Árbók Háskóla Íslands - 01.01.1989, Blaðsíða 32
30
Árbók Háskóla íslands
þegar fundið. Það er von okkar, að sú þekking
leiði til betri skilnings á orsakatengslum um-
hverfis, áhættuþátta og sjúkdóma og til gagn-
legra ráðlegginga.
Nýtt húsnæöi
Sú meginbreyting varð á högum rannsókna-
stofunnar á árinu að tekið var í notkun nýtt
húsnæði í Læknagarði, að Vatnsmýrarvegi 16.
Þetta varð til mikilla bóta fyrir bæði kennslu
og rannsóknir, sem áður höfðu verið hýstar við
þröngan kost að Grensásvegi 12.
Rannsóknastofa Háskólans í veirufræöi
Rannsóknastofan var í bráðabirgðahúsnæði
á Landspftala 1974-1988 en í júní 1988 fluttist
öll starfsemin í nýtt og betra húsnæði f Ármúla
1A. Þar tók til starfa sérstök áhætturannsókna-
deild vegna eyðni- og lifrarbólgurannsókna. f
árslok 1988 voru 24 starfsmenn á rannsókna-
stofunni ef allir eru taldir. Háskólamenntaðir
starfsmenn voru 12.
Rannsóknastofa Háskólans í veirufræði
gegnir fjórþættu hlutverki:
1. Annast rannsóknir á veirum, gangi og út-
breiðslu veirusýkinga hér á landi og árangri
af ónæmisaðgerðum gegn þeim. Þetta starf
telst til grundvallarrannsókna í veiru- og far-
aldsfræði.
2. Annast greiningar veirusótta fyrir heil-
brigðisþjónustuna, bæði sjúkrahús, heilsu-
gæslustöðvar, héraðslækna og aðra starfandi
lækna. Þessi vinna er ekki unnin annars stað-
ar í landinu. Efniviðurinn, sem þannig fæst,
veitir gott tækifæri til gagnasöfnunar um
gang og hegðan veirusótta á íslandi. Eru nið-
urstöður þessa starfs nýttar, svo að í mörgum
tilvikum er hér um vísindaleg verkefni að
ræða jafnframt þvf gagni, sem heilbrigðis-
þjónustan hefur af þessari vinnu vegna ein-
stakra sjúklinga.
3. Annast kennslu verðandi heilbrigðisstarfs-
manna f veirufræði, bæði háskólakennslu og
kennslu í ýmsum sérskólum.
4. Annast ráðgjöf varðandi veirur, veirusýk-
ingar og vamir gegn þeim.
Árið 1988 var unnið að svipuðum verkefn-
um og getur í skýrslu Rannsóknarráðs 1986-87,
nema að vinna við greiningar á eyðnisýkingum
og liffarbólgusýkingum bættist við þjónustu-
rannsóknimar. Árið 1989 var unnið mikið und-
irbúningsstarf vegna nýrra verkefna og nýnrar
tækni sem nú ryður sér til rúms við ýmiss kon-
ar veirurannsóknir. Kennslumagn var svipað og
undanfarin ár.
Forstöðumaður Rannsóknastofu Háskólans í
veimfræði er Margrét Guðnadóttir prófessor.
Rannsóknastofa í ónæmisfræöi
Ónæmisffæðistofnun Landspftalans og Há-
skólans hóf starfsemi fyrir 5 árum í 70 fermetra
húsnæði, sem var innréttað undir hluta af súð í
gamla þvottahúsi Landspftalans (bygging 14).
Lokið var við innréttingu rishæðarinnar árið
1985 og hefur deildin verið starfrækt þar síð-
an í um 180 fermetra nýtanlegu húsrými. Þegar
þetta er skrifað er verið að ljúka við endumýjun
jarðhæðar gamla þvottahússins, og fær ónæm-
isffæðideildin afnot af hluta hæðarinnar. Þessi
viðbót leysir að mestu þá húsnæðiskreppu, sem
hefur staðið starfsemi deildarinnar fyrir þrifum
frá því hún tók til starfa.
Greint er frá aðdraganda Rannsóknastofu f
ónæmisffæði í Árbók Háskólans 1981-1982,
en hún er eina sérhæfða ónæmisffæðistofnun
landsins. Hlutverk hennar er að stuðla að því að
framfarir í ónæmisfræði komi íslensku þjóðfé-
lagi að sem bestum notum. Uppbygging deild-
arinnar hefur mótast af þvf, að hún er hluti af