Árbók Háskóla Íslands - 01.02.1950, Blaðsíða 110

108
Breytingin stafar af því, að ég hef selt fyrrnefnda húsið, en
keypt í þess stað hið síðarnefnda.
Reykjavík, 23. apríl 1932.
(sign.) Guðm. Thorsteinsson.
Guðmundur Thorsteinsson fæddist í Fífuhvammi í Seltjam-
ameshreppi 24. marz 1859, og voru foreldrar hans Þorsteinn
bóndi Þorsteinsson og Guðrún Guðmundsdóttir kona hans.
Hann ólst upp með foreldrum sínum í Fífuhvammi og síðar í
Heiðarbæ í Þingvallasveit, tók við búi þar um 1884 og kvænt-
ist þá Vigdísi Þorleifsdóttur frá Efri-Brú í Grímsnesi. Þau
hjón fluttust til Kanada árið 1888 og gerðust landnemar í
Argyle-byggð.
Guðmundur stundaði búskap sinn af kappi og efnaðist brátt,
en eftir aldamótin brá hann búi og seldi land sitt fyrir allmikið
fé, því að þá hafði járnbraut verið lögð um það. Var hann þá
orðinn heilsulítill og þoldi illa loftslagið vestra, og af þeim
sökum fluttust þau aftur til Islands árið 1908. Ekki festi kona
hans yndi hér, og fluttust þau aftur vestur tveim árum síðar,
en sú dvöl varð ekki löng, því að heilsu Guðmundar hnignaði
mjög, og fluttist hann þá aftur hingað til lands og bjó í Lækj-
arhvammi við Reykjavík 2—3 ár, en árið 1914 hætti hann
búskap og fluttist inn í bæinn. Átti hann síðan heima í Reykja-
vík til dauðadags, 6. júlí 1949, fyrst á Njálsgötu 40, síðar á
Bjamarstíg 12. Ekki vildi kona hans fylgja honum hingað til
lands í annað sinn, og skildu þau nokkru síðar að lögum.
Guðmundur Thorsteinsson var allvel efnaður, þegar hann
settist hér að. Hann hafði þá ekki lengur þrek til vinnu, en
lifði á efnum sínum og ávaxtaði þau með lánastarfsemi Var
hann mjög traustur og áreiðanlegur í viðskiptum og hlaut af
þeim gott orð.
Síðustu árin var Guðmundur rúmfastur og alblindur orðinn.
Frændkona hans, Bjarnfríður Einarsdóttir, stóð fyrir búi hans
jafnan síðan hann kom heim í annað sinn og hjúkraði honum
í veikindum hans.
(Heimild: Minningargrein í Morgunbl. 15. júlí 1949).