Ægir - 01.12.1926, Page 18

250
ÆGIR
svo mikið nýnæmi, að síðustu daga sýning-
arinnar kvað mest að islenska matnum á
borðum gestanna. Af sykursaltaða kjötinu
einu, borðuðu um 1000 manns.
Ýmsir gestgjaí'ar og frammistöðumenn
frá gistihúsum borgarinnar komu þangað
og kyntust fjölbreytni og ágæti hinna ís-
lensku rétta. Meðal þeirra var forstjóri
gistihússins mikla d’Angleterre. Ákvað
hann þegar, að íslenskur matur skyldi héð-
an í frá framreiddur á horðum gistihússins.
Eins er á matsöluhúsi blaðamannafélagsins
þar í borginni. Þar er nú tekin uppp fram-
reiðsla íslenskra matarrétta.
Eldamenskusnild E. Köhlers á erindi til
íslenskra húsmæðra. Hefir Morgunblaðið
því lagt drög fyrir, að fá lýsingu á hinum
70 matarréttum lians. Nokkur sýnishorn
þess birtust í Lesbókinni fyrir skömmu.
Hér má eigi staðar nema. Hafa verður
vakandi auga á því, að nota hvert tækifæri,
sem býðst, til þess að koma íslenskum af-
urðum í sinni bestu mynd, á framfæri í út-
löndum. Það mun sönnu næst, að tilviljun
ein hafi orðið til þess, að íslenskar afurðir
komust á framfæri á þessari sýningu, en af
þeirri tilviljun mætti ýmislegt læra. — Bæj-
arbúar Kaupmannahafnar munu ekki hafa
gert sjer háar hugmyndir um hina íslensku
deild sýningar þessarar. Þeir eiga því ekki
að venjast, að sjá íslenskar afurðir i
skemtilegu umhverfi eða girnilegum umbúð-
um. Enn sem komið er, hafa íslenskar af-
urðir ekki komist nema í kjallara og lakari
matvörubúðir borgarinnar. Síldin er seld
innan um tjöru og dilkakjöti þykir vel fyrir
komið, komist það svo hátt að verða hross-
skrokkum samferða. Og álitið á íslenska
matnum þar i sveit kom best í ljós á árun-
um, þegar átti að selja þar gráðaostinn.
Urðu seljendur að velja tvo kosti, annan að
skrökva til um uppruna ostsins, ellegar þá
að fleygja honum — því islenskan ost vildi
enginn kaupa.
„Brúarfoss“.
Hið nýja skip Eimskipafélags íslands,
sem ,,Flydedokkin“ í Kaupmannahöfn
smíðar nú, var sett á flot hinn 1. desem-
ber s. 1.
Fyrir framan hið nýja skip, sem var
fánum prýtt, var reistur pallur; komu
þar saman flestir þeir, er við smíði skips-
ins eru riðnir á einn eða annan hátt-
Þar voru sendiherra Sveinn Björnsson,
konungsritari Jón Sveinbjörnsson,, fram-
kvæmdastjóri Emil Nielsen, frú hans og
dóttir, skipa- og vélaumsjónarmaður Chr.
A. Brorsen, formaður i Bureau Veritas,
verkfræðingur Scharfenberg, stórkaupmað-
ur Fahnöe, skipstjóri Jóh. P. Jónsson á
„Óðinn“, skipstjórinn á „Brúarfossi“ Júli-
us Júliniusson, öll yfirstjórn og fram-
kvæmdastjórn smiðastöðvarinnar og fl.
Dóttir framkvæmdastjóra Nielsen, Grethe,
skírði skipið með þessum orðum: „Þú
skalt heita „Brúarfoss“, og braut um leið
kampavínsflösku á stefni skipsins og um
leið opnuðust lokur og sjór streyindi inn í
kvína þar sem skipið stóð.
Eftir þá athöfn gengu menn til slcrif-
stofuherbergja smíðastöðvarinnar og þar
óskaði framkvæmdastjóri Munck Eim-
skipafélagi íslands til hamingju með hið
nýja skip, og þakkaði framkvæmdastjóri
Emil Nielsen, Flydedokken“ fyrir þetta og
hin önnur góðu skip, sem hún hefir látið
frá sér fara, og gat þess, að „Brúarfoss“
væri settur á flot á Fullveldisdegi íslands,
sem þar væri hátiðlega haldinn og að at-
höfn sú, sem fram hefði farið i Kaup-
rnannahöfn, er „Brúarfoss“ í fyrsta sinni
fór á flot, væri einn liður í þeirn hátíða-
höldum.
„Bniarfoss" verður fullgjör hinn 1. mars
1927 og byrjar þá þegar áætlunarferðir
milli íslands og Kaupmannahafnar.