Nýjar kvöldvökur - 01.10.1941, Qupperneq 29

N. Kv.
SAGA MÖÐRUDALS Á EFRA-FJALLl
171
Fleiri eru til skráðar sögur um afburða-
afl Metúsalems.
Eftir lát Metúsalems er það af Krist-
björgu að segja, að hún var enn undir
hendi Gísla læknis í eitt ár. Mun hún þá
hafa verið talin komin nokkuð á bataveg.
Fluttist hún þá (1851) til Þorbjargar syst-
ur sinnar í Stakkahlíð. Þaðan fór hún
eftir tvö ár (1853), þá sem sjúklingur til
Guttorms prófasts Pálssonar í Vallanesi,
er fékkst við lækningar. Þar var hún í 5
ár (1853—1858), en náði þó ekki heilsu.
Þar mun hún hafa kynnst séra Pétri á
Valþjófsstað, sera síðar kom fram. Frá
Vallanesi fluttist hún til Akureyrar
(1858) og náði þar fullri heilsu hjá Jóni
lækni Finsen. Á Akureyri dvaldi hún í 7
ár, vann þar að nokkru fyrir sér með
saumum, en að nokkru leyti framfærðist
hún á eignum sínum, að því er kirkju-
bækur Hrafnagilssóknar herma. Frá Ak-
ureyri flutti Kristbjörg árið 1865 til Jóns
sonar síns, sem það sama vor hóf búskap
í Víðidal. Tveim árum síðar fluttist hún
að Valþjófsstað og gifitst í annað sinn
(8/8 1867), séra Pétri Jónssyni. Hann lét
af prestskap nokkrum árum síðar (1877).
Fluttust þau þá að Langhúsum, kirkju-
jörð frá Valþjófsstað, og bjuggu þar í eitt
ár. Þá fluttust þau að Berufirði til séra
Þorsteins Þórarinssonar, sem var kvænt-
ur Sigríði dóttur séra Péturs af fyrra
hjónabandi. Séra Pétur dó í Berufirði ár-
ið 1883. Fluttist Kristbjörg þá að Hjalta-
stað til Ragnhildar dóttur sinnar og séra
Stefáns stjúp- og tengdasonar síns. Eftir
andlát séra Stefáns fluttust þær mæðgur
að Geitagerði í Fljótsdal, kirkjujörð frá
Valþjófsstað; átti Kristbjörg rétt til ábúð-
ar á jörðinni sem prestsekkja frá Val-
þjófsstað og taldist því fyrir búinu. Vorið
1894 leystu þær mæðgur upp búskapinn í
Geitagerði. Fór Kristbjörg þá til Aðal-
bjargar dóttur sinnar og Jóns A. Kjerúlfs
manns hennar að Melum og var hjá þeim
nokkur ár. Upp úr aldamótunum flutti
hún til Akureyrar, til Þórdísar Stefáns-
dóttur, dótturdóttur sinnar, og andaðist
þar árið 1908, níræð að aldri. Þótti hún
hafa verið hin merkasta kona.
Frá afkomendum Metúsalems og
Kristbjargar.
Þegar Metúsalem féll frá, voru börn
þeirra þrjú á bernskuskeiði, hvert öðru
mannvænlegra. Þar sem móðir þeirra var
þá enn sjúklingur og utan heimilis, voru
ekki tök á að halda áfram búskapnum.
Sigurður tók alla jörðina til ábúðar og
keypti síðan, en börn Metúsalems og
Kristbjargar ólust upp á búi hans um
nokkura hríð.
1. Jón Metúsálemsson (f. 1842) fór seyt-
ján ára gamall til smíðanáms hjá Jóni Kr.
Stefánssyni timburmeistara á Akureyri.
Þar var hann í þrjú ár og fór þá aftur
heim að Möðrudal (1862). Vorið 1865 hóf
hann búskap í Víðidal, mun hafa fengið
jörðina að einhverju leyti eða öllu fyrir
erfðahluta sinn í Möðrudal, eftir föður
sinn. Tveim árum síðar (31/12 1867)
kvæntist hann systrungu sinni, Stefaníu
Stefánsdóttur frá Stakkahlíð. Jón bjó alls
í Víðidal í 14 ár; þá flutti hann búferlum
að Möðrudal, en bjó þar aðeins í tvö ár,
fyrra árið á allri jörðinni, en síðara árið
með Stefáni Einarssyni. Verður þess enn
getið.
Frá Möðrudal fluttust þau Jón og Stef-
anía að Brú á Jökuldal og bjuggu þar í
5 ár (1881—1886). Þaðan fluttu þau að
Fossvöllum, en bjuggu þar aðeins eitt ár
og fóru þaðan vorið 1887 með börn sín til
Vesturheims. Settust þau að fyrst í Álfta-
vatnsbyggð við Manitobavatn. Fluttust
svo til Narrows og loks til Siglunesbyggð-
ar við sama vatn. Þar dó Jón 21. marz
1915, en Stefanía 25. marz 1923. Um æfi
Jóns í Vesturheimi má lesa í Almanaki Ó.
G. Thorgeirss. 1910 og 1914.
22*