Ægir - 01.11.1922, Qupperneq 16

158
ÆGIR
»01ympic« heimsmet, er það í 7 klukku-
stundir samfleytt sigldi 27, 82 sjómílur á
hverri klukkustund. »Mauretania« hafði
áður sett heimsmet með 27, 50 sjómílna
hraða á klukkuslund.
Kappsiglingar voru oft haldnar hér
áður fyr; reyndu menn þá báta sina og
sexæringa, sömuleiðis kepptu þeir, sem
seglbáta áttu, en reglur voru engar við-
hafðar, engum l)ikurum útbýtt, en gleðin
og ánægjan yfir allri frammistöðu var á
háu stígi og rifrildi út af einhverjum al-
þjóðareglum heyrðusl ekki. Þessar kapp-
siglingar eru hér á landi úr sögunni.
Áður fyrrum var unun að sjá Engeyinga
sigla og reyna hin nýju skip, sem þeir
smíðuðu, áður en þeir skiluðu þeim til
eigenda, og er þau voru afhent, þurfti
einnig að sýna þau og skrið þeirra í ver-
stöðunum.
Breiðfirðingar voru um eilt skeið
miklir sjógarpar og keptu oft á skegt-
um sínum, og svo getur verið enn, því
sennilega eru ejjamenn þeir einu á land-
inu, sem haldið hafa fornum venjum,
búið með gamla laginu og haldið öllu í
horfi, þrátt fyrir ófriðinn og alt, sem
honum hefir fylgt fyrir þetta land.
Öldulægir.
í nóvemberbl. »Ægis« 1921 var stuttlega
skýrt frá aðferð, sem nýlega er farið að
viðhafa til þess að læga haföldur, og
hljóðaði greinarkornið svo:
»Ný aðforð til þess að lægja brimsjó
hefir verið reynd og eiga Amerikumenn
þar heiðurinn. Áður var olia hvervetna
álitin hið eina sem dugði er lægja skyldi
haföldur.
I hafnarminni og mjó sund, þar sem
sjór er ókyrr fyrir utan eru nú lagðar
pípur (rör) þannig, að þær nái nokkuð
út fyrir sundin eða hafnarmynnin og
þegar hvessir og öldur rísa er lofti þrýst
með mótorafli gegnum pipurnar, sem
liggja eftir botninum og hefir það haft
þá verkun, að sjór hefir orðið sléttur á
löngu svæði og skipum óhætt að leita
þar lands.
Hver veit nema að þelta geti komið að
góðu haldi á brimlendingastöðum hér á
landi. Hugmyndin er ný, en efalausl
verður þessi útbúnaður almennur, er
kostir hans koma betur í ]jós«.
Eftir grein þessari munu fáir hafa
tekið og þvi færri niuna, en nú hefir
verið skrifað til útlanda frá skrifstoiu
Fiskiféiagsins til þess að reyna að fá
nánari lýsingu á aðferð og útbúnaði. Sé
nokkuð á þessu að byggja, þá ætti að
reyna það í brimlendingum hér. Allur
útreikningur og áætlanir um hafnabætur
hér við land verður að eins vinnan við
teikningar, mælingar og útreikning á
hafnarvirkjum, þegar kostnaður er svo,
að það kemur ekki til mála að hugsa
um framkvæmdir. Þegar Alþingi sam-
þykkir að veita t. d. 250 þúsund krón-
ur til hafnavirkja í fátæku sjávarþorpi,
gegn jafnmiklu tillagi frá sveitarfélaginu,
þá er það mál dauðadæmt á sömu
stundu, því fátæk sveit klýfur slíkt aldrei.
Á Hellusandi undir Jökli hafa þorps-
búar í sumar steypt 45 metra langan
brimbrjót sem slcýli fyrir mótorbáta sina.
Eftir útreikningi mun garðurinn kosta
um 30 þúsuud krónur.
Nú er að fá skýrslu um hvernig hann
reynist og að hve miklu liði hann komi,
því á þessum sama stað hafa hafnar-
virki (skjólgarður) verið áætluð að kosta
mundu 1 miljón krónur.