Menntamál - 01.05.1951, Side 9

menntamál
55
ur. Því verður seint gleymt, hversu frækilega kennararnir
börðust fyrir frelsi þjóðar sinnar leynt og ljóst, í orði
og verki.
Fólk flyzt unnvörpum úr sveitum til sjávar og þéttbýlis.
Víða í sveitum eru annarsdagsskólar. Ýmsir erfiðleikar
eru í sambandi við þessa tilhögun, og eru háværar raddir
um a. m. k. fjögurra daga kennslu á viku. Kennslutími
barna í sveitum er nú um 65% af því, sem kaupstaða-
börnin fá.
Börn eru skólaskyld í 7 ár, en 1960 er búizt við, að 8
ára skólaskylda verði komin á um land allt.
Sótzt hefur verið meira eftir bóklegu námi en verklegu,
en mikil sókn er hafin til þess að beina störfum skólanna
og hug nemendanna til verklegs náms, og stefnt er að því,
að próf úr verknámsskólum geti jafnvel veitt aðgang að
háskólanámi, án þess að fyrst þurfi að ljúka stúdentsprófi.
Allir kennarar við barnaskólana þurfa að taka sams kon-
ar kennarapróf. Smábarnakennarapróf er ekki til sem
sérstakt próf.
Kurt Falck, fulltrúi í sænsku fræðslumálaskrifstofunni,
gerði grein fyrir þeim vandamálum, sem efst voru á baugi
í skólamálunum þar í landi. Hann taldi óþarft að hafa mörg
orð um sjálft skólakerfið, „enhetsskolan“, sem fundar-
menn mundu þekkja a. m. k. af afspurn. Samkv. ákvörð-
un sænska þingsins 1950 er nú stefnt að samfelldum 9 ára
skóla frá 7 ára aldri. Fyrst er „smáskolan", þá „mellan-
skolan“ og síðan „realskolan“, og er hvert þessara þriggja
stiga 3 ár. Enskunám á að byrja í 5. bekk skólans, en verk-
nám hefst aðallega í 7. eða 8. bekk og eigi síðar en í 9. bekk.
Einnig skal í 9. bekk aðgreina nám þeirra nemenda, sem
fara eiga í menntaskóla, frá öðrum bóknámsdeildarnem-
endum. Menntaskólar verða þriggja ára skólar, en þó eru
sterkar raddir meðal menntaskólamanna um að fá því
breytt í fjögurra ára menntaskóla (sams konar tilhögun og
á íslandi).