Bjarmi - 01.03.1987, Blaðsíða 12

SKÍRNirS
Quðmundur Quðmundsson:
Starf KFUM oq K
oq skimarfræðsla
klrkjonnar
Guðmundur Guðmunds-
son er guðfræðingur og
starfar sem æskulýðsfull-
trúi þjóðkirkjunnar.
Tvennt lærði ég fljótlega eftir að ég
varð sveitastjóri í Yd KFUM á Holta-
vegi. Forstöðumaðurinn leiddi mig
inn í þessa tvo leyndardóma starfsins.
Þeir voru aðalatriðið í öllu sem við
gerðum og ljóslifandi á bænastundun-
um sem við sveitastjórarnir áttum
saman eftir að drengirnir voru farnir
frá okkur. Fyrri leyndardóminn sagði
hann mér, þegar hann kallaði mig til
starfa. í deildarstarfinu fengi ég tæki-
færi til að vitna um trú mína fyrir
öðrum. Seinni leyndardóminn fann ég
út af atferli hans og ræðum frekar en
hann segði mér hann berum orðum.
Við erum að vinna að skírnarfræðslu
kirkjunnar í deildarstarfinu. Síðan er
mikið vatn runnið til sjávar, en þessar
tvær staðhæfingar standa enn fyrir
sínu hreinsaðar í eldi reynslunnar. Vil
ég staðnæmast við þær í þessum
skrifum.
Það er bæði gagnlegt og nauðsyn-
legt fyrir okkur í KFUM og K að
hugsa um merkingu smáorðsins og í
heiti greinarinnar „Starf KFUM og K
og skírnarfræðsla kirkjunnar". Það
skiptir sköpum að skilja það rétt. Með
því vil ég, lesandi góður, vekja þig til
umhugsunar um stöðu þína frammi
fyrir Guði, í kirkju hans og meðal
samferðamanna þinna, að trúarlíf
þitt taki fjörkipp mönnum til blessun-
ar.
1. Vitnisburður
trúarinnar.
Lifandi vatn, sem Guðs orð talar
um, þekkir enga kyrrstöðu. Forar-
pollur er trú, sem vill eiga fagnaðarer-
indið fyrir sig. Hún er ekki ljós í
myrkri, heldur enn meira myrkur. Lif-
andi vatn er ekki hægt að hindra. Það
vellur fram og veitir örfoka landi gró-
andi. Jóhannesarguðspjall segir frá
lifandi vatni. Konan við brunninn í
Jóh. 4. sá að Jesús var Kristur, Guð
kominn til okkar. Svo glöð var hún að
hún kom borginni í uppnám með vitn-
isburði sínum. Lokaorð frásagnarinn-
ar undirstrika það: „Og miklu fleiri
tóku trú, þegar þeir heyrðu hann
sjálfan. Þeir sögðu við konuna: „Það
er ekki lengur sakir orða þinna, að vér
trúum, því að vér höfum sjálfir heyrt
hann og vitum, að hann er sannarlega
frelsari heimsins“ (Jóh.4,41-42).
Hvað er þetta Iifandi vatn, sem Jesú
varð svo tíðrætt um? Það er útskýrt í
Jóh. 7. Þar segir Jesús: „Ef nokkurn
þyrstir, þá komi hann til mín og
drekki. Sá sem trúir á mig, — frá
hjarta hans mun renna lækir lifandi
vatns, eins og ritningin segir.“ Og þá
kemur skýringin: „Þarna átti hann við
andann, er þeir skyldu hljóta, sem á
hann trúa“ (Jóh. 7,37-38).
Okkur ber að vera þannig farvegur
náðar Guðs. Og félögin gefa okkur
tækifæri til þess. Við þurfum að hafa
fyrir því að koma okkur í þá stöðu að
við fáum tækifæri til vitnisburðar.
Vitnisburður er með ýmsu móti. Þátt-
taka í safnaðarstarfi og deildarstarf-
inu er vitnisburður um það sem við
viljum standa fyrir. Við eigum að taka
upp krossinn, kannast við markmið
okkar og vinna að framgangi Guðs
ríkis. Leggðu af stað í trú og þú reynir
það að lifandi vatn sprettur fram, ekki
fyrir þig, heldur fyrir aðra og það er
lífsgjöf þín.
Köllunin til starfa kemur oft við
fyrirbæn, við erum minnt á einhverja í
hópnum, við biðjum fyrir þeim, leit-
um þeirra, sinnum þeim og þjónum.
En köllunin þarf að þroskast og eflast.
Við þurfum að gera okkur grein fyrir
því til hvers við erum að starfa fyrir
þau sem okkur er trúað fyrir. Skírnar-
skipunin í Matt. 28. er okkar köllun
og þar er markmiðið ljóst „að gera alla
að lærisveinum." Þau orð ættum við
alltaf að hafa í huga í starfinu. Þá
verður vitnisburður trúarinnar og
skírnarfræðsla kirkjunnar sami
hluturinn. Við erum kölluð til að
fræða börnin til skírnar eða það sem
algengara er að kenna þeim til hvers
12