Ægir - 01.01.1981, Page 46
fiska okkar, til þess gert af náttúrunni að hámark
frumframleiðninnar og klakið fari saman, svo að
fiskseiðin fái sína næringu. Árangur klaks og við-
koma nytjafiska okkar á fyrsta æviskeiði þeirra fer
þannig m.a. eftir umhverfisþáttum eins og hita,
seltu, næringarefnum, frumframleiðni, æti, haf-
straumum og stund og stað hagstæðra skilyrða,
sem eru þættir sem geta verið háðir veðri og vind-
um. Hafstraumarnir ráða í þessu dæmi miklu um
ástandið í sjónum og dreifingu fiskseiðanna út og
inn um hin ýmsu mið fjarri hrygningarstöðvunum.
Reynslan sýnir að þessi skilyrði eru yfirleitt að öllu
jöfnu ákjósanleg í hafinu við ísiand, þótt stundum
geti brugðið út af í þeim efnum. Það er þá oftast
svonefnt atferli í vistinni, sjálfrátt eða ósjálfrátt,
sem breytist með breytilegu umhverfi. Skilyrðin
eru að mati höfundar reyndar það ákjósanleg og
flókin að erfitt muni reynast að bæta þar úr hvað
varðar flesta sjófiska við landið með svonefndri
hafbeit. Einnig verður að geta þess, að hinar ýmsu
fisktegundir við Iandið eru mismunandi viðkvæm-
ar fyrir náttúrulegum skakkaföllum eða breyting-
um í sjónum. Ofveiðin sem slík, þ.e. of tnikil veiði
miðað við ytri og innri náttúrulegar aðstœður,
virðist reyndar oftast vera hinn endanlegi skað-
valdur þegar út af ber í alvöru.
íslenska landgrunnið
Flest fiskimið við ísland eru á eða yfir land-
grunninu. Ekki má þó gleyma fiskum, eins og t.d.
síld, loðnu og kolmunna, sem flakka Iangt út fyrir
hið eiginlega landgrunn, en teljast þó oft vera inn-
an „lagalega landgrunnsins”. Þá er átt við 200 sjó-
mílna efnahagslögsöguna eða jafnvel svæði enn
7. mynd. Fiskveiöitandhelgin við ísland. 4 sjómítur 1952 — 12 sjómílur 1958 — 50 sjómílur 1972 — 200 sjómílur 1975.
Fishery limits off Iceland (13).
34 — ÆGIR