Árbók Háskóla Íslands - 31.12.2003, Qupperneq 220

Doktorspróf
Á árinu luku 9 doktorsprófi frá Háskóla íslands.
Frá heimspekideild
Ármann Jakobsson íslenskufræðingur
1.febrúar 2003
Heiti ritgerðan Staður í nýjum heimi: Konungssagan Morkinskinna. Andmælend-
ur voru Sverrir Tómasson. vísindamaður við Árnastofnun. og Bergljót S. Krist-
jánsdóttir. dósent við heimspekideild Háskóla (slands.
Lýsing ritgerðar
Doktorsritgerðin fjatlar um Morkinskinnu. íslenskt sagnarit frá 13. öld, en þar er
greint frá norskum konungum á tímabilinu frá 1035 til 1157. Morkinskinna mark-
aði tímamót í sagnaritun islendinga: Hún er elsta sagan þar sem rakin er saga
margra konunga á rækilegan hátt. [ Morkinskinnu er ein elsta frásögn á norrænu
máli um sálfræðilega ráðgjöf til að lækna þunglyndi. Hún er líka einstök heimild
um hugmyndir islendinga um konungsvald sem koma fram í stöðugum og vægð-
arlausum samanburði konunga í sögunni. Síðast en ekki síst er þetta sagnarit
mikilvæg heimild um afstöðu íslendinga til þjóðernis síns enda er þar sagt frá
mörgum íslendingum við erlenda hirð.
Birna Bjarnadóttir bókmenntafræðingur
6. júnf 2003
Heiti ritgerðan Holdið hemurandann. Um fagurfræði í skáldskap Guðbergs
Bergssonar. Andmælendur voru Álfrún Gunntaugsdóttir prófessor og Gert
Kreutzer prófessor.
Lýsing ritgerðar
Ritgerðin fjallar um fagurfræði í skátdskap Guðbergs og fagurfræði nútímaskáld-
skapar. Um er að ræða brautryðjandaverk í rannsóknum á höfundarverki Guð-
bergs Bergssonar sem er lykilhöfundur í íslenskum samtímaskátdskap og raun-
ar einn af mikithæfustu listamönnum íslenskrar menningarsögu á síðustu ára-
tugum. Hér er ekki um hefðbundna bókmenntafræðitega greiningu á verkum
Guðbergs að ræða, heldur frekar sviðsetningu og úrvinnslu hugmyndasögulegrar
og fagurfræðilegrar samræðu. Því er hatdið fram að fagurfræði í skáldskap Guð-
bergs feli ekki aðeins í sér samræðu við íslenska menningu og samfélag. heldur
megi finna í henni hugmyndasögulegar samsvaranir við ákveðin skáld og heim-
spekinga í vestrænni hugmynda- og frásagnarhefð. Meginmarkmið bókarinnar er
að greina þessa samræðu, sem með góðu móti má segja byggja á fagurfræðilegri
róttækni.
Frá læknadeild
Jóhann Elí Guðjónsson læknir
29. nóvember 2003
Heiti ritgerðan Psoriasis: Erfðir. klínísk einkenni og meingerð. Andmælendur
voru Vilmundur Guðnason forstöðulæknir Rannsóknastöðvar Hjartaverndar. og
prófessor Lionel Fry. Imperial Coltege. London.
Lýsing ritgerðar
Psoriasis er krónískur bótgusjúkdómur í húð en hluti psoriasis-sjúklinga fær
einnig bólgusjúkdóm í liði. Orsakir sjúkdómsins eru enn að mestu óþekktar. en
tjóst er að um samspit erfða- og umhverfisþátta er að ræða. Ritgerðin byggist á
sex greinum sem fjalla um genaleit í sjúkdómnum. klínísk einkenni sjúkdómsins
í tengslum við erfðamörk og umhverfisþætti í psoriasis. Niðurstöður sem fjallað
216