Vikan - 12.02.1987, Blaðsíða 50

D R A U M A R
A N
í KIRKJU-
GARÐIOG
ANNARTIL
Kæri draumráðandi.
Mig langar til að fá þig til að
ráða fyrir mig tvo drauma er mig
dreymdi fyrir stuttu og voru mjög
skýrir.
Fyrri draumurinn var þannig:
Mér fannst ég vera á gangi í kirkju-
garði og leið mér mjög vel.
Umhverfið var einstaklega fallegt,
garðurinn var allur skrúðgrænn.
Ég var að leita að einhverju sér-
stöku leiði sem á átti að vera
dálítið hár legsteinn, steingrár.
Þegar ég fann loks leiðið lá steinn-
inn á því, hafði dottið um koll og
var brotinn í tvennt. Mér fannst
ég verða mjög undrandi á hvernig
slíkt hefði gerst. Skammt þar frá
var lítill grasveggur og á honum
lágu nokkur gerviblóm, hvítir og
rauðir túlípanar sýndist mér.
Seinni draumurinn var þannig
að mér fannst ég vera stödd á ein-
hverju veitingahúsi og hafði átt
pantað borð. Mér var vísað á borð
sem tvær konur stóðu hjá. Aðra
sá ég óskýrt en hún var klædd
dökkgrárri kápu og sneri alltaf
vanganum að mér. Hin konan var
á að giska þrjátíu og fimm til fjöru-
tíu ára, Ijóshærð og klædd eins
og sú fyrri. Hún snýr sér að mér
og spyr: Ert þú J? Ég játa þvi og
spyr á móti hver hún sé. Þá segir
hún skælbrosandi: Ég heiti Fjóla
og ég er dáin. Um leið tekur hún
um axlir mér og faðmar mig að
sér. Mér líkaði þetta illa, leið
ónotalega og fannst bros hennar
orðið hálfillgirnislegt. Svo fannst
mér umhverfið breytast, ég var
komin heim í rúmið mitt og leið
afar einkennilega. Mér fannst ég
vera eins og að svífa á brott, alveg
þyngdarlaus, og var sú tilfinning
í fyrstu alveg unaðsleg en svo
fannst mér ég skynja að þetta
væri af völdum þessarar Fjólu og
hún vildi toga mig eitthvað í burtu,
í eitthvert framandi umhverfi. Þá
fór ég að berjast á móti og fannst
ég ekki viðbúin þessu, myndi jafn-
vel ekki komast heim aftur. (Dóttir
vinafólks míns var í heimsókn hjá
mér um þessar mundir og fannst
mér I draumnum ég hugsa mest
um hana, að ég mætti ekki fara frá
henni.) Mér fannst ég ná taki á
rúmstokknum og berjast af alefli
gegn þessum krafti sem togaði og
hálfpartinn seiddi mig til sín. Þá
hvarf þessi skrýtna tilfinning og
ég vaknaði kófsveitt og hélt fast í
rúmfötin.
Mig langar svo að bæta við að
á borðinu, sem konurnar stóðu
við, voru tvö tóm glös og tvö
spjöld voru reist upp við þau, ein-
hvern veginn koparlituð. Ég sá á
annað spjaldið, þar stóðu nöfnin
mín feitu, svörtu letri og ég sá þau
greinilega en fannst standa þar
líka fyrir neðan fæðingardagurinn
minn og ár og jafnvel dánardagur,
en það var eins og móða yfir þeim
hluta svo ég gat ekki lesið annað
en nöfnin. Hitt spjaldið fannst mér
tilheyra þessari Fjólu og á það gat
ég ekkert lesið.
Ég vona að þú reynir að ráða
þetta fyrir mig þótt ruglingslega
sé sagt frá.
J.S.
Draumarnir eru báðir fyrir ein -
hverju mótlæti sem þú munt þurfa
að standa í, en samt sem áður eru
í þeim mörg heillatákn og þú
munt fá góðan stuðning, einkum
þó frá gömlum vinum og ekki síð-
ur nýjum vinum. Það er eins og
það sé undarlegt sambland af
gleði og sorgum fram undan og
umbyltingartími og þessar um-
byltingar verða stefnumarkandi I
lífi þínu og þú munt þurfa að taka
erfiðar ákvarðanir en stendur ekki
ein heldur færð afskaplega góð
viðbrögð við þeim ákvörðunum
sem þú tekur.
í HJÓLA-
STÓL
Kæri draumráðandi!
Þannig er mál með vexti að ég
er búin að elska mann í eitt og
hálft ár án þess þó að hann viti
af því og erum við ágætir kunn-
ingjar. í sumar skildu leiðir okkar
í nokkra mánuði og ég fór utan.
Ást mín til hans dofnaði þó ekki
og nú kem ég að aðalatriðinu.
Mig dreymdi drauminn þegar
ég var erlendis og var hann á
þessa leið:
Ég sá hann skyndilega í hjóla-
stól og var hann orðinn gamall
maður, grár og horaður í framan,
með þriggja daga skegg. En ég
var ung eins og í dag. Ég fór að
gráta þegar ég sá hann því ég vissi
að hann átti að deyja eftir hálfan
mánuð og ég grét yfir því að við
gætum ekki gift okkur og hann
grét líka af sömu ástæðu. Þannig
endaði draumurinn.
Með fyrirfram þökk fyrir birting-
una.
Ein sem dreymir allar nætur.
Þó draumurinn hafi verkað illa
á þig er hann farsællar merkingar.
Hann merkir að maðurinn sé fast-
heldinn og íhaldssamur, sennilega
lokaður en góður vinur i raun. Þó
er rétt að taka fram að samkvæmt
draumtáknum getur verið að hann
þurfi að hyggja meira að heilsunni
en gengur og gerist og þurfi að
gæta vel að einhverju i sambandi
við heilsufarið. Hvort sem það á
beint við ykkar samband eða þig
eina þá er þetta fyrst og fremst
gæfudraumur, merkir mikla gleði
og hamingju i Hfinu og er þér alla
vega fyrir góðri heilsu og lífi.
HANNKOM
Kæri draumráðandi!
Mig langar til að biðja þig um
að svara þessu bréfi og sem sagt
ráða þennan draum. Hann er á
þessa leið:
Ég var í skólanum og það voru
frímínútur eftir handavinnutíma.
Þá kom til mín strákur sem við
getum kallað G. Ég hafði verið
með honum í um það bil hálft ár
og svo sagði hann mér upp. Við
fórum út í garð og byrjuðum að
tala saman og kela dálítið. En svo
fór ég aftur í handavinnutímann
og vinkona mín, sem við getum
kallað S, kom inn og spurði hvort
ég væri byrjuð með G. Ég sagði
að við værum bara góðir vinir. Nú
kemur það skrýtnasta í draumn-
um. Þegar ég var búin í handa-
vinnu fór ég fram á gang en þar
sat strákur sem við köllum R og
var skotinn í A vinkonu minni.
Hann tók utan um mig og kyssti
mig og þá varð ég hissa. Ég spurð-
ist fyrir um A en hann sagðist ekki
þola hana lengur. Svo tók ég úlp-
una mína og labbaði með honum
heim til hans. Þegar við komum I
sund eitt byrjaði hann að káfa á
brjóstunum á mér og byrjaði að
kyssa mig og ég hann. Þá birtust
allt í einu tveir vinir hans, þeir L
og AO. Svo komum við heim til
hans og þá datt ég í garðinum
hans og hann lagðist ofan á mig,
káfaði á mér og kyssti mig vel og
lengi. Svo stóð ég upp og kyssti
hann stóran, djúpan koss og vink-
aði bless. Þá komu L og AO og
byrjuðu að reyna við mig en ég
fór í rúmið, glöð og ánægð eftir
daginn.
Þetta var dálítið óvenjulegur
draumur vegna þess að ég er ekki
hrifin af neinum þessara stráka,
en ég er ekki skemmtileg, ekki mjó
og ekkert sérlega sæt heldur.
Með fyrirfram þökk.
G.L.K., 13 ára í vandræðum.
Draumráðandi skilur ekki vel
hvaða vandræði eru að brjótast i
þér en draumurinn ber það með
sér að þú sért heldur ónóg sjálfri
þér (þetta er ekki draumráðning
heldur almenn ályktun) og myndir
sennilega þiggja meiri athygli.
Draumurinn er i sjálfu sér ekki
táknrænn og bendir ekki til að þú
verðir með þessum strákum. Hann
er þó að mörgu leyti athyglisverð-
ur fyrir sjálfa þig og þú ættir
kannski að athuga hvort þú getur
ekki farið að hressa eitthvað upp
á sjálfstraustið, greiða þér smart,
losa þig við þá grillu að þú sért
ekki skemmtileg og farið að pæla
í strákamálunum. Ekki þarftu samt
endilega að fara að gera eitthvað
róttækt.
KAKKALAKK-
AR
Kæri draumráðandi.
Mig dreymdi draum aðfaranótt
mánudagsins 5. janúar og mig
langar að þú ráðir hann fyrir mig.
Mig dreymdi að ég væri sofandi
og þegar ég vaknaði var fullt af
hangandi, svörtum kakkalökkum
(kóngulóm) meðfram veggnum
og ég varð alveg brjáluð úr
hræðslu (því ég hata kóngulær)
og fór fram í forstofu. Þar var
mamma og ég hljóp til hennar og
hélt mér í hana því það var fullt
af hangandi kóngulóm í kringum
okkur og fannst mér ég vera hálf-
grenjandi.
Með fyrirfram þökk fyrir birting-
una og þökk fyrir gott blað.
Magga.
Kóngulær þykja nú yfirleitt af-
bragðs draumatákn en kakkalakk-
ar hins vegar ekki eins þannig að
þú verður eiginlega að ákveða um
hvort var að ræða. Hins vegar er
hræðsla i draumi alltaf fyrir hug-
rekki og grátur fyrir gleði þannig
að þú mátt búast við skemmtileg-
um timum á næstunni.
50 VIKAN 7. TBL