Heima er bezt - 01.09.1983, Qupperneq 18

Haustkveðja
Hlustaðu vina, hlustaðu,
haustið í eyra þér
andar svölum orðum,
sem enginn sér.
Það hvíslar í allra eyru,
um engið hrollur fer.
Hvíslar vindurinn, hvíslar
hausti í eyra þér.
Lágtflýgur sól yfir sœinn
sorg býr í huga mér.
Daprast draumar frá vori,
ég dvel ekki lengur hjá þér.
Haustið ómar við eyru
allra sem dvelja hér.
Brátt taka hrannir að hœkka
og hvelfast um sker.
Hlýddu vina hugsaðu
hlustaðu eftir mér.
Haustið ber heim til þín kveðju
- hvíslar í eyra þér.
Guðjón Sveinsson.
M> nd: ÓHT. Haust í Ásbyrgi.
286 Heimaerbezt