Ægir - 01.04.2000, Side 6

LEIÐARI
Pétur Bjarnason,
framkvæmdastjóri
Fiskifélags íslands
Merk
ráðstefna á Akureyri
Sjávarútvegsdeild Háskólans á Akureyri og
Stafnbúi - félag nema í sjávarútvegsfræði -
stóðu fyrir athyglisverðri ráðstefnu dagana 6.
og 7. aprfl s.l. í tilefni 10 ára afmælis sjávarút-
vegsdeildarinnar.
Ráðstefnan var alþjóðleg og bar yfirskriftina
„Competitiveness Within the Global Fis-
heries" eða „Samkeppnishæfni sjávarútvegs".
Hún skiptist í fjóra hluta: Viskerfi; vinnslu-
og veiðarfæratækni; hagfræði og stjórnun.
Kallaðir voru til sérfræðingar á hverju sviði og
þar af komu fimm erlendis frá.
Skemmst er frá að segja að ráðstefnan tókst
afar vel. Fyrirlestrar voru undantekningalaust
fróðlegir og vel unnir. Umræður í kjölfar þeir-
ra voru einnig athyglisverðar. Margvfsleg
sjónarmið komu fram sem án efa verða grundvöllur
frjósamrar umræðu í þjóðfélaginu á næstunni. Telja
má víst að þeir sem sóttu ráðstefnuna hafi farið af
henni með þroskaðri hugmyndir um hvert stefndi og
hvert bæri að stefna í íslenskum sjávarútvegi í nánustu
framtfð. Ráðstefnan var þarft framtak og aðstandend-
um til mikils sóma.
Það vakti þó athygli hve sjávarútvegurinn sjálfur lét
þessa ráðstefnu fram hjá sér fara. Þátttaka úr greininni
var afar lítil og vekur óumflýjanlega spurningar. Get-
ur verið að alþjóðlegir straumar og stefnur á þessu sviði
sé íslenskum sjávarútvegi óviðkomandi? Getur verið
að þeir sem starfa í íslenskum sjávarútvegi séu svo
uppteknir af dægurmálum að þeir hafi ekki tíma til
þess að líta í kringum sig (rétt eins og maður á árabáti
sem hefur ekki tíma til þess að setja negluna í hann
vegna þess að hann er upptekinn af því að ausa!)? Eða
vita menn einfaldlega svo mikið að ekki verði á bæt-
andi?
Þetta eru áleitnar spurningar, sem ekki verða reyfað-
ar meira hér. Á það er þó vert að benda að heimurinn,
og þar með aðstæður sjávarútvegsins, breytast afar
hratt. Það þarf talsvert að leggja á sig til þess að fylgj-
ast með. Og það þarf að fylgjast með til þess að hafa
áhrif. Menn skulu hafa hugfast að þeir sem kunna allt
geta ekkert lært. Það eru dapurleg örlög.
59. Fiskiþing
59. Fiskiþing verður haldið á Hótel Loftleiðum 18. og
19. maí, n.k. Eins og á tveimur síðustu Fiskiþingum
verður þemað umhverfismál. Danski prófessorinn
Björn Lomborg mun flytja erindi á Fiskiþingi en hann
hefur vakið athygli fyrir rannsóknir sínar á umhverfis-
málum, sem hafa leitt í ljós að ástand í þeim málum er
betra en oft er haldið fram. Björn hefur sett skoðanir
sínar fram í merkri bók „Hið sanna ástand heimsins",
þar sem mörg helstu viðfangsefni mannanna í um-
hverfismálum er greind og niðurstaðan rökstudd.
Fiskifélagsútgáfan ehf. mun í vor gefa þessa bók út og
verður hún án efa þarft innlegg í knýjandi umræðu um
umhverfismál. Heimsókn Björns Lomborgs verður því
eflaust mikill fengur og 59. Fiskiþing verður áhuga-
verð samkoma.