Stúdentablaðið - 01.01.2006, Blaðsíða 29

HÆGRI OG
VINSTRI ERU
MARKLAUS
HUGTÖK í
STÚDENTA-
PÓUTÍK
FJÖLNIR GUÐMANNSSON ER 25 ÁRA
LÆKNANEMI OG SKIPAR EFSTA SÆTI
H-LISTANS TIL STÚDENTARÁÐS.
HANN ER FRÁ ESKIFIRÐI OG ER
STÚDENT FRÁ MA. HANN LANGAR
TIL AÐ BJÓÐA SIG FRAM TIL
STÚDENTARÁÐS SEM EINSTAKLINGUR.
HANN MÁ ÞAÐ EKKI.
HVERS VEGNA TEKURÐU ÞÁTT í STÚDENTAPÓUTIK?
Lengst af sá ég ekki ástæðu til að taka þátt í
stúdentapólitíkinni því mér þótti munurinn á fylkingum
vera hverfandi. I sjálfu sér hef ég aldrei áttað mig á því
af hverju listarnir eru sífellt að reyna að skilgreina sig
frá hinum þegar allir vilja í raun það sama. Til að byrja
með vissi ég ekki af Háskólalistanum en kaus hann um
leið og ég vissi fyrir hvað hann stóð. Um leið og mér
bauðst svo að starfa með listanum stökk ég á tækifærið.
I vetur hef ég fundið hljómgrunn fyrir baráttumál
Háskólalistans og vonast til þess að sá meðbyr sem
við höfum muni skila sér í að við getum tekið upp
einstaklingskosningar.
HVERS VEGNA EINSTAKUNGSKOSNINGAR?
Vegna þess að stúdentar eru einn hagsmunahópur.
Pað veikir hagsmunabaráttu stúdenta að skipta
Stúdentaráði í fylkingar. Þess vegna þurfa
Stúdentaráðsliðar að standa sterkir saman sem
þrýstihópur. Öflug verkalýðsfélög skipta sér ekki upp
í fylkingar. Þau starfa einbeítt í þágu skjólstæðinga
sinna. Það þarf Stúdentaráð Háskóla íslands líka að
gera. Við viljum að Stúdentaráðsliðar einbeiti sér að
hagsmunum stúdenta í stað þess að vinna alltaf með
hliðsjón af hagsmunum fylkinganna. Til að þeir geri
það þurfum við að taka upp einstaklingskosningar í
stað listakosninga og leggja listana niður. Leggjum
niður Háskólalistann.
AF HVERJU VIUIÐ ÞIÐ LEGGJA
NIÐUR YKKAR EIGIN LISTA?
Við viljum að kosningamar snúist um fólk. Það er ekki
grundvöllur fyrir því að þær snúist um stefnumál vegna
þess að stefna allra fylkinga er í gmnninn sú sama.
AlUr em að þerjast fyrir bættum hag stúdenta. Það
er ekkert mál í umræðunni sem stúdentar skipa sér í
andstæðar fylkingar um. Við erum öll einn sameiginlegur
hagsmunahópur. Þess vegna viljum við skapa tækifæri
til framboðs fyrir hæfa einstaklinga sem vilja starfa að
hagsmunum stúdenta, óháð fylkingum. Við viljum taka
upp einstaklingskosningar og ef við gerum það verða
fylkingamar óþarfar. Þá getum við lagt þær niður, þar á
meðal Háskólalistann.
HVORT ERUÐ ÞIÐ TIL HÆGRI EÐA VINSTRI?
Það fer eftir því hvern þú spyrð. Sem einstaklingar
dreifumst við á ýmsa flokka í landspólitíkinni, en
hægri og vinstri eru marklaus hugtök í stúdentapólitlk.
Stúdentaráð er ekki vettvangur fyrir landsmálapólitík.
