Muninn - 18.12.2003, Blaðsíða 14

Æ
Komdu kæri vinur. Ekki vera
feiminn. Sjáðu hurðarhúninn
sem glansar án þess að glansa
því hann er gamall og úr
messing. Gamalt fólk geislar
líka án þess að geisla enda
hvorki börn né englar.
Ommukossar jafn mjúkir og
englabossar. Við skulum grípa í
þennan hurðarhún og ganga
inn. Afsakaðu. Eg gleymdi að
opna dyrnar. Afsakaðu. Við
skulum grípa í hurðarhúninn og
opna dyrnar. Við skulum ganga
inn. Meiddir þú þig nokkuð.
Nei. Það var gott. Sjáðu
stigann. Já. Þennan stóra í
miðjunni. Hann er úr eik og var
smíðaður árið áður en afi afa
þíns fékk flensuna og dó
næstum því en læknirinn
bjargaði honum og hét Gústaf.
Hann átti svarta kápu og
droparnir brögðuðust eins og
kattarhland. Útúrdúrar. Okkur
miðar ekkert áfram. Förum upp
þennan stiga. Tuttuguogþrjú
eru skrefin. Telur þú það efsta
með. Nú jæja. Tuttuguogfjögur
eru skrefin en ekki hænufeti
meir. Hana. Nú skulum við
ganga upp á þak. Hvernig.
Líttu í kringum þig góurinn.
Sérðu trén sem standa líkt og
virkisgarður í kringum húsið.
Götuna sem hlykkjast um
göturnar sem hlykkjast um
húsin eins og risastórt
völundarhús sem nær í kringum
heiminn. Ráfandi fólkið sem
ratar ekki út. Stefnulaust. Já
góurinn. Við erum þegar
komnir upp á þak. Það er
margt í heiminum sem þú skilur
ekki. Jammogjá góurinn. Pæng
pæng átján gluggar á hlið.
Asskoti margt góurinn. Svona.
Þú verður að stoppa mig þegar
ég romsa þetta. Fylgstu með.
Sérðu hvernig fólkið fjarlægist.
Hissss. Enn minnkar það. Sérðu
hvernig rauðu múrsteinarnir
breytast. Hissshisss. Nú
breytast þeir. Sérðu hvað skýin
nálgast. Hisss. Hí hí hí. Þau kitla
greyin. Finndu hvernig fínn
úðinn strýkur kinnina. Hí hí hí.
Sérðu. Nú eru múrsteinarnir
ekki lengur múrsteinar heldur
járn. Járn og steypa.
Steypujárn og járnsteypa.
Hisshissss. Nú þjótum við upp.
Passaðu þig góurinn. Ekki
svona nálægt brúninni. Áfram
höldum við. Hopp hopp.
Stopp. Þá erum við komnir.
Tilgangur. Ertu ekki
hamingjusamari. Við sjáum eins
langt og augað eygir. Jú jú. Að
sjálfsögðu gerðum við það líka
áður. En nú eru skýin fyrir
neðan okkur í staðin fyrir að
vera fyrir ofan okkur. Nei. Það
er kannski ekkert betra.
Tilgangur. Enginn. En ertu ekki
hamingjusamari. Auðvitað
gætum við farið niður stigann
en nú er hann orðinn svo
langur. Voðalega langur.
Eiginlega allt of langur. Hann er
þarna. Eikarstiginn en ekkert
handrið til þess að renna sér á.
Stökkva. Til einskis. Ertu ekki
hamingjusamari svona.
Góurinn. Æ. Ertu ekki svo miklu
miklu hamingjusamari.
NÚTÍMINN
Gunnar Már Gunnarsson
Kaupangi • sími: 462 1555
Mán - Fös kl. 9-18
Glerártorgi • sími: 463 1455
Laukl. 10 - 17 & Sun kl. 13- 17
Mán - Fös kl. 10 - 18.30
25% afsláttur
Ef flau kaupir tvo pakka
af linsum fær>u 25% afslátt
linsr
I ÖLLUM LITUM.