Menntamál - 01.05.1951, Page 5

menntamál
51
Hér skal eigi rakið nánar, hvað gerðist á hverjum tíma
fundardaganna. Eins og fundai’boðendur höfðu ráðgert,
var fyrst gerð grein fyrir skipan skólamálanna í hverju
landi fyrir sig og þá sérstaklega þeim vandamálum í fram-
kvæmd þeirra mála, sem efst voru á baugi í hverju landi.
Þennan lið fundarefnisins fluttu fræðslumálastjórarnir,
nema hvað Kurt Falck, fulltrúi (undervisningsrád)
í sænsku fræðslumálaskrifstofunni, skýrði frá þessum
atriðum eins og þau eru í Svíþjóð.
Annar aðaldagskrárliðurinn var greinargerð námsstjóra
eða fræðslufulltrúa frá hverju landi um námseftirlit og
leiðbeiningar um skóla- og uppeldismál.
Að loknum erindunum voru umræður um þau, og bar
þá margt á góma, en eigi mun þó minnst hafa verið vert um
þær umræður, sem fóru fram milli manna í smáhópum
utan sjálfrar fundarsetunnar.
Röð erindanna fór eftir stafrófsröð landanna. Skal nú
í stuttu máli getið um það helzta, sem fram kom í erind-
um manna. Þó mun eigi ástæða til þess að fjölyrða það,
sem við landarnir sögðum, því að eigi er þar um annað
að ræða en það, sem lesendum Menntamála, er vel kunnugt.
Fræðslumálastjóri Dana, Alfred Andreasen, gerði fyrst
grein fyrir danska skólakerfinu samkvæmt núgildandi
fræðslulögum (frá 1937). Öll börn eru skólaskyld frá 6
eða 7 ára aldri, þ. e. þau eiga að koma í síðasta lagi í skóla
7 ára gömul, en mega koma 6 ára. Þá koma þau í hinn
raunverulega barnaskóla (grundskolen) og eru þar til
11 eða 12 ára aldurs, og fer það eftir því, hvort þau koma
6 eða 7 ára í skólann. Þá tekur við fjögurra ára miðskóli,
víðast hvar í beinu sambandi við barnaskólann, í sama
húsi og undir sömu stjórn og hann. Miðskólinn skipt-
ist í prófskóla (eksamensmellemskole) og próflausan skóla
(den eksamensfri mellemskole). Síðarnefndi skólinn getur
verið fjögurra ára skóli, en er sjaldan nema 2—3 ára skóli.
1 sveitum er víðast hvar barnaskóli fyrir 7—11 ára börn