Menntamál - 01.12.1953, Qupperneq 21
MENNTAMÁL
143
Um sumarið, hið sama ár, birti Norðanfari aðra grein
um skólamál, sem virðist hafa haft nokkur áhrif á skóla-
haldið. Sú grein er þó ekki um barnaskólann beinlínis,
heldur um almenna menntun yfirleitt. Er þar m. a. rætt
um kennslugreinar skólanna, hverjar þær eigi að vera og
hvernig þær skuli kenndar, bæði í barnaskólum og ung-
mennaskólum. Greinin er allýtarleg og skynsamleg og
undirrituð P. B., sem gæti táknað það að hún væri eftir
eyfirzkan skólapilt, gáfaðan og framsýnan, Pál Briem, síð-
ar amtmann og áhrifamann hér, bæði á skólann og önnur
menningarmál bæjarins um s. 1. aldamót.
Enn flytur blaðið Norðanfari grein um barnaskólann í
nóvember 1876. Greinin er merkt með stöfunum 0. 0.
Efni hennar, auk almennra atriða, er ýmsar bollalegg-
ingar og uppástungur um breytingar og endurbætur á
skólahaldinu. Má þar til nefna það, að nauðsynlegt sé
að bæta við húsrýmið annarri kennslustofu, og þá að bætt
sé við öðrum kennara, að börnunum sé raðað eftir ein-
kunnum við hver mánaðamót, að tvö próf skuli haldin í
skólanum, annað í desember og hitt í lok skólaársins, að
lestur sé meira kenndur í skólanum, en danskan aðeins
þeim börnum, sem læs séu á sitt móðurmál, að söng-
kennsla sé aukin, að elztu börnunum sé kennd veraldar-
saga, dráttlist og eitthvað í náttúrusögu o. s. frv. Og jafn-
framt þessu ætti svo að lengja skólann í 7 mánuði, og yrðu
þá m. a. laun kennaranna lífvænlegri.
Allar þessar greinar í blaðinu, og þá einkum hinar síð-
ari, munu hafa vakið menn til umhugsunar um skólahald-
ið, og án efa haft veruleg áhrif. Hin fyrsta lýsir skóla-
haldinu í aðalatriðum þessi fyrstu ár, hvernig tilhögun
þess var og hvað kennt var. Er hún hin helzta heimild,
sem nú er til, um fyrirkomulag og námsgreinar skólans
fram til 1878, en raunar er skólahaldið allt í svipuðum
farvegi lengur, a. m. k. meðan Jóhannes Halldórsson
stjórnaði því, og reyndar að mestu fram um aldamót.