Menntamál - 01.05.1951, Page 35

menntamál
81
kennslustundum er varið til bóklegs náms, eru þá undir-
búnar næstu verklegar æfingar. Á eftir bóknáminu kemur
eldhúsdagur, þar sem verklega námið fer fram. í eldhús-
inu er nemendum skipt niður í fjölskyldur, hver einstakl-
ingur tölusettur og síðan fengið tiltekið yerk að vinna.
Nemendurnir skipta svo hlutverkunum þannig, að eftir
nokkurn tíma hefur hver nemandi gegnt öllum hlutverk-
unum. f dönskum skólum eru 7 einstaklingar í f jölskyldu, en
í sænskum og norskum skólum 4. í verklegu kennslunni er
kennt heilum bekkjum í einu í Danmörku, allt að 36 nemend-
um, en í Svíþjóð og Noregi hálfum bekkjum, 16 nemendum.
Frágangur skólaeldhúsa er nokkuð á annan veg í Dan-
mörku en í Svíþjóð. Stafar það aðallega af tvennu. Ann-
ars vegar af mismun nemendafjölda í kennslustund í
Danmörku og Svíþjóð, og hins vegar af því, að í Svíþjóð
fer nú orðið að heita má eingöngu fram fjölskyldukennsla,
eins og lýst var, en í Danmörku fer kennslan fram á þrenn-
an hátt. Þó virtist mér, að í Danmörku væri að því stefnt að
auka fjölskyldukennsluna, en hverfa meira frá hinum
tveimur kennsluháttunum, sem einkanlega hafa verið not-
aðir fyrir byrjendur. Ný, norsk eldhús eru mjög í líkingu
við ný sænsk eldhús, nema hvað sænsku eldhúsin eru full-
komnari. Hvorutveggja eru ætluð fjórum fjölskyldum,
það er 16 nemendum, en norsku eldhúsin eru auk þess þann-
ig gerð, að hægt er að beita hópkennslu í matargerð fyrir
16 nemendur.