Bjarmi - 01.03.1987, Blaðsíða 4

) iNum
Hugleiðing
eftir Ragnar Gunnarsson
Jesaja 55,6-11.
„Enginn veit, hvað átt hefur, fyrr en misst
hefur.“
Svo segir í gömlum málshætti. Mér finnst
það eiga vel við það, sem okkur berst af himni
ofan, annars vegar regn og snjó, sem er undir-
staða lífs okkar á þessari jörð, og hins vegar
Guðs orð, sem er grundvöllur samfélags okk-
ar við Jesúm Krist.
Ég gerði mér ekki fulla grein fyrir því,
hvernig úrkoman skiptir sköpum um kjör
manna, fyrr en ég lifði rigningarsnautt árið
1984 í Kenýu. Það rigndi aldrei svo vel væri.
Þessi takmarkaða úrkoma hafði mikil áhrif á
líf og kjör fólksins. Margar ár hafa ekki enn
náð sér á strik, þrátt fyrir mikla rigningu síð-
astliðin tvö ár. Við erum háð því sem fellur af
himni ofan, en fáum iðulega svo mikið hér á
íslandi að við kunnum ekki að meta það.
Ég held að því sé eins farið með Guðs orð.
Við höfum greiðan aðgang að því, bæði á
blöðum Biblíunnar og í margvíslegri boðun
þess, í prentuðu og töluðu máli. Því er hætta á
að við kunnum ekki að meta það og verðum
kærulaus um Guðs orð. En þeir sem búa við
biblíuskort og er meinað að koma saman til að
hlýða á boðun orðsins, kunna hins vegar að
meta það.
Úrkoman kemur mörgu til leiðar. Hún gerir
jörðina frjósama og gróandi og færir okkur á
þann hátt brauð og sáðkorn. Eins er því farið
með Guðs orð, það kemur því til vegar, sem
Guð hefur falið því að framkvæma. Ein af
ástæðunum fyrir því að lítið gerist í lífi okkar,
bæði sem einstaklinga og sem kristins samfé-
lags eða safnaðar, er sú, að við höfum ekki
lært að meta Guðs orð og vanrækjum það.
Heilagur andi getur ekki unnið í hjörtum okk-
ar og lífi, vegna þess að við lokum leiðinni
með því að hafna verkfærinu, Orðinu, sem
hann notar. Við þurfum að lesa Biblíuna sem
Guðs orð í bæn og vissu um að heilagur andi
muni starfa.
Ragnar Gunnarsson,
krístniboði.
Það er einkum tvennt sem Guð vill með orði
sínu. í fyrsta lagi vill hann kenna okkur hvern-
ig við eignumst hlutdeild í náð hans og hjálp-
ræði, fáum fyrirgefningu syndanna og verðum
Guðs börn. í öðru lagi vill hann kenna okkur
hvernig okkur ber að lifa hér á jörð, í þjónustu
við hann og aðra menn, með því að gera vilja
hans.
Guð veitir náð sína, fyrirgefningu og barna-
rétt í skírninni, fyrir orð sitt, sem er „með og
hjá vatninu" og trúna sem treystir því orði
Guðs. Sá sem á ekki trú á Jesúm Krist, eignast
hana aðeins fyrir Guðs orð, með því að hlýða
á það og lesa það. „Svo kemur trúin af boðun-
inni, en boðunin byggist á orði Krists.“
Róm. 10:17. 1 Postulasögunni sjáum við víða
hvernig menn komust til trúar fyrir orðið sem
þeir heyrðu.
Við erum kölluð til að vera „gjörendur
orðsins“. Hygginn maður, sem byggir hús sitt
á bjargi er sá sem heyrir orð Jesú og breytir
eftir þeim. Þannig vill Guð fá að vinna með
okkur.
Þegar þú tekur Guðs orð alvarlega og breyt-
ir eftir því, kemur þú fljótt auga á að þú ræður
ekki við kröfur lögmálsins. Synd og óguðleiki
ræður í huga þér og hjarta, orðum þínum og
verkum. Sekt þín er mikil. Guð vill nota orð
sitt til að þú komist að hinu sanna um sjálfan
þig og hjálpræði þitt: Það að þú getur ekkert
gert til að verða þér úti um náð hans. Þú missir
trúna á sjálfan þig í því efni, svo að þú lærir að
treysta Guðs orði. Fyrir verkan orðsins treyst-
ir þú Jesú og því sem hann hefur gert fyrir þig.
Hann var með krossdauða sínum staðgengill
þinn og tók á sig sekt þína.
Þannig rótfestist þú í Jesú Kristi og lærir að
treysta honum einum fyrir hjálpræði þínu. Þú
þarft þess vegna að rótfestast í orðinu. Sú
hætta er alltaf fyrir hendi að þú byggir líf þitt
á tilfinningum þínum eða reynslu. Þú spyrð
sjálfan þig hvað þér finnist um sjálfan þig og
Jesúm, í stað þess að spyrja Guðs orð um hið
sama. Margir hafa ekki rótfest í orðinu en
byggt á eigin reynslu eða tilfinningum. Þegar
„steypiregn skall á, vatnið flæddi, stormar
blésu og buldu,“ þá féll húsið. Orðið er okkur
gefið svo við getum byggt trú okkar á því í
blíðu og stríðu.