Ægir - 01.11.2000, Blaðsíða 12

FRÉTTIR
Frá aðalfundi Útvegsmannafélags Austurlands á dögunum.
Emil Thorarensen í ræðustól.
Litið inn á aðalfund
Útvegsmannafélags Austurlands:
Síðasta ár ekki
hagstætt útgerðinni
- segir Emil Thorarensen á Eskifirði
„Það er farið að há ís-
lenskri útgerð tilfinnan-
lega að ekki skuli hægt að
ná kjarasamningum og
færa þá til nútímalegra
horfs vegna breyttra tíma,
framfara og tækninýj-
unga," sagði Emil Thorar-
ensen formaður Útvegs-
mannafélags Austurlands
á aðalfundi þess á dögun-
um.
Mörg mál bar þar á góma og m.a. var
ályktað um að Kvótaþing skyldi lagt nið-
ur. Einnig var skorað á stjórn LIU að hún
beiti sér fyrir því, þegar að því kemur að
skipt verði heimildum úr kolmunna-
stofninum, að stjórnvöld fari að lögum og
gæti hagsmuna þeirra skipa sem aflað
hafa sér veiðireynslu við veiðarnar.
ímyndun og öfugmæli
Emil Thorarensen var ómyrkur í máli
þegar hann beindi spjótum að sjómanna-
forystunni. „Hvaða vit er í því að ekki
skuli hægt að fækka í áhöfn, án þess að
útgerð þurfi þá að greiða færri mönnum
hærri heildarlaun heldur en ef fleiri væru
um borð. Ný og fullkomin skip eins og
það sem Samherji hefur nýlega tekið í
notkun er gott dæmi um skip sem ekki
verður hægt að gera út nema nýir kjara-
samningar náist,“ sagði Emil.
Hann sagði einnig að horfur í kjaravið-
ræðunum væru heldur ekki bærilegar og
benti í því sambandi á að formaður Sjó-
mannasambands Islands hefði sagt að út-
vegsmenn hafi engan áhuga á að ná samn-
ingum og bíði þess eins að verkfall skelli
á, því stjórnvöld mundi koma að málinu
með lagasetningu. „Þetta er auðvitað svo
mikil ímyndun og öfugmæli, sem mest
má vera,“ voru orð Emils.
Ekki hagstætt útgerðinni
„Síðastliðið ár hefur ekki verið hagstætt
útgerðinni," sagði Emil Thorarensen
ennfremur. „Olíuverð hefur hækkað úr
öllu valdi og sligar orðið útgerðina, en
mismunandi illa eftir veiðiskap. Enginn
leið er að spá um hvenær olíuverð lækkar.
Verð á lýsi og mjöli er ennþá í lægð, sem
þrengir enn að útgerð loðnu- og kol-
munnaskipa," sagði Emil. Hann gerði að
umtalsefni skerðingu í þorskveiðiheim-
ildum á yfirstandandi fiskveiðiári um 30
þúsund tonn - og skerðingu á raunar
fleiri fisktegundum. „Hins vegar er
ástæða er til að fagna aukinni úthafs-
rækjuveiði, það sem af er nýbyrjuðu fisk-
veiðiári og binda menn vonir við að
stofninn sé að rétta það mikið út kútnum,
að ástæða sé til að ætla að ráðgjöf Haf-
rannsóknastofnunar verði í þá veru að
mælt verði með aukaúthlutun á næstu
vikum."
Veiðireynslan var að
engu höfð
TiUögur aðalfundar Utvegsmannafélags
Austurlands voru samþykktar samhljóða.
Sem áður segir snérist önnur þeirra um
kolmunnaveiðarnar og í greinargerð segir
að þau ár sem Islendingar hafa stundað
veiðar á kolmunna, hafi sú útgerð gengið
erfiðlega. Kostnaður verið mikill, veið-
arnar hafi verið stundaðar með tapi og
byrjunarörðugleikar ýmsir. Stjórnvöld
hafi hvatt útgerðarmenn til að sinna veið-
um úr kolmunnastofninum og öðlast
þannig veiðireynslu svo þeir geti gert til-
kall til hlutdeildar úr heildarstofninum
þegar til skiptingar á honum kemur, það
er milli þjóðanna sem tilkall gera. Er í
því sambandi minnt á lög frá 1996 sem
kveða á um að veiðireynslan eigi að gilda
við skiptingu á stofnum, eins og
kolmunna.
I ályktuninni segir að þau lög hafi ver-
ið í gildi þegar skipting á norsk-íslensku
síldinni var ákveðin. „En þá brá svo við
að Alþingi sá ástæðu til að fara ekki að
þessum gildandi lögum. Veiðireynslan
var að engu höfð og þess í stað úthlutað á
afar umdeildan hátt, sem kunnugt er.
Með tilliti til úthlutunar stjórnvalda á
norsk-íslensku síldinni er full ástæða til
að útgerðarmenn kolmunnaveiðiskipa
hugi að framtíðinni þegar að skiptingu á
stofninum kemur, enda eru kolmunna-
veiðar eins og þær hafa hingað til gengið,
hugsaðar sem langtímafjárfesting."