Good-Templar - 01.03.1899, Blaðsíða 4
36
engum manni ætti að líðast að gjöra sér að atvinnu, jafn-
vel hvað mikið fé sem í boði væri. Atvinna, sem ekkert
sannarlegt gott en ótalmargt ilt hefir í för með sér, at-
vinna, sem hleður synd ofan á synd, ætti ekki að eiga
sér stað hjá neinni siðaðri þjóð.
Vér víkjum aftur að því, að lögleiðsla áfengissölu-
gjalds mundi alls eigi samsvara því stígi, sem bindindis-
málið, bindindissannfæringin og bindindisáhuginn nú er
kominn á mjög víða hér á landi.
A fyrstu árum bindindishreyfingarinnar, þegar að
eins örfá bindindisfélög voru til, sem ekki gjörðu sér far
um annað, en að ná í nokkra menn i sinn hóp og höfðu
að eins bindindi einstaklingsins fyrir augum, mundi háu
áfengissölugjaldi hafa verið tekið með þökkum. En tfm-
inn hefir breytst og mennirnir með. Nú eru flestir hugs-
andi og skynjandi menn á landinu, er það mál hata nokk-
uð kynt sér, orðnir þeirrar skoðunar, að eina ráðið til að
losna við hinar illu afleiðingar áfengiskaupanna og nautn-
arinnar sé að losna við áfengið sjállt, gjöra það land-
rækt, hleypa því ekki inn fyrir landsteinana. Menn eru
alt af að sannfærast betur og betur um það, að svo lengi
sem áfengi er alment haft á boðstólum, svo iengi verður
þess neytt þrátt fyrir alla bindindishreyfinguna, en með-
an þess er neytt, á meðan fylgja þvf afleiðingarnar; það er
tækifærið, það tækifæri, að geta alt af náð í áfenga
drykki, sem eykur lystina og gjörir menn að drykkju-
mönnum, en alis ekki þörfin, sem í sjálfu sér er ekki
til, en að svo miklu leyti sem mönnum finst hún vera til,
hefir hún skapast með nautninni. Að firra þjóðina á-
fengisbölinu með því að toga menn, einn og einn í senn,
burtu frá áfenginu, verður aldrei annað en kák i þessu
máli, eina ráðið er að taka áfengið frá þeim, svifta þá
áfenginu, láta þá ekki ná í það. Þessi skoðun á bindind-
ismálinu, þessi sannfæring um iækning áfengisbölsins,
er orðin svo almenn bæði hjá bindindismönnum og öðr-
um, að hún má heita orðin þjóðarsannfæring. Þeir eru
orðnir tiltölulega mjög fáir, sem ekki aðhyllast þessa
skoðun, og er það sumpart af því, að þeir hafa ekkihaft