Ægir - 01.05.1980, Qupperneq 60

sem nú var bræla á austurmiðunum. Á laugardag
var komin bræla á miðunum við Snæfellsnes og
öll skipin leituðu vars.
Vikan frá 24. febrúar - 1. marz
Stöðug ótíð var flesta daga vikunnar og flest
skipanna í höfn, en laugardaginn 1. marz lægði
og þá fengu 22 skip afla í Faxaflóa svo og við
Reykjanes og austur undir Grindavík.
Vikan frá 2. marz - 8. marz
Hinn 5. marz gaf sjávarútvegsráðuneytið út reglu-
gerð (nr. 135) um takmarkanir á þorskveiðum
loðnubáta í marz og apríl 1980. Þar segir að
loðnuskipum þeim, er loðnuveiðar stunda eftir 5. marz
1980 sé óheimilt að stunda þorskveiðar í net, á línu
og í botn- og flotvörpu til 1. maí 1980, þó er hverju
loðnuskipi, án þess að það hafi áhrif á þorskveiði-
heimildir þess, heimilt að veiða 750 tonn af loðnu
til frystingar og hrognatöku. Skömmu síðar varsvo
gefið út sérstakt leyfi til þeirra loðnuskipa er héldu
áfram veiðum á loðnu, 2000 tonna viðbótarkvóti.
45 skip fengu þetta viðbótarleyfi en 7 skip fóru á
þorskanet.
Góð veiði var alla daga vikunnar á Faxaflóa
og austur undir Grindavík. Þriðjudaginn 2. marz
fengu 4 skip loðnuafla austan við Stokksnes og
næstu daga á eftir á svæðinu vestur undir Ingólfs-
höfða. Fiskifræðingar töldu loðnu þessa ekki vera
úr austurgöngunni svokallaðri, heldur væri hér um
nokkuð staðbundna loðnu að ræða, sem er þarna í
litlu magni. Engin veiði var úr austurgöngunni
og engar fréttir af því hve langt hún væri komin
suður með landinu, því engin skip voru á þessu svæði.
Heildaraflinn í vikulokin var orðinn um 346.717
tonn, en á sama tíma í fyrra var hann um 379.210
tonn.
Tímabilið 9. marz til loka vertíðar
Hinn 10. marz gaf sjávarútvegsráðuneytið út
reglugerð (nr. 136) um bann við loðnuveiðum
við Suðurland, þar segir að frá kl. 20 hinn 10.
marz 1980 séu allar loðnuveiðar í íslenzkri fisk-
veiðilandhelgi bannaðar austan 20° v.lgd. Þetta
var gert vegna þess að loðnan við Ingólfshöfða-
var farin að hrygna.
Góð veiði var áfram hjá þeim bátum er ekki
höfðu þá þegar fyllt kvóta sinn, út af Reykjanesi
og austur undir Vestmannaeyjar. Skip komu al-
mennt með minni farma að landi til að hægt væri að
nýta sem mest til frystingar. Sjávarútvegsráðu-
neytið gaf tveim bátum 600 tonna viðbótarleyfi
til að veiða sérstaklega fyrir Þörungaverksmiðj-
una til þurrkunar á loðnu. Síðasta loðnan veiddist
vestan við Vestmannaeyjar (svæði 370) hinn 24.
marz og þar með lauk vertíðinni.
Heildaraflinn varð samtals um 391.742 tonn og
52 skip stunduðu veiðarnar um lengri eða skemmn
tíma (allar magntölur eru bráðabirgðatölur). 1
fyrra lauk vertíðinni 18. marz og þá höfðu 65 skip
fengið einhvern afla, heildarafli varð 521.704 tonn.
Aflahæstu skipin á vertíðinni voru:
1. Sigurður RE 4, með 13.714 tonn, skipstjórar
Haraldur Ágústsson og Sigurjón Valdimarsson.
2. Júpiter RE 161, með 13.066 tonn, skipstjóri
Hrólfur Gunnarsson.
3. Víkingur AK 100 með 12.143 tonn, skipstjóri
Viðar Karlsson.
Hér birtist bráðabirgðaskýrsla yfir afla þeirra
skipa er stunduðu veiðarnar og innan sviga mesta
magn er viðkomandi skip landaði úr einni og sörnu
veiðiferð, hrogn ekki meðtalin.
300 ÆGIR