúið þér út I horn. Þú
þarft ekkert að fara út. Mér fannst
eins og hann gæti það hvort eð
var ekki. Annars virtist þetta ekki
vera mikið mál. Svo var ég bara
búin og hann hafði snúið sér út I
horn á meðan og við héldum
áfram að vinna. Svo fannst mér
allt I einu að maðurinn minn væri
kominn. Hann heitir X. Ég flýtti
mér til hins mannsins, sem ég
hafði verið með, kyssti hann á
kinnina og sagði einfaldlega:
Maðurinn minn er kominn. Hann
skildi þetta vel. Mér fannst ein-
hvern veginn eins og ekkert væri
sjálfsagðara en ég tek það fram
að ég er slíku ekki vön. Svo fannst
mér eins og maðurinn væri kom-
inn og hann vissi ekkert annað en
allt væri eins og venjulega á milli
okkar.
Svo dreymir mig að maður sem
heitir S væri kominn þarna og
hann var eitthvað að argast út I
mig. Ég varð voðalega sár og fór
að gráta. Ég þekki þennan mann
og er ekkert sérlega vel við hann.
En það er í rauninni mjög undar-
legt að hann skuli hafa verið
þarna.
Svo fannst mér maður, sem ég
hef unnið með, vera eitthvað að
svekkja mig. Ég spurði hann hvort
ég hefði kannski ekki átt að fara
að vinna með honum og hann
sagði mér að halda mig í framtíð-
inni við annað sem hann tiltók
(það er það sem ég vinn við í raun-
inni svo þetta var allt mjög
undarlegt).
Þó þessi draumur virðist rugl-
ingslegur var hann það í rauninni
ekki. Þetta var langur, langur
draumur og hann er mjög skýr í
mínum huga. Ég vona bara að þú
getir ráðið eitthvað úr honum. Ég
tek það fram að ég hef ekki verið
að hafa áhyggjur af þeim málum
sem koma fram í draumnum þann-
ig að það hlýtur að vera eitthvað
annað sem veldur því að mig
dreymir svona.
Draumráðandi góður, viltu ráða
þennan draum fljótt og vel fyrir
mig.
Með fyrirfram þökk.
S.B.
Sennilega hefur þú nú meiri
áhyggjur af því sem fram kemur I
draumnum en þú vilt vera láta.
Draumurinn gæti allt eins verið
sprottinn af hugsunum þínum I
vöku þó þú viljir ekki viðurkenna
það. En ef litið er táknrænt á hann
er Ijóst að þú ættir ekki að vera
of ginnkeypt fyrir nýjum vinum,
það er að segja þú ættir ekki að
veita þeim trúnað þinn hugsunar-
laust. Það er margt hlýlegt og
gott sem má ráða út úr draumnum
og þú skalt ekki gera ráð fyrir að
hann sé fyrir einhverju sambandi
við annan mann. Mikilvæg verk-
efni og annað veraldarvafstur ætti
að liggja vel fyrir þér þessa dagana
og þú munt vinna mikilvægan sig-
ur i einhverju slíku máli. Þú þarft
þó að gæta þess að skapsmunirn-
ir hlaupi ekki með þig í gönur i
vinnunni en heima fyrir boðar
þessi draumur ást og eindrægni.
50 VIKAN 44. TBL