Árbók Háskóla Íslands - 01.01.1989, Blaðsíða 216

214
Árbók Háskóla íslands
en umfjöllun um þá embættisveitingu var samt
enn meiri á háskólaárinu á undan.
„Námskeið Hannesar voru felld niður,“
sagði í frétt DV (24.09.88) og var kennt um
litlum áhuga nemenda. Hannes svaraði fyrir sig
í sama blaði (1.10.88) og kvaðst vera þakklátur
samkennurum sfnum í félagsvísindadeild fyr-
ir að hafa gefið sér tóm til að einbeita sér að
samningu fræðirita með því að leysa hann und-
an kennsluskyldu á misserinu.
„Hannes verður við óskum nemenda um
kennslu,“ segir í frétt Tímans skömmu síð-
ar (11.10.88). Nemendur í félagsvísindadeild,
heimspekideild og viðskipta- og hagfræðideild
Háskóla íslands lögðu fram undirskriftalista
með 13 nöfhum á deildarfundi félagsvfsinda-
deildar þar sem farið var fram á að kennt yrði
námskeiðið „Frelsi, ríkisvald og lýðræði“, en
auglýstur kennari á því námskeiði var Hann-
es Hólmsteinn Gissurarson. „Mér er vissulega
ljúft og skylt að verða við þeirn óskum og mun
þvf örugglega kenna námskeið á þessu misseri,
þó svo að greint hafi verið frá þvf að svo yrði
ekki,“ sagði Hannes í viðtali við Tímann. „Það
er auðsótt mál ef bæði nemendur og kennari
eru tilbúin að hefja kennslu og vekja upp nám-
skeiðið,“ segir Þórólfur Þórlindsson, forseti fé-
lagsvísindadeildar Háskóla íslands, aðspurður
um þetta mál í DV.
í Mbl. (17.11.88) birtist síðan viðtal við
Hannes í tilefni þess að hann var byrjaður að
kenna við félagsvísindadeild. „Ég verð ekki var
við annað en kennarar deildarinnar vilji gott
samstarf við mig og ég er tilbúinn að hafa gott
samstarf við þá. Ég ætla ekki að erfa við þá ein-
hver ógætileg orð sem þeir kunna að hafa látið
falla í stundarreiði fyrir nokkrum mánuðum,"
sagði Hannes.
En málið var ekki þar með úr sögunni.
„Lektorsráðning í stjómmálafræði verður kærð
til umboðsmanns Alþingis: Hannesarmálið aft-
ur í gang,“ segir í Tímanum skömmu sfð-
4 Mbl. 18. nóv. 1988.
5 Alþýðubl. 27. okt. 1988.
6 Tíminn 20. des. 1988.
ar (27.10.88). í fréttinni segir að þeir Ólaf-
ur Þ. Harðarson og Gunnar Helgi Kristinsson,
umsækjendur um lektorsstöðu f stjómmála-
fræði, hyggist kæra til umboðsmanns Alþingis
hvemig staðið var að ráðningu Hannesar.
Birgir ísl. Gunnarsson, fyrrv. menntamála-
ráðherra, hafði þetta um málið að segja: „Mér
hefur fundist vera tilhneiging til klíkumyndun-
ar í vissum deildum Háskólans, og ég hafði ekki
aðeins þetta mál fyrir mér í þvf. Þetta gekk yfir,
en við ræddum það hins vegar mjög ýtarlega, ég
og háskólarektor, á tveimur fundum eftir að við
höfðum deilt hvað harðast, og niðurstaðan varð
sú að við ákváðum að setja í gang vinnu til að
breyta reglum um ráðningar við Háskólann."4
Þjóðv. (5.12.88) talar um „Sérstakt Hannes-
arhaft“ í fyrirsögn þar sem segir ennfremur:
„Háskólaráð leggur til breytingar á lögum um
stöðuveitingar sem tryggi að Hannesarslys end-
urtaki sig ekki.“ I fréttinni segir að með breyt-
ingunum („Engum manni má veita prófessors-
embætti, dósentsstarf eða lektorsstarf við Há-
skóla íslands, nema meirihluti dómnefndar telji
hann hæfan og meirihluti deildarfundar mæli
með honum f starfið") séu möguleikar mennta-
málaráðherra til pólitfskra embættisveitinga
stórlega skertir. Segir að ráðherra hafi tillög-
umar til skoðunar.
Alþýðublaðið skýrir og frá frumvarpinu um
stöðuveitingar við Háskóla íslands: „Svavar
Gestsson, menntamálaráðherra, hefur látið
semja frumvarp um breytingu á lögum um Há-
skóla íslands og snýst breytingin um stöðu-
veitingar við Háskólann. Markmiðið er að efla
sjálfstæði Háskóla fslands og er augsýnilegt
að deilumar vegna lektorsmálsins s.l. sumar, er
fyrrverandi menntamálaráðherra veitti Hannesi
Hólmsteini stöðu við félagsvísindadeild, eru
aðalhvati þessa fmmvarps Svavars.“5 Frum-
varpið er gagruýnt af „Garra"6 og er þar lögð
áhersla á mikilvægi þess að fulltrúar hins lýð-
ræðislega valds í landinu ráði endanlega stöðu-