Árbók Háskóla Íslands - 01.01.1938, Page 63

61
Hér á eftir fer yfirlit yfir helztu mál, sem stúdentaráðið hafði með
að gera á starfsárinu.
Hátiðahöldum stúdenta 1. des. var hagað á svipaðan hátt og tiðkazt
hafði undanfarin ár. Forsœtisráðherra, Hermann Jónasson, hélt ræðu
af svölum Alþingishússins og minntist fullveldisins.
Stúdentaráðið tók lil athugunar fyrirkomulag á úthlutun náms- og
húsaleigustyrkja við háskólann. hað aflaði sér upplýsinga frá öðr-
um háskólum á Norðurlöndum um það, hvernig úthlutún styrkja væri
þar hagað. I samræmi við þessar upplýsingar voru síðan samdar til-
lögur, sniðnar eftir staðháttum hér, um breytingar á gildandi reglu-
gerð um úthlutun áðurnefndra styrkja. Tillögur þessar voru svo send-
ar háskólaráði til umsagnar. Háskólaráðið tók liklega i málið og lét út-
búa eyðublöð fyrir styrkumsóknir og fjárhagsvottorð i nýju formi,
eftir tillögum stúdentaráðs. Einnig samþykkti háskólaráðið, að nefndir
kosnar úr hópi stúdenta skyldu fá styrkumsóknir stúdenta til umsagn-
ar, og gera siðan sínar tillögur um styrkúthlutunina. Stúdentaráðið
væntir þess, að eftir þessar breytingar verði réttlát úthlutun styrkj-
anna betur tryggð en áður. Um heildartillögur stúdentaráðs i þessu
hiáli vísast annars til skjala stúdentaráðsins.
Ráðið beilti sér fyrir því, að stúdentar fengju afslátt af aðgangs-
korlum að sundhöll Reykjavikur. Frá sundhöllinni fékkst afsláttur, af
mánaðarkortum, sem nam kr. 3.50. Einnig samþykkti íþróttafélag Há-
skólans, fyrir atbeina ráðsins, að veita kr. 1.00 styrk á hvert mánað-
arkort, svo að stúdentar gátu fengið mánaðarkort fyrir kr. 4.00 í stað
kr. 8.50.
Síðasta vetrardag héldu stúdentaráð og Stúdentafélag Reykjavíkur
í sameiningu dansleik að Hótel Rorg. Ágóði af dansleik þessum varð
lítill sem enginn.
Stúdentaráð gekkst fyrir þvi, að stúdentar tækju að sér að sjá um
efni lil flutnings í Ríkisútvarpinu að kvöldi hins síðasta vetrardags.
Þar voru fluttar ræður, lesnar upp sögur, söngvar sungnir og leikið
á liljóðfæri. Skemmtikvöld þetta þótti vel takast, og væri æskilegt að
stúdentar sæju sér fært framvegis að sjá um útvarpskvöldskrá að
minnsta kosti einu sinni á vetri.
Síðla vetrar var haldin boðsundskeppni, sem stúdentaráðið stóð
fyrir, milli allra framhaldsskólanna hér i bæ. Keppt var í 20 manna
sveitum, um bikar, er stúdentaráðið hafði gefið. Sveit stúdenta sigraði.
Ætlunin er að slik keppni sé látin fram fara á hverjum vetri.
Úr Stúdentaskiptasjóði voru Svavari Hermannssyni, stud. chem.
veittar kr. 400.00 og Geir Reyni Tómassyni, stud. med. dent. kr.
350.00. Báðir fóru þeir í skiptum við þýzka stúdenta. Fleiri en þessir
tveir sóttu ekki um styrk úr sjóðnum.