Vorið - 01.09.1967, Qupperneq 22

en og Færeyja. Á næsta ári er ráðgert
að taka upp flugferðir til Frankfurt í
Þýzkalandi.
Færeyjaflugið hófst sumarið 1963,
fyrst með DC-3 flugvélum, en frá 1966
með Fokker Friendship flugvélum. —
Fyrsta árið, sem Flugfélag Akureyrar,
en svo hét félagið í byrjun, starfaði, voru
íiuttir 770 farþegar. Það var árið 1938.
Á síðastliðnu ári urðu farþegar Flug-
félagsins nokkuð yfir 160.000, og getur
hver og einn reiknað út hve mikill
hundraðshluti það er af öllum íbúum
landsins, sem nú munu rúm 196.000.
Hjá Flugfélagi íslands starfa nú fast-
ráðnir um 360 manns, karlar og konur.
Erlendis hefur félagið skrifstofur í
Glasgow, London, Frankfurt am Main,
Kaupmannahöfn, Stokkhólmi, Osló og
Bergen.
Á skrifstofum félagsins erlendis starfa
íslendingar og útlendingar jöfnum
höndum, og félagið hefur tekið upp þá
ófrávíkjanlegu stefnu, að á skrifstofum
þess skuli alltaf vera Islendingar að
miklum meirihluta.
Eg hef orðið þess var, að íslending-
ar, sem erlendis ferðast, telja þetta mik-
inn kost, og finnst jafnvel sem þeir séu
komnir heim, er þeir heimsækja skrif-
stofurnar, spjalla við fólkið og líta í
íslenzk blöð o. s. frv. Flugliðar Flug-
félags íslands eru allir íslenzkir og svo
mikill er flugáhugi landsmanna, að
ætíð gengur vel að fá hæfa iH*nn og
konur til starfa, enda er starf um borð
i flugvélum eftirsótt, og þykir gjarnan
nokkurt ævintýri, þótt tækni og fram-
farir í gerð flugvéla, svo og breyttar að-
stæður hafi með tíð og tíma skapað á-
ætlunarflugferðum fastan sess, þar sem
fátt skeður annað en það, sem fyrirfram
er ákveðið. En að sjá önnur lönd, kynn-
ast öðrum þjóðum, vera kannski kl. 3
heima á íslandi, en kl. hálf sex í Kaup-
mannahöfn, er það ekki einnig ævin-
týri?
Um næstu stórátök Flugfélagsins er
ekki gott að segja. Slíkt fer að sjálf-
sögðu eftir aðstæðum í heiminum og
á íslandi. Störf Flugfélags íslands,
þjónusta félagsins við landsmenn, eru
svo nátengd öðrum þáttum félagslífs og
atvinnulífs, að það verður ekki á milli
skilið. Gangi landsmönnum efnahagslega
vel, vegnar Flugfélaginu einnig vel,
gangi miður, kemur það einnig niður
á starfsemi þess.
Næsta stórátak í sögu félagsins myndi
ég halda að yrði kaup annarrar Boe-
ing-727 þotu, en félagið stefnir að því
í framtíðinni, að allt millilandaflug
þess, að undanteknu Færeyjaflugi, verði
flogið með þeirri fullkomnu gerð flug-
véla.
Innanlands munu Fokker Friendship
flugvélarnar bera hita og þunga flugs-
ins.
Það hefur verið og er gæfa Flugfé-
lags Islands, að þar hafa ætíð ráðist til
starfa menn og konur með sannan áhuga
fyrir málefninu, og hafa helgað þvi
starfskrafta sína óskerta og unnið félag-
inu að ráðum og dáð.
Þótt Flugfélag Islands sé nú meðal
stærri íslenzkra fyrirtækja, er það samt
mjög smátt í samanburði við erlend
risaflugfélög. í dag keppir Flugfélagið
á ýmsum flugleiðum við erlend félög,
með margfalt fjármagn og margfalt
116 VORIÐ