Ægir - 01.11.1975, Blaðsíða 19
ERLENDAR FRÉTTIR
Innlent fréttayfirlit mánaðarins bíður 20.
tbl. en sú er meining ritstjórnarinnar, að
fréttayfirlitið komi framvegis í því tölublaði,
sem kemur út um miðjan mánuðinn, en afla-
fréttir aftur á móti í blaðinu 1. hvers mánað-
ar. Ástæðan fyrir þessari breytingu er sú, að
aflafréttir úr f jórðungunum berast misjafnlega
snemma, einkum að vetrarlagi, og erfitt að fá
þær í tæka tíð fyrir það tölublað, sem kemur
um miðjan mánuðinn, ef það á að koma út
nærri réttum útgáfudegi. Það sama er að segja
um samantektina á fréttayfirlitinu, að hún
tekur nokkurn tíma og eigi fréttirnar að mið-
ast við mánaðamót, sem er skemmtilegra og
gleggra fyrirkomulag, en að skipta þeim í
miðjum mánuði, þá er erfitt að vinna þær
fyrir það tölublað, sem kemur út 1. hvers
mánaðar, ef ekki á að standa á þeim. Október-
fréttayfirlitið bíður sem sé næsta blaðs, en hér
fer á eftir dálítill samtíningur úr erlendum
blöðum.
Gleðilegar fréttir af „núllgrúppu“-árganginum
af þorski og toppár hjá ýsunni, segir rann-
sóknastjórinn Lars Midttun
Þannig hljóðar fyrirsögn í Fiskaren 25.
sept. og síðan er fjallað um þetta í greininni
á eftir og kemur þar nú ekki allt fyllilega
heim við þessa gleðifyrirsögn. Hér er notað
°rðið ,,núllgrúppa“ til hægðarauka, en það er
eins og kunnugt er fyrsta árs seiði, eftir að
kviðpokastiginu sleppir. Rannsóknastjóranum
segist svo frá:
„Við fundum tiltölulega góðan árgang af
þorski, og það gladdi okkur því að í fyrra var
árgangurinn (núllgrúppan) mjög rýr. Hrygn-
mgastofninn var minni en í fyrra, en aðrar
aðstæður hafa haft hagstæð áhrif og bætt upp
þessa iitlu stofnstærð. Þrátt fyrir þetta er
„núllgrúppu“-stofninn ekki eins góður og hann
var á árunum 1970 og 1973. Það, sem er ein-
kennandi fyrir núllgrúppustofninn nú, er það,
að hann safnast allur saman í Barentshafinu.
Það varð engra seiða vart við Svalbarða í
straumnum, sem liggur þaðan suður, en í Bar-
entshafinu elzt hann upp þar til hann er kyn-
þroska og gengur suður á bóginn til að hrygna
við Lófót.
Loðnan var ekki eins útbreidd, eins og við
höfðum gert ráð fyrir, þegar um góðan ár-
gang er að ræða. Þetta stafar að einhverju
leyti af því að hrygningin var í seinna lagi og
var tiltölulega mikil mjög austarlega. Það get-
ur verið að mikið af seiðum loðnunnar séu úr
sumarloðnu, sem hrygndi ekki fyrr en í júlí.
Við getum enn illa dæmt um þennan núll-
grúppuárgang loðnunnar. Það lítur út fyrir að
um góðan árgang sé að ræða, en við þurfum
að rannsaka það betur.
Ýsustofninn er sá bezti, sem við höfum orð-
ið varir við lengi, eða síðan við fórum að
mæla hann 1965. Ýsan dreifir sér með svip-
uðum hætti og þorskurinn.
Karfinn virðist haldast í eðlilegu magni og
við teljum að þar sé um að ræða heldur góð-
an árgang. Stærðin var misjafnari en á und-
anförnum árum. Mikið af karfaseiðunum
voru tiltölulega smá, en orsökin getur verið
að hrygningin hafi verið með seinna móti.
Grálúðustofninn virtist einnig í eðlilegu
ástandi.
Pólarþorskurinn var í litlu magni við Nov-
aja Semlja, en tiltölulega mikið af honum við
Svalbarða. Það er óvenjulegt að hann dreifist
á þennan hátt.
Skráplúða, sem Rússarnir veiða á þessum
slóðum, var þarna í eðlilegu magni og dreif-
ingu um svæðið, en þéttleiki hennar samt
minni en venjulega.
Síldar urðum við ekki varir að heitið gæti,
fengum einar tvær síldar, sem er vitaskuld
sama og ekkert. Það sjást engin merki þess,
að síldarstofninn sé að rétta við.“
Góður sumarafli hjá Dönum
Það er kannski nokkuð seint að segja frétt-
ir .af aflabrögðum Dana í júlímánuði, en þetta
eru góðar fréttir og þær eru aldrei of seint á
ferð, mitt í öllum barlómnum hvaðanæva um
minnkandi afla.
í dönskum fiskihöfnum var landað í júlí
229 þús. lestum af fiski, en ekki nema 127
þús. lestum í sama mánuði í fyrra.
Flatfiskaflinn var 4.400 lestir en 3.000 lest-
ir í sama mánuði í fyrra, þorskaflinn var 8.700
Æ G I R — 335