Tímarit lögfræðinga - 01.04.1980, Qupperneq 15

ef tímarit hefur ekki framhaldandi blaðsíðutal, útgáfuár og blað-
síðutal. Á örfáum stöðum er árgangs ekki getið, og er þá útgáfuár
látið nægja. Tilvísanir í tímarit eru hafðar í sviga. Ef talin hefur verið
þörf frekari upplýsinga, koma þær á eftir smáletraðar. Reynt hefur
verið að hafa þær sem stystar og samræmdastar. Tekin var upp sam-
ræmd höfundaskráning og notaðar nafnmyndir höfunda eins og þær
komu oftast fyrir. Allmörg tímaritaheiti voru skammstöfuð, ekki þó
meira en svo að auðvelt er að finna fullt nafn í skránni um blöð og
tímarit, sem er aftan til í heftinu. Á nokkrum stöðum er þess getið,
hvar sömu greinar sé einnig að finna. Einnig er á nokkrum stöðum
vísað á milli númera. Er það gert, ef um sömu greinar er að ræða á
mismunandi tungumálum, en þá því aðeins, að höfundar láti þess get-
ið við upphaf eða lok greinar, að um sömu ritsmíðar sé að ræða.
Fá tímarit eru í skránni og er ekki ástæða til langrar umfjöllunar
um skráningu á þeim. Auk upplýsinga um nafn, útgefanda, fjölda
tölublaða eða árganga, útgáfustað og ár, er getið helstu atriða, sem
kunna að gefa fyllri upplýsingar um tímaritin.
Þegar tekinn er bókarkafli í skrána, er þessar upplýsingar að f inna:
Fyrst kemur höfundur kaflans, en síðan koma kaflaheiti, bókarheiti
(undirtitli sleppt), útgáfustaður, forlag, ár og blaðsíðutal. Ekki er
getið um einstakar útgáfur, en mismunandi útgáfuár látin ráða. Eins
og áður eru tilvísanir í rit í sviga.
Þá skal að síðustu vikið að skráningu einstakra rita. Reynt hefur
verið að fylgja sem mest Skráningarreglum bókasafna um bókfræði-
léga úrvinnslu. Rétt er þó að benda á helstu undantekningar, sem
fram koma í þessari skrá: Ekki er stofnanaskráð. I slíkum tilvikum er
titilskráð. Myndir eru látnar ná yfir allar gerðir myndaefnis og síður
eru notaðar í stað blaða, þegar um fjölritað efni er að ræða. Einnig eru
skammstafanir á fáeinum stöðum ekki jafn knappar og reglurnar gera
ráð fyrir. Ef á rit hefur vantað upplýsingar um útgáfustað og ár er tek-
ið upp úr skrám Landsbókasafns það, sem við á og litið á skrár safnsins
sem réttar bókfræðilegar upplýsingar. Ef safnið hefur ekki átt fjöl-
rit, sem tekin eru með í skrána, er stuðst við það sem lögfræðingar
geta um sjálfir í Lögfræðingatali eða það sem fengist hefur eftir öðr-
um leiðum. Þá er sagt „án útgst. og árs“ en á eftir með smáletri getið
um sennilegt útgáfuár.
Nafnaskrá
1 þessum hluta skrárinnar eru nöfn allra þeirra, sem aðild eiga að
efni því, sem tekið er í flokkuðu efnisorðaskrána. Skráin er stafrófs-
röðuð, íslenskum höfundum er raðað á fornafn, erlendum á eftirnafn.
9