Vikan - 14.05.1987, Blaðsíða 60

hæfi á síðarnefndu stöðunum, nema þeir séu
þeim mun duglegri að gera víðreist til að kynn-
ast hinni sönnu París. Annars er viðbúið að
þeir sjái og skynji lítið annað en sálarlitla stór-
borg, fulla af bílum og túristum. Fyrsta
upplifun af nýjum stað skiptir auðvitað höf-
uðmáli og glæstan íburð hótela og veitinga-
húsa má sjá í öllum stórborgum en lítil bístró
og gangstéttarkaffihús eru hvergi eins og í
París.
HAGNÝT RÁÐ
Eitt það fyrsta sem ferðalangur í París ætti
að taka til bragðs er að fara í skipulagða út-
sýnisferð um borgina til að ná áttum og geta
svo valið úr það sem áhugavert þykir. Því
næst ætti viðkomandi að skella sér í ferð með
neðanjarðarlest (métro), eftir að hafa gluggað
í leiðakort. Það er auðveldari lærdómur en
margur heldur; bara að taka mið af endastöð
lestarinnar! Svo er hægt að kaupa tíu afsláttar-
miða í einu en það sparar bið við miðasölur.
Leigubiiar eru auðvitað líka þægilegur ferða-
máti og ekki svo dýr í París. Til að vita hvað
er að gerast i skemmtana- og menningarlífl
borgarinnar er mjög gagnlegt að kaupa viku-
ritið Pariscope.
SÖGUFRÆGIR STAÐIR
Það er auðvitað alveg nauðsynlegt að fljóta
með alþjóðlegum túristastraumnum og skoða
eitthvað af hinum fjölmörgu sögufrægu stöð-
um sem eru í borginni, á milli þess sem
Parísarandrúmsloftið er teygað á enn öðrum
stöðum.
Þá er fyrst að nefna eitt af táknum Parísar,
Eiffclturninn (7. hverfi), verk Gustave Eiffels.
Hann stóð tilbúinn fyrir heimssýninguna í
París 1889. Töluverð andstaða vargegn þessu
mikla járnverki sem til stóð jafnvel að rífa á
sínum tíma.
Versalir eru rétt rúma tuttugu kílómetra
suðvestur af París. Sólkonungurinn Lúðvik
XIV lét byggja þessa stórfenglegu 17. aldar
höll og gerði að aðsetri sínu og hirðarinnar.
Louvre (1. hvertl) er fyrrum konungshöll
sem flestir konungar frá um 1200 áttu þátt í
að byggja og stækka. Frá 1793 hefur Louvre
verið listasafn og er nú meðal þeirra stærstu
í heimi. Mona Lisa er líklega frægasta verk
safnsins.
Óperan (9. hverfi) var byggð fyrir rúmlega
hundrað árum í ,,Napóleons III stíl" eins^og
arkitektinn sjálfur sagði. Þar er mikilfenglegur
íburður og ólík stílbrigði, ekki síst loftið í
salnum sem málað er á þessari öld af Marc
Chagall. Fyrir utan Óperuna eru breiðstræti
Haussmanns í allar áttir og réjt á næsta horni
er eitt frægasta kaffihús Parísar, Café de la
Paix. Þar er nauðsynlegt að setjast á verönd-
ina, fá sér hressingu og horfa á fjölskrúðugt
mannlífið; róna, glæsidömur og olíufursta
innan um hversdagsfólkið.
Av. des Champs-Élysées og nágrenni (8.
hverfí) er frægasta gata Parísar og nær allt frá
Sigurboganum, sem Napóleon lét byggja til
minningar um fallna hermenn, að Concorde-
torginu, hinu stærsta í borginni, en þar er
3300 ára gamalt minnismerki ættað frá
Egyptalandi, úr musteri Ramsesar II. Hið
glæsilega breiðstræti Champs-Élysées hefur
dýrar verslanir og veitingahús á báða bóga
ofan til en neðar við götuna eru tvær alda-
mótahallir, söfnin Grand Palais og Petit
Palais.
Tuileries garðurinn (1. hverfi) er í beinu
framhaldi af Champs-Élysées, frá Concorde-
torginu. Hann var hannaður af garðyrkju-
manni Lúðviks XIV og nær að Louvre-safn-
inu, en þaðan er bein sjónlína að
Sigurboganum. Garðurinn er eins og vin, með
tjörnum, veitingastöðum og fögrum styttum.
Þarna eru hin frægu listasöfn Orangerie, sem
fyrir utan skammtímasýningar státar af ný-
legri listaverkagjöf með verkum eftir Picasso,
Cézanne og Matisse og lleiri, og Jeu de Paume,
sem geymir eitt glæsilegasta impressionista-
safnið. Það safn mun þó vera um það bil að
flytja í Gare d'Orsay hinum megin Signu.
Centre Ceorges Ponipidou (4. hverll), eða
Beaubourg eins og það er oftast kallað, er ein
af frægustu byggingum borgarinnar þó ný sé.
Þar eru nokkur söfn, meðal annars eitt stærsta
nútímalistasafn heims og kvikmyndasafn,
einnig barnaleiksvæði og veitingastaður. Útlit
byggingarinnar, skærmálaðir hólkar, rör og
leiðslur, vakti í fyrstu miklar deilur en svipað
og með Eiffelturninn hefur húsið notið gífur-
legra vinsælda og eru gcslir árlega flciri cn í
Louvre. Á opnu svæði fyrir framan er iðandi
mannlíf allt sumarið og alls kyns skemmti-
kraftar að troða upp. Órstutt frá-er:
Eorum des llalles (I. hverfi) er gríðarlega
stór nýtískuleg 'byggingasamstæða við Les
Halles, þar sem aðalmatvælamarkaður borg-
arinnar var frá því á 12. öld og til 1979. Forum
er að mestu úr áli og gleri, Ijórar hæðir og
byggt ofan í jörðina, svo stærðin er lílt mcrkj-
anleg að utan. En þarna eru 200 verslanir,
10 kvikmyndahús, 12 veitingahús og opið
svæði í miðju þar sem oft cru uppákomur.
ELDRI HVERFIN
Að ganga um eldri hverfi Parísarer nokkuð
sem verður að gerast; Marais að degi til cn
eyjarnar tvær, Latínuhverfið og St-Germain
60 VIKAN 20. TBL