Sú pólitík er rædd og tekin fyrir á Alþingi íslendinga og
í ríkisstjórn. Stúdentaráð á ekki að vera uppeldisstöð
fyrir flokkana. Þeir geta tamið gæðinga sína á öðrum
vettvangi. Þess vegna er listinn sjálfur ótengdur
flokkum og hefur ekki stefnu í landsmálum. Við
störfum heils hugar saman að hagsmunum stúdenta,
óháð skoðunum okkar í landsmálapólitík. Það hefur
sýnt sig í vetur að rödd Stúdentaráðs heyrist betur
þegar það talar fyrir hönd allra stúdenta en ekki fyrir
hönd naums meirihluta sem hefur í huga að vinna
kosningasigur á næsta ári.
ERUÐ m ÞÁ Á MÓTI VÖKU OG RÖSKVU?
Já, við erum á móti Vöku og Röskvu sem stofnunum.
Hins vegar er margt gott fólk innan listanna sem við
viljum sjá nýta krafta sína sem einstaklingar í þágu
stúdenta. Við viljum ekki sjá það bundið af hagsmunum
fylkinganna. Við viljum að það geti tekið ákvarðanir sem
eru í þágu stúdenta eftir eigin sannfæringu en ekki með
það í huga hvor fylkingin er að fara að „vinna" á næsta
ári. Stúdentapólitíkin á ekki að snúast um það hver fær
heiðurinn af því sem vel er gert. Þess vegna er auðvitað
eina vitið að hafa einstaklingskosningar.
EITTHVAÐ AÐ LOKUM?
Nei, það er ekkert að lokum flokkakerfisins í íslenskri
stúdentapólitík. Við viljum þakka þeim sem gefið hafa
vinnu sína í þágu stúdenta og biðjum þá að horfast í augu
við nýja tíma með okkur.
1. SÆTITIL HÁSKÓLARÁÐS
BRAGI DÓR HAFÞÓRSSON ER 29 ÁRA LAGANEMI.
HELSTU HUGÐAREFNI HANS ERU FJÖLSKYLDA OG
MENNTAMÁL OG SAMSPILIÐ ÞAR Á MILLI. AUK
ÞESS ER HANN SÉRSTAKLEGA ÁHUGASAMUR
UM AÐ FÁ SÆTÍ í HÁSKÓLARÁÐI. HANN VAR í
VERZLUNARSKÓLA ÍSLANDS, AUK ÞESS SEM HANN
HEFUR LÆRT LEIKLIST í KANADA. HANN HEFUR ÞÁ
UNDARLEGU ÁRÁTTU AÐ GETA VARLA HORFT Á
KVIKMYND ÁN ÞESS AÐ FLETTA IÐULEGA UPP Á
IMDB í HVAÐA MYNDUM ÁKVEÐNIR LEIKARAR
HAFA LEIKIÐ.
EN HVAÐ ER ÞETTA HÁSKÓLARÁÐ NÁKVÆMLEGA?
Háskólaráð er í raun framkvæmdavald Háskólans.
Þangað leita deildir skólans með málefni sem upp
koma á deildarfundum og þarna eru ákvarðanir teknar
í framhaldi af því. Háskólaráð getur einnig komið sér
upp undirstofnunum en það sem skiptir mestu er að
Háskólaráð tekur ákvarðanir en mótar ekki stefnu.
Þetta er oft síðasti möguleiki nemenda til að koma með
tillögur og ábendingar.
ER EITTHVAÐ SEM ÞÚ KEMUR TIL MEÐ
AÐ BERJAST FYRIR EF ÞÚ KEMST i RÁÐIÐ?
Já, að óháð fylkingum verði fulltrúar nemenda
háværari, hávær rödd sem lætur i sér heyra. Háskólinn
þarf að hlusta á stúdenta og Háskólaráð er besti
vettvangurinn til þess. Stjórn Háskólans má ekki sýna
okkur stúdentum þá óvirðingu að virða ekki skoðanir
okkar. Báðir aðilar verða að hlusta því Háskólinn er
fyrir alla stúdenta, óháð fylkingum, pólitík eða námi
- allir hafa einhverja sameiginlega hagsmuni. Þá situr
fulltrúi nemenda í ráðinu einnig í Stúdentaráði og
getur þannig verið ákveðin brú á milli Stúdentaráðs
og Háskólaráðs. Með öflugan aðila sem hlustar á alla
en ekki bara fylkingarbræður og systur sínar ert þú að
tryggja að rödd þín fái sterkan og háværan hljóm innan
um valdaaðila Háskólans.
BREYTT FYRIRKOMULAG
KOSNINGA:
Háskólalistinn vill vinna að
brey tingum á f yrirkomulagi kosninga
til Stúdentáráðs Háskóla íslands,
Háskólaráðs og Háskólafundar, með
það að markmiði að auka frelsi og
möguleika til að bjóða fram krafta
sína til að starfa í þágu samstúdenta.
Einstaklingar eiga að geta boðið sig
fram til Stúdentaráðs án þess að
hengja sig við pólitísk öfl.
STÚDENTARÁÐ ER MÁLSVARI
HAGSMUNAHÓPS:
Landsmálapólitík kemur
Stúdentaráði ekki við. Háskölalistinn
er framboð einstaklinga sem eiga
það sameiginlegt að vilja vinna
hagsmunum stúdenta gagn, óháð
öllum línum í landsmálapólitík.
JAFNRÉTTI TIL NÁMS:
Háskóli íslands er menntastofnun
allra Landsmanna og á að standa
öllum opinn. Háskólalistinn
hafnar alfarið skólagjöldum og
fj öldatakmörkunum.
FORMANNSEFNI FRAMBOÐA
KYNNT:
Háskölalistinn mun fyrir kosningar
kynna fulltrúa sinn til formennsku
I Stúdentaráði. Það hlýtur að vera
krafa stúdenta við Háskóla íslands
að hafa fyrirfram vitneskju um hver
komi til með að vera þeirra helsti
talsmaður á komandi kjörtlmabili.
ÞJÓNUSTA VIÐ STÚDENTA:
Háskólalistinn leggur áherslu á
að skrifstofa Stúdentaráðs sé vel
mönnuð hæfu fólki til að þjónusta
stúdenta sem best. Því leggur
listinn áherslu á að áfram verði
staðið á faglegan hátt að ráðningu
framkvæmdastjóra Stúdentaráðs.
FJÖLSKYLDUVÆNN HÁSKÓLI:
Stór hluti háskölanema á börn. Þau
eru háskólanemar framtíðarinnar
og því mikilvægt að búa þeim
og foreldrum þeirra sem þestar
aðstæður á meðan þau stunda hér
nám, enda á Háskólinn auðvitað að
vera ein stór fjölskylda!
SANNGJÖRN NÁMSLÁN:
Stór hluti nemenda er á námslánum
og ætti án þeirra ekki kost á
að stunda nám sitt. Jákvæðar
breytingar urðu á málefnum
Lánasjóðsins I vor en enn er mikið
verk óunnið. Námslánin eru enn
of lág, fjölmargir háskólastúdentar
myndu kjósa að vinna mun minna
með námi en þeir gera, en hafa
hreinlega ekki efni á því. Þetta
kemur niður á náminu og getur
jafnvel gengisfellt það. Þá vill
Háskólalistinn að Stúdentaráð beiti
sér fyrir þvl að endurgreiðslubyrði
námslána verði frádráttarbær frá
skatti.
SKEMMTILEGRA
HÁSKÓLASAMFÉLAG:
Efla þarf samvinnu milli
Stúdentaráðs, nemendafélaga og
annarra félaga innan HáskóLans, til
að auka fjölbreytni og menningu
innan skólans. Skemmtunin verður
líka mun skemmtilegri ef hún er
ekki á vegum stjórnmálaafls sem
þú færð samviskubit yfir að sníkja
veitingar hjá án þess að kjósa.
Að lokum leggur Háskólalistinn það
til að einstaklingskosningar verði
teknar upp.