Vikan - 14.05.1987, Blaðsíða 56

S T J Ö R N U S P Á
K A N
HRÚTURINN 21. niars-20. apríl
Einhvers konar uppgjör virðist óum-
flýjanlegt en hvers eðlis og um hvað
það snýst fer eftir því við hvað þú
ert að fást. Þér er mjög hugleikið
að sem best niðurstaða náist og
bjartsýnin ræður ríkjum, jafnvel
kann svo að fara að þú takir varla
eftir minni háttar skakkaföllum.
TVÍBURARNIR22.maí-21.júní
Þú ættir að íhuga hver ávinningur
er í því fólginn að dvelja við hið
liðna. Þú hyllist til að vorkenna sjálf-
um þér og getur í því augnamiði
endalaust velt þér upp úr misgjörð-
um annarra gagnvart þér og eigin
ávirðingum efsvo ber undir. Láttu
þér ekki sjást yfir gæði lífsins.
LJÓNIÐ 24. júlí-23. ágúst
A næstunni munu ýmsir góðir eigin-
leikar þínir njóta sín. Leggðu rækt
við samband sem þér þætti miður
ef færi forgörðum. Það er rétt athug-
að að þú færir mikils á mis við að
tapa tengslunum við þennan aðila
en þarft ef til vill að breyta háttum
þínum í einhverju.
VOGIN24.sept.-23.okt.
Það er útilokað að vera á mörgum
stöðum samtímis og óvíst að þú
verðir þar sem þú helst kýst á næstu
dögum. Þú hefur ekkert að óttast
því að það sem þú hefur áhyggjur
af er tryggara og endingarbetra en
þú hyggur. Haltu þó vöku þinni, þú
hefur í mörg horn að líta.
BOGMAÐURINN 24. nóv.-21. dcs.
Eftirminnileg vika er fram undan
sértu reiðubúinn að taka nokkra
áhættu. Þú verður þátttakandi í at-
burðum sem auka víðsýni þína og
víkka sjóndeildarhringinn. Sitthvað
breytist til batnaðar ef vel er á hald-
ið en forðastu að leggja harðan dóm
ámenn og málefni.
VATNSBERINN 21. jan.-19. febr.
Hugsaðu vandlega þinn gang áður
en þú slærð nokkru föstu varðandi
orð og athafnir fólks sem þú þarft
að umgangast hvort sem þér líkar
betur eða verr. Hætta er á misskiln-
ingi og því vænlegra að vanda
orðavalið teljir þú þig þurfa að segja
einhverjum til syndanna.
NAUTIÐ21.apríl-21.maí
Vísaðu því óhikað frá þér sem þú
kærir þig ekki um að taka þátt í.
Að vísu kann svo að fara að þú flæk-
ist óviljandi í málefni sem þú hvorki
telur þig hafa vit né áhuga á en haf-
irðu ekki gefið ádrátt um liðveislu
geturðu leyft þér að hafa gaman af
öllu saman.
KRABBINN 22. júní-23. júlí
Mannleg samskipti reynast mörgum
flókin og trúlega ferð þú ekki var-
hluta af þeim sannindum. Ekki
geturðu búist við að njóta réttinda
án þess að bera skyldur sem því svar-
ar. Þú kemst ekki hjá því að uppfylla
eitthvað af þörfum annarra um leið
og þú nýtur lífsins á þinn hátt.
MEYJAN 24. ágúst—23. sept.
Meiri spenna ríkir í kringum þig en
hollt getur talist. Ekki verður hjá því
komist að hreinsa andrúmsloftið ef
menn vilja forðast árekstra. Senni-
lega er eina færa leiðin að allir leggi
spilin á borðið. Það kann að kosta
að stokka verði upp en borgar sig
trúlega.
SPORÐDREKINN 24. okt.-23. nóv.
Þér finnst þú hafa fengið ríflegan
skerf af alls kyns erfiðleikuni upp á
síðkastið en nú kernur að því að þú
komir auga á þann ávinning sem
þú getur haft af öllu saman. Þar ber
allt að sama brunni. hverersinnar
gæfu smiður og ýmsu er fórnandi
fyrir friðsælt heimilislíf.
STEINGEITIN 22.des.-20.jan.
Hugsaðu þig tvisvar um áðuren þú
slærð á útrétta sáttahönd. Þótt þér
finnist í svipinn að engu skipti hvern-
igsamkomulaginu við þennan til-
tekna aðila er háttað kemur von
bráðar á daginn að það er misskiln-
ingur, auk þess sem þú tapar engu
áað sýna vinsemd.
FISKARNIR 20. febr.-20. mars
Þú ættir að kappkosta að halda frið-
inn heima. Enginn veit hvað átt
hefur fyrr en misst hefur og van-
hugsuð orð, þótt ekki séu í rauninni
illa meint, geta haft hinar uggvæn-
legustu afleiðingar. Það eru ekki
eingöngu ókunnugir sem okkur ber
að sýna kurteisi og tillitssemi.
Þá er komið að einu fjölbreyttasta og skrautlegasta merkinu
af stjörnumerkjunum tólf í dýrahringnum, tvíburunum. Mörg-
um reynist erfitt að átta sig á þeim enda er allt breytingum
undirorpið í návist þeirra. Þar ríkir hvorki kyrrstaða né hálf-
velgja og þegar menn telja sig í þann veginn að komast til
botns í tvíburanum snýr hann venjulega við blaðinu og gefur
yfirlýsingu sem ekki er nokkur leið að átta sig á. Tvíburinn
er ákafiyndur, opinskár, vingjarnlegur og fijótur að hugsa.
Hann kemur vel fyrir sig orði, er gjarnan háðskur og hefur
gaman af að rugla fólk í ríminu. Hann hefur gjarnan rnörg
járn í eldinum og lætur vel að fást við mörg og ólík viðfangs-
efni samtímis. Honum er nánast lífsnauðsyn að lifa fjölbreyttu
lífi. Jafnframt leiðast honum vanaverk en lendi hann í slíku,
sem fæstir komast hjá, finnur hann sennilega upp á einhverju
sér til tilbreytingar. Hann skiptir hratt og oft um skoðun og
er sjaldan viss í sinni sök. Enginn skyldi þröngva tvibura til
að taka af skarið, nær væri að ákveða fyrir hann það sem
ákveða þarf því að hann getur aldrei verið viss um að hafa
gert rétt og veltir hlutunum stundum fyrir sér eftir að löngu
er um seinan að breyta nokkru. Samt sem áður eiga tvíburar
sannfæringarkraft sem margir öfunda þá af, þeir eru fæddir
sölumenn og margt eldheitt hugsjónafólk er að finna meðal
tvíbura. Þeir verða að gæta þess að fá næga hvíld, þola illa
langar vökur og streita og hvers kyns álag fer illa með við-
kvæmt taugakerfi þeirra. Það togar margt i tvíburann og hann
lætur toga sig og teygja í allar áttir. Honurn er hins vegar
lagið að toga aðra með sér í eldmóði hugmynda sinna og á
í engum erfiðleikum með að koma þeim á framfæri hvar sem
er og hvenær sem er.
56 VI KAN 20. TBL