Heima er bezt - 01.07.1964, Page 19

Hólmfríður Pétursdóttir frá Arnarvatni og Unnur Jak-
obsdóttir frá Hólum í Reykjadal.
Fundinum lauk með kveðjusamsæti, er Akureyrar-
konur héldu fundarkonum í Skíðahótelinu. Var þar
fjölmenni saman komið. Þórarinn Björnsson skólameist-
ari hélt ágætt erindi undir borðum. Talaði hann um
æsku íslands í dag. Fleiri ræður voru fluttar og þakkir
fram bornar. Björg Baldvinsdóttir las fögur ljóð. Mikið
var sungið. Veizlustjóri var Soffía Thorarensen. Laust
eftir miðnætti var fundi slitið og þannig lauk 51. fundi
Sambands norðlenzkra kvenna.
Hér fara á eftir nokkrar tillögur, er samþykktar voru
á fundinum:
I. Kosin skal 4ra kvenna nefnd, sem, ásamt félags-
stjórninni, vinni að því, að gera tillögur um breyting-
ar á starfsemi og starfsháttum sambandsins í framtíð-
inni og skulu tillögurnar sendar sambandsfélögunum
tveimur til þremur mánuðum eftir næsta aðalfund.
Greinargerð: Þegar litið er yfir þau 50 ár, sem liðin
eru síðan Samband norðlenzkra kvenna var stofnað, er
augljóst, að breytingar hafa orðið svo gagngerar á öll-
um sviðum þjóðlífsins á því tímabili, að eðlilegt má
teljast, að á þessum tímamótum sambandsins liggi einnig
fyrir að breyta að einhverju leyti um stefnuskrá þess og
starfshætti.
Má í því efni benda á, að sambandinu er mikil nauð-
syn að eignast hús og heimili á Akureyri, þar sem farið
geti fram leiðbcininga- og upplýsingastarfsemi fyrir
konur á sambandssvæðinu. Þar gæti einnig með tíman-
um komið upp sölumiðstöð fyrir heimilisiðnað.
III. Sambandsfundur norðlenzkra kvenna, haldinn að
Skíðahótelinu í Hlíðarfjalli dagana 9. og 10. júní 1964,
flytur forstöðukonum og kennurum húsmæðraskólanna
í landinu alúðarþakkir fyrir þeirra ágætu og fórnfúsu
störf í þágu húsmæðrafræðslunnar. Vill fundurinn jafn-
framt benda foreldrum á, hve nauðsynlegt er að sá
þáttur í menntun dætra þeirra, sem lýtur að húsmæðra-
störfum, verði ekki vanræktur.
VI. Samkvæmt umræðum um uppeldismál, sem far-
ið hafa fram á fundi S. N. K. í dag, 10. júní 1964, vill
fundurinn benda á og leggja áherzlu á eftirfarandi at-
riði:
1. Það er almennt viðurkennt, að á fyrstu 4—5 árum
hvers barns mótist svo andlegt viðhorf þess, að það hafi
áhrif á allt líf þess og framtíð.
Fundurinn heitir því á allar mæður þessa lands, að
þær gefi sér tíma til að sinna þessu andlega uppeldis-
starfi með því að eiga bænarstund með barninu á hverju
kvöldi, áður en það fer að sofa og veita því á þann hátt
öryggistilfinningu og traust á kærleiksríkum Guði, sem
föður þess og verndara og gæti þess einnig, er barnið
vex upp, að beina leið þess í sunnudagaskóla eða kirkju,
en senda það ekki í kvikmyndahús.
2. Fundurinn telur, að við framkvæmd á skólakerfi
landsins sé alltof lítið tillit tekið til trúarlegs og siðferði-
legs uppeldis barna og unglinga, og álítur mikla þörf á
stórauknum áhrifum skólanna í þá átt að glæða trúar-
og hugsjónalíf nemendanna og efla siðgæðisþroska
þeirra.
Vill fundurinn í þessu sambandi minna á töframátt
fagurra ljóða og söngva og hina góðu, gömlu reglu,
sem margir fylgja enn, að byrja hvern skóladag með
bænarstund eða sálmasöng.
3. Fundurinn telur mjög æskilegt, að nánari samvinna
geti tekizt milli presta og heimila um fermingarundir-
búning barna, einnig að hann sé hafinn á síðasta ári
barnaskólastigsins, svo að áhrif hans geti orðið sem djúp-
tækust.
H. Á. S.
Nokkrar uppskriftir
SNÖGGSOÐIÐ RABARBARAMARMELAÐ.
1 kg rabarbari 1 sítróna 600—700 g sykur.
Rabarbarinn er þveginn vel og skorinn niður í litla
bita. Soðinn við mjög hægan hita í lokuðum potti, þar
til saft hefur runnið úr honum. Ekki má hræra í á með-
an! Saftinni er hellt af bitunum, — hún er sykruð og
notuð eins og önnur saft, — og nú er sykurinn látinn út
í pottinn ásamt rifnum sítrónuberki (aðeins gula lagið)
og sítrónusafa og sultan soðin stutta stund, helzt ekki
lengur en 5—10 mín. Hellt á glös. Geymd á köldum
stað. Gott með grófu brauði og smjöri og mjólk.
RABARBARASALAT (með steiktu kjöti).
500 g rabarbari 2 heil piparkorn
2 dl sykur !4 ts. engifer
1 kanelstöng !4 ts. negull.
Rabarbarinn er þveginn og skorinn niður í bita 3—4
sm langa. Bitunum er raðað í eldfast mót og sykri og
kryddi stráð milli laganna. Lok er lagt á mótið og er
það svo sett inn í heitan ofn (um 200°) í um það bil 20
mín. Kælt og geymt á glösum.
RABARBARAÁBÆTIR.
1 kg rabarbari 300 g sykur.
Rabarbarinn er þveginn og skorinn niður í 6—8 sm.
langa bita. Soðinn í ofni á sama hátt og gert er í upp-
skriftinni næst á undan. Borinn fram kaldur með þeytt-
um rjóma eða rjómablandi eða mjólk. Gott er að hafa
með litlar tvíbökur eða aðrar smákökur.
BAKAÐIR TÓMATAR MEÐ EGGI.
3 tómatar Rifinn ostur
2 egg Smjörlíki.
Salt, pipar (Framh. á bls. 261.)
Heima er bezt 259