Menntamál - 01.12.1951, Blaðsíða 8

126
MENNTAMÁL
þau bara að hlýða skipunum og fyrirmælum, sem þau skilja
ekki innst með sjálfum sér, í hvaða skyni eru gerð. 0g
þess vegna eiga þau erfitt um að auðsýna þeim fyllstu
hlýðni. Nemendunum finnst því sem grár skuggi vonleysis
og tilgangsleysis hvíli yfir miklum hluta skólagöngunnar.
Við eigum öll þessu líka reynslu og börnin allt í kringum
okkur fá sí og æ að kenna á henni. Og þau mundu segja
hug sinn, ef þau óttuðust ekki snuprur.
Kennarinn þarf ekki að gera miklar breytingar í frjáls-
legra horf á starfstilhögun sinni til þess, að bragurinn,
andinn, í kennslustofunni batni og þar verði bjartara um
að litast. Komið því þannig fyrir, að börnunum gefist kost-
ur á að leita einhvers og uppgötva eitthvað, leyfið fram-
taksemi barnsins að njóta sín í einhverju, með því móti
vaknar áhugi barnsins á skólastarfinu. Öll reynsla mín af
starfsemdaruppeldi (aktivitetspedagogik) hefur fært
mér heim sanninn um, að svona er þessu farið. Allt er
undir kennaranum sjálfum komið, eins og hinn norski
stöðunautur minn sýndi svo glögglega fram á.“
Frá UNESCO.
Fyrir skemmstu beitti Menningar- og vísindastofnun Sameinuðu
þjóSanna sér fyrir ráðstefnu um kjarnorkumiðstöð fyrir Evrópu. Nú
hefur sama stofnun gengizt fyrir annarri ráðstefnu um að koma á
fót aljtjóðlegu rannsóknartáði á vettvangi félagsvísinda í því skyni,
að rannsóknir í þessum efnum gætu leitt til Ijættra lífskjara og betri
afkomu almennings um víða veröld.
Árangur ráðstefnunnar er talinn vera sá, að hið alþjóðlega ráð
verði sett á laggirnar jregar á þessu ári.
Verkefni rannsóknarráðsins verður að hvetja vísindamenn um
jjjóðfélagsmál að kynna sér nánar félagshætti vorra tíma og samræma
rannsóknirnar. Lagt hefur verið til, að ráðið verði skipað 15 mönn-
um. Skulu jjeir vera fulltrúar þjóðlegrar menningar landa sinna, en
auk Jjess fræðimenn um félagsmál, stjórnmál, hagfræði, löggjöf, menn-
ingu, mannfræði eða félagslega sálarfræði.
Fréltir frá starfsemi S. Þ. (stytt.)
I