Árbók Háskóla Íslands - 01.02.1950, Blaðsíða 59

57
verði virt til refsiákvæða og hver viðurlög séu sannleg. Dragið
saman lyktir máls í formleg dómsorð.
III. 1 réttarfari:
Lýsið meginreglum um skiptameðferð þrotabúa.
IV. Raunhæft verkefni:
Þann 30. nóvember 1947 gerðu h/f. Verksmiðjan Argus í Reykja-
vík og Halldór Sigurðsson klæðskeri, er rak klæðaverzlun á Akra-
nesi, samning þess efnis, að Halldór tókst á hendur að selja í um-
boðssölu fyrir h/f. Argus tilbúinn karlmannafatnað, er verksmiðj-
an framleiddi. Nánari skilmálar voru þeir, að verksmiðjan ákvað
útsöluverð fatnaðarins, er allur var auðkenndur merki hennar. Bók-
hald um söluna skyldi Halldór hafa sérstakt og halda fé því, sem
inn kæmi, aðskildu frá sínu fé. Vörumar ábyrgðist Halldór sem
geymslumaður, og var óheimilt að selja gegn gjaldfresti. Reikn-
ingsskil skyldu gerð mánaðarlega og Halldór þá skila söluand-
virðinu, að frádregnum 20%, er voru umboðslaun hans.
Þessi viðskipti gengu sæmilega framan af, en þegar Halldór
skyldi gera skil 1. ágúst 1948, kom fram, að hann gat ekki greitt
það fé, sem honum bar, og nam skuldin kr. 10.000,00. Ástæður til
þessa voru fyrst og fremst þær, að vegna skorts á innflutnings-
leyfum var atvinna hans og verzlun rýr. En auk þess hafði hann
selt nokkuð af fötum, m. a. frá h/f. Argus, gegn gjaldfresti. Hafði
hann tekið víxla fyrir þessum lánum og gert ráð fyrir, að þau
greiddust í lok síldarvertíðar um haustið.
Varð nú að samningum 20. ágúst 1948, að Halldór afhenti h/f.
Argus viðskiptamanna-víxla fyrir kr. 7.000.00 að handveði fyrir
skuld sinni og samþykkti sjálfur víxil fyrir þeim kr. 3000.00, sem
vantaði. Leið nú fram á haustið, og hagur Halldórs fór heldur
versnandi. Sá hann sér loks ekki annað fært en að framselja bú
sitt til gjaldþrotaskipta þann 15. október 1948.
Meðal þeirra krafna, sem lýst var í búið, var krafa h/f. Argus
að upphæð kr. 3000.00, er félagið taldi eftirstöðvar umboðssölu-
vara og forgangskröfu. Hélt það því fram, að 3000.00 kr. víxill
Halldórs hefði aðeins verið tekinn sem trygging, en ekki greiðsla,
og bauðst félagið til þess að skila honum aftur.
Þessu var mótmælt af búinu. Búið höfðaði enn fremur riftunar-
mál gegn h/f. Argusi og krafðist afhendingar á viðskiptamanna-
víxlum þeim, sem Halldór hafði afhent 20. ágúst, eða til vara,
andvirði þeirra. H/f. Argus gerði enn fremur kröfu til þess, að sér
væru afhentar úr búinu þær umboðssöluvörur, sem til voru, að út-
söluverði kr. 11.000.00. Þessu var mótmælt af hálfu bæjarsjóðs
